တရုတ်ပြည်တွင်းလုပ် ပထမဆုံးလေယာဉ်တင်သင်္ဘော ပင်လယ်ပြင်ရေချ


တရုတ်နိုင်ငံတွင်းမှာ ပထမဆုံး တည်ဆောက်ခဲ့တဲ့ လေယာဉ်တင်း သဘောင်္ကို ပင်လယ်ပြင် လုပ်ငန်းတွေ စတင် စမ်းသပ်နေပါတယ်။ Dalian မြောက်ပိုင်း ဆိပ်ကမ်းကနေ မနေ့ တနင်္ဂနွေနေ့ အစောပိုင်းက နာမည်မပေးရသေးတဲ့ လေယာဉ်တင် သဘောင်္ ခုတ်မောင်းသွားတာကို တရုတ်နိုင်ငံပိုင် ရုပ်သံမှာ တွေ့မြင်ရပါတယ်။

သဘောင်္ ခုတ်မောင်းမှုနဲ့ တခြား စနစ်တွေရဲ့ စိတ်ချရမှုနဲ့ တည်ငြိမ်မှုကို စမ်းသပ်မယ့်အကြောင်း တရုတ် ကာကွယ်ရေး ၀န်ကြီးဌာနက ကြေညာချက်မှာ ပြောဆိုထားပါတယ်။ ပင်လယ်ပြင် စမ်းသပ်မှုတွေ၊ လေယာဉ်တွေ ပြည့်စုံရင်တော့ ၂၀၂၀ မတိုင်ခင်မှာ တန်ချိန် ၅ သောင်းရှိတဲ့ လေယာဉ်တင် သဘောင်္ကို တရားဝင် စတင် တာဝန်ပေးအပ်တော့မယ့် အနေအထား ရှိပါတယ်။ ရေနံလောင်စာသုံး တာဘိုင်စွမ်းအင်ထုတ်စက်ရုံ၊ လေယာဉ်ပျံတက်ဖို့ ဆင်ခြေလျော ပြေးလမ်းတို့ပါတဲ့ လေယာဉ်တင် သဘောင်္ ပုံစံက အရင် ဆိုဗီယက်ယူနီယံခေတ် Kuznetsov အမျိုးအစား ကို အခြေခံ ထားတာပါ။

အခု လေယာဉ်တင် သဘောင်္က တရုတ်ရေတပ် အတွက် ဒုတိယမြောက် သဘောင်္ ဖြစ်ပါတယ်။ ပထမဆုံး လေယာဉ်တင် သဘောင်္ Liaoning ကိုတော့ ယူကရိန်းနိုင်ငံက အဟောင်းကို ၀ယ်၊ ပြည်တွင်းမှာ ပြန်ပြင်ပြီး ၂၀၁၂ ခုနှစ်မှာ စပြီး တာဝန်ပေးအပ်ခဲ့တာပါ။ ရေတပ်မှာ သုံးတဲ့ သဘောင်္ အရေအတွက် အရ တရုတ်ဟာ ကမ္ဘာမှာ အင်အားအကြီးဆုံး ရေတပ် ဖြစ်ပေမယ်လို့ နည်းပညာနဲ့ တိုက်ခိုက်မှု စွမ်းရည်မှာတော့ အမေရိကန်ရဲ့ နောက်မှာအတော်လေး ပြတ်ကျန်နေတာ ဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ