သီလဝါစီမံကိန်းလယ်ရှင်တွေဆီက ပိုင်ဆိုင်မှု အထောက်အထားတွေ ဝန်ကြီးချုပ်တောင်း

လယ်ယာမြေ ဆန္ဒပြသူတွေကို ရဲက တားဆီး
သီလဝါဆိပ်ကမ်း စီမံကိန်းဇုန်ထဲက လယ်ယာမြေနဲ့ ပတ်သက်လို့ အငြင်းပွားနေတဲ့သူတွေကို မေ ၁၄ ရက်နေ့က ရန်ကုန်တိုင်း ဝန်ကြီးချုပ်က ခေါ်တွေ့ခဲ့ပါတယ်။

မေလ ၁၂ ရက်နေ့က လယ်ယာမြေကိစ္စ အငြင်းပွားရာမှာ တောင်းဆို ဆန္ဒပြသူတွေကို လုံခြုံရေး ရဲတွေက ပစ်ခတ်လို့ ဆန္ဒပြသူတချို့ ဒဏ်ရာရခဲ့အပြီး စီမံကိန်းဇုန်ထဲမှာ နေထိုင်သူ ၄ ဦးကို ဝန်ကြီးချုပ်က ခေါ်တွေ့ခဲ့တာ ဖြစ်ပါတယ်။

ဒီလိုတွေ့ဆုံရာမှာ သူတို့ရဲ့ လယ်ယာမြေ ဆိုင်ရာ အချက်အလက်တွေကို ဝန်ကြီးချုပ်က မေးခဲ့ပြီး ပိုင်ဆိုင်မှု အထောက်အထားတွေ တောင်းယူခဲ့တယ်လို့ ဝန်ကြီးချုပ်နဲ့ တွေ့ဆုံခဲ့တဲ့ လယ်ပိုင်ရှင် ဦးသန်းဝင်း က ပြောပါတယ်။

ပစ်ခတ်မှုတွေ အပါအဝင် အဖြစ်အပျက် တခုလုံးကို အစိုးရအနေနဲ့ ဖြေရှင်းပေးပြီးမှ စီမံကိန်းကို ဆက်လုပ်စေချင်တယ်လို့ သူက ပြောပါတယ်။

ဒါပေမယ့်လည်း ဝန်ကြီးချုပ်ဘက်ကတော့ အမှုတွဲနဲ့ပတ်သက်တဲ့ စာရွက် စာတမ်းတွေကို ဦးစားပေး စိစစ်ပေးဖို့ ရန်ကုန်တိုင်း ဒေသကြီး လယ်ယာမြေနဲ့ အခြားမြေများ သိမ်းဆည်းမှု စုံစမ်း စစ်ဆေးရေး ကော်မရှင်အဖွဲ့ကို ပြောခဲ့တယ်လို့ အဖွဲ့ဝင် တိုင်းဒေသကြီး လွှတ်တော် ကိုယ်စားလှယ် ဦးတင်ရှိန်က ပြောပါတယ်။

စစ်ဆေးပြီး ပိုင်ဆိုင်ကြောင်း မှန်ကန်တယ်ဆိုရင် မြေယာလျော်ကြေးတွေ ပေးမယ်လို့ သူက ဆိုပါတယ်။

မြန်မာ့ဆိပ်ကမ်း အာဏာပိုင် သီလဝါ စီမံကိန်းဇုန်ထဲမှာ အငြင်းပွားနေတဲ့ လယ်သမား ၉ ဦး အနက် ၂ ဦးက ၁၉၉၆ ခုနှစ်မှာ လျော်ကြေးငွေ နှစ်သောင်းကျပ် ရရှိခဲ့ပါ တယ်။

တချို့ လယ်သမားတွေကတော့ ၁၉၉၆ ခုနှစ်နောက်ပိုင်းမှာ ဒီရေတောတွေကို ခုတ်ထွင် ရှင်းလင်းပြီး လယ်လုပ်ကိုင်လာသူတွေ ဖြစ်တယ်လို့ ဦးသန်းဝင်းက ပြောပါတယ်။

အခု အငြင်းပွားနေတဲ့ လယ်ယာမြေတွေကတော့ ဧက ၁၀ဝနီးပါး ရှိနေပါတယ်။

မြန်မာနိုင်ငံမှာ လယ်ယာမြေ ပြဿနာဟာ တနိုင်ငံလုံး အတိုင်းအတာအရ ဖြေရှင်းရ အခက်ဆုံး ပြဿနာတခုလို့ မြေယာအရေး ဆောင်ရွက်နေသူတွေက ပြောပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ