အစိုးရတပ်နဲ့ AA တပ်ဖွဲ့ တိုက်ပွဲဖြစ်၊ နှစ်ဘက်ကျဆုံး

 မေလ(၃) ရက် (၉) ရက် (၁၄) နေ့ နှင့် မေ ၁၈ နေ့ တွေမှာ ချင်းပြည်နယ် ပလက်ဝ မြို့နယ် အထက်ပိုင်း နယ်စပ်မှာ တိုက်ပွဲ ဖြစ်ပွား ခဲ့
မြန်မာ - ဘင်္ဂလားဒေ့ရှ် နယ်စပ်မှာ မြန်မာ့ တပ်မတော်နဲ့ ရက္ခိုင့် တပ်မတော် AA အကြား တနင်္ဂနွေနေ့က တိုက်ပွဲ ဖြစ်ပွားရာမှာ နှစ်ဘက် အကျဆုံးတွေ ရှိတယ်လို့ AA က သတင်း ထုတ်ပြန်ပါတယ်။

၄၅ မိနစ်ကြာ နှစ်ဘက် ပစ်ခတ်မှုတွေ အတွင်း အစိုးရတပ်ဘက်က ၉ ဦးကျပြီး၊ အများအပြား ဒဏ်ရာ ရရှိသွားသလို၊ AA ဘက်ကတော့ ၁ ယောက် ကျတယ်လို့ ရက္ခိုင့် တပ်မတော် ပြန်ကြားရေး ဌာန တာဝန်ခံ ခိုင်သုခက ဘီဘီစီကို ပြောပါတယ်။

ဒီ တိုက်ပွဲမှာ မြန်မာ့ တပ်မတော်ဘက်က အကျ အဆုံး များတယ်လို့ ပြောပေမယ့် မြန်မာ့ တပ်မတော်ဘက်က တစုံ တရာ ထုတ်ဖော် ပြောကြားတာ မရှိတဲ့ အတွက် အတည်ပြုဖို့ ခက်ခဲနေပါတယ်။

မြန်မာ့ တပ်မတော် စကခ(၁၅) လက်အောက်ခံ၊ ဘူးသီးတောင် အခြေစိုက် ခလရ(၂၆၃) တပ်ရင်းနဲ့ ရက္ခိုင့် တပ်မတော် တို့ မြန်မာ ဘင်္ဂလာဒေ့ရှ် နယ်စပ် ဘူးသီး တောင်မြို့နယ် အထက်ပိုင်းမှာ တနင်္ဂနွေ နံနက် ၈ နာရီ ကျော်က တိုက်ပွဲ ဖြစ်ပွားခဲ့ တာပါ။

အခု တိုက်ပွဲ ဖြစ်ပွားပြီးတဲ့ နောက်မှာ မြန်မာ့ တပ်မတော် ဘက်က တပ် အင်အားတွေ ဖြည့်တင်း နေတဲ့ အတွက် တိုက်ပွဲတွေ ဆက်ဖြစ် လာနိုင် တယ်လို့လည်း ခိုင်သုခက ပြောပါတယ်။

မြန်မာ့ တပ်မတော်နဲ့ AA တို့ အကြား မေလ(၃) ရက် (၉) ရက် (၁၄) နေ့ နှင့် မေ ၁၈ နေ့ တွေမှာ ချင်းပြည်နယ် ပလက်ဝ မြို့နယ် အထက်ပိုင်း နယ်စပ်မှာ တိုက်ပွဲ ဖြစ်ပွား ခဲ့တယ်လို့လည်း အဲဒီ ကြေညာချက် ထဲမှာ ဖော်ပြပါတယ်။

အခု တိုက်ပွဲ ဖြစ်ပွား ခဲ့တဲ့ ဘူးသီးတောင်မြို့နယ် အထက်ပိုင်း နဟုန်း နဟန်းရွာ တွေက ဒေသခံတွေ ကလည်း တိုက်ပွဲ ဖြစ်ပွား ပြီးတဲ့ နောက်မှာ အထူး စိုးရိမ်မှုတွေ ရှိနေ ကြတယ်လို့ သိရှိရပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ