ရွှေလက်ညှိုးသံချပ်အဖွဲ့ မြို့တော်ဝန်မဏ္ဍပ်မှာ ဖျော်ဖြေစဉ် မိုက်ပိတ်ခံရ

"ဟိုထိုးဒီထိုးရွှေလက်ညိုးကျောင်းသားသံချပ်အဖွဲ့" ဖျော်ဖြေရေးယာဉ်ကို တွေ့ရစဉ်/ ဓါတ်ပုံ - ဟိုထိုးဒီထိုးရွှေလက်ညှိုးကျောင်းသားသံချပ်အဖွဲ့ - ဖေ့စ်ဘွတ်
"ဟိုထိုးဒီထိုးရွှေလက်ညိုးကျောင်းသားသံချပ်အဖွဲ့" မနေ့ညက မန္တလေးမြို့တော်ဝန်မဏ္ဍပ်မှာ သင်္ကြန်သံချပ် ၀င်ရောက်ယှဉ်ပြိုင်တဲ့အခါ ဆင်ဆာဖြတ်တောက်ထားတာတွေ ထည့်သွင်းပြီး သံချပ်ထိုးခဲ့ရာမှာ မိုက်ပိတ်ခံလိုက်ရ တယ်လို့ သံချပ်အဖွဲ့ဝင် တစ်ဦးက ဒီနေ့ ပြောပါတယ်။

သတ်မှတ်ပေးထားတဲ့ မိနစ် ၃၀ မပြည့်ခင် မိုက်ပိတ်ခံလိုက်ရတာလို့ သံချပ်အဖွဲ့က ဖျော်ဖြေရေးတာဝန်ခံ ကိုသိုက်ထွေးက ပြောပါတယ်။

"ကျနော်တို့ မနေ့တုန်းက ပြိုင်ပွဲမ၀င်ခင် စည်းကမ်းချက်တွေ ဖတ်ပြတယ်၊ မိနစ် ၃၀ ပြည့်ရင် မိုက်ပိတ်မယ်ပေါ့ နော်၊ အမှန်အတိုင်းဆိုရင် ကျနော်တို့ သံချပ်ထိုးဖို့အတွက် ပြဇာတ်တွေပါတယ်၊ တခြား ပြောဆိုမှုတွေလည်း ပါတဲ့အတွက် ကျနော်တို့ မိနစ် ၃၀ နဲ့ လုံးဝ လုံလောက်မှု မရှိပါဘူး၊ အဲ့ဒီအတွက် ညှိတယ်၊ မိနစ် ၃၀ တော့ နည်းနည်းကျော်လိမ့်မယ်၊ နှုတ်သဘောအရ ကူညီခဲ့တယ်၊ မိနစ် ၃၀ ကျော်တာ အဆင်ပြေတယ်ပေါ့နော်၊ သို့သော်လည်းပဲ သူတို့ပေးထားတဲ့ မိနစ် ၃၀ ကို မပြည့်ဘူး၊ ကျနော်တို့ ၂၄ မိနစ်ပြည့်တဲ့အချိန် ကျနော်တို့ သံချပ် အဖွဲ့ကို မိုက်ကို ဖြတ်ပစ်လိုက်တယ်။ မန္တလေးကျုံးကိစ္စနဲ့ပတ်သက်ပြီး ထိုးတဲ့အချိန်မှာ အဲ့ဒါလည်းပြီးရော မိုက်ကို ချက်ခြင်းဖြတ်ပစ်ခံရတာပါပဲ"

ဆင်ဆာဖြတ်ခံရတဲ့ စာသားတွေက မြို့တော်စည်ပင်သာယာရေးကော်မတီနဲ့ပတ်သက်တဲ့ ဝေဖန်ချက်တွေ၊ ငြိမ်းချမ်းရေးကိစ္စနဲ့ ပတ်သတ်တဲ့အကြောင်းအရာတွေ ဆင်ဆာဖြတ်ခံခဲ့ရတာဖြစ်တယ်လို့ ကိုသိုက်ထွေးက ပြောပါတယ်။

သံချပ်စာသားအကြောင်းရေ ၃၀ ကျော်ကို ဆင်ဆာဖြတ်ခံခဲ့ရပေမယ့် မန္တလေးမြို့တော်ဝန်မဏ္ဍပ်မှာ ဖျော်ဖြေတဲ့အချိန် ဆင်ဆာဖြတ်ခံရတဲ့ စာသားတွေကို ထည့်ပြီး သံချပ်ထိုးခဲ့ကြတာဖြစ်ပါတယ်။

ဟိုထိုးဒီထိုးရွှေလက်ညိုးသံချပ်အဖွဲ့ဟာ ကျောင်းသားသမဂ္ဂအဖွဲ့ဝင်တွေနဲ့ စုစည်းတည်ထောင်ထားတာဖြစ်ပါတယ်။ သံချပ်ဝင်ရောက်ယှဉ်ပြိုင်တဲ့ အဖွဲ့တွေထဲမှာ ဆင်ဆာအများဆုံးဖြတ်ခံခဲ့ရတဲ့အဖွဲ့လည်း ဖြစ်တယ်လို့သိရပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ