ပညာရေးဝန်ကြီး ဒေါ်စုစုလွင်ဖြစ်မယ်လို့ သတင်းထွက်

ဒေါ်စုစုလွင် ကို ၂၀၁၈ ခုနှစ် မတ်လ ၂၃ ရက်နေ့က တွေ့ရစဉ်။ Photo: Win Ko Ko Latt/RFA
သမ္မတဟောင်း ဦးထင်ကျော်ရဲ့ ဇနီး ဒေါ်စုစုလွင် ကို ပညာရေးဝန်ကြီးဌာန ပြည်ထောင်စုဝန်ကြီး အဖြစ် ခန့်အပ်မယ်လို့ သတင်းတွေ ထွက်ပေါ်နေပါတယ်။

လက်ရှိမှာ သုံးခွမြို့နယ် ပြည်သူ့လွှတ်တော် ကိုယ်စားလှယ် ဖြစ်တဲ့ ဒေါ်စုစုလွင်ကို  ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာ မျိုးသိမ်းကြီး နေရာမှာ အစားထိုးခန့်အပ်မှာဖြစ်တယ်လို့ သတင်းတွေ ထွက်ပေါ်နေပေမယ့် အာအက်ဖ်အေက အတည်မပြုနိုင်သေးပါဘူး။

ဒေါ်စုစုလွင်ဟာ အမျိုးသားဒီမိုကရေစီအဖွဲ့ချုပ်မှာ ထိပ်တန်းခေါင်းဆောင်တစ်ဦးဖြစ်ခဲ့သူ ကွယ်လွန်သွားပြီဖြစ်တဲ့ ဦးလွင်ရဲ့ သမီးဖြစ်သလို သူဟာလည်း ၂၀၁၃ ခုနှစ်အထိ အန်အယ်လ်ဒီ ပါတီ ဗဟိုကော်မတီဝင်ဖြစ်ပါတယ်။

ပြည်ထောင်စုဝန်ကြီး နဲ့ တိုင်း နဲ့ ပြည်နယ်ဝန်ကြီးတချို့ အပြောင်းအလဲ ဖြစ်မယ်လို့ ပြီးခဲ့တဲ့ ရက်ပိုင်းက သတင်းစာ ဂျာနယ်တွေမှာ ရေးသားဖေါ်ပြခဲ့ကြပါတယ်။

နိုင်ငံတော် သမ္မတ ဦးဝင်းမြင့်က အစိုးရရဲ့ ပြုပြင်ပြောင်းလဲမှုနဲ့ အံမ၀င်ခွင်မကျတဲ့နေရာတွေမှာ သွက်လက် ထက်မြက်ပြီး အရည်အချင်းရှိတဲ့သူတွေနဲ့ လူစားလဲမှုတွေ ပြုလုပ်သွားမယ်လို့ မြန်မာနှစ်သစ်ကူးမိန့်ခွန်းမှာ ပြောကြားထားပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ