ဆီးရီးယားဓာတုလက်နက်ထုတ်တဲ့အဓိကနေရာ ကန်မဟာမိတ်တို့ ခြေမှုန်း

Damascus မြို့က ဆီးရီးယား သိပ္ပံသုသေသနဌာန ပျက်စီးသွားပုံ၊ ဧပြီ ၁၄၊ ၂၀၁၈။
ဆီးရီးယားအစိုးရရဲ့ ဓာတုလက်နက် ထုတ်လုပ်ရေးဆိုင်ရာ အဓိကဒေါက်တိုင်တွေကို ဖျက်ဆီးဖို့အတွက် သူတို့ရဲ့ လေကြောင်း ကာကွယ်ရေးစနစ်ကို ထိုးဖောက် ကျော်ဖြတ်ပြီး ချေမှုန်းခြင်းအားဖြင့် ဆီးရီးယားအစိုးရနဲ့ သူတို့ကိုထောက်ခံသူတွေကို အခိုင်အမာ သတင်းစကားတခု ပြောလိုက်တာဖြစ်တယ်လို့ အမေရိကန်ဦးဆောင်တဲ့ ညွန့်ပေါင်းအဖွဲ့က ယုံကြည်ပါတယ်။

အမေရိကန်၊ ပြင်သစ်နဲ့ ဗြိတိန် သုံးနိုင်ငံပူးပေါင်းပြီး စနေနေ့မနက်အစောပိုင်းက ဆီးရီးယားကို လေကြောင်းကနေ တိုက်ခိုက်လိုက် တာပါ။ ဆီးရီးယားရဲ့ ဓာတုလက်နက်နဲ့ဆိုင်တဲ့ နေရာသုံးခုကို ဒုံးကျည် ၁၀၅ စင်းနဲ့ ပစ်ခတ် တိုက်ခိုက်လိုက်တာဖြစ်ပါတယ်။ နေရာတခုက ဒမတ်စ်ကပ်စ်မြို့တော်မှာဖြစ်ပြီး နောက်နှစ်နေရာကတော့ လက်ဘနွန်နယ်စပ်အနီး Homs မြို့မှာပါ။ အဲဒီသုံးနေရာ စလုံးကို မိနစ်ပိုင်းစီပဲခြားပြီး ဒုံးကျည်တွေနဲ့ တိုက်ခိုက်တာပါ။

ဒုံးကျည်အစင်းတိုင်းဟာ ပစ်မှတ်ကို ထိမှန်ခဲ့ပြီး အရပ်သား ထိခိုက် သေဆုံးမှု တခုခုမဖြစ်အောင် ရှောင်ရှားပြီးတော့ အဆောက်အဦးတွေ လုံးဝပျက်စီးသွားအောင် ခြေမှုန်းလိုက်နိုင်တယ်ဆိုတာ ကနဦး ဆန်းစစ်ချက်တခုကနေ တွေ့ရတယ်လို့ အမေရိကန် စစ်ဘက်တာဝန်ရှိသူတွေက ပြောပါတယ်။

ဒီတိုက်ခိုက်မှုနဲ့ပတ်သက်ပြီး သမ္မတ ဒေါ်နယ်လ်ဒ် ထရမ့်ပ်က ပြင်သစ်သမ္မတ Emmanuel Macron နဲ့ ဗြိတိန်ဝန်ကြီးချုပ် Theresa May တို့ကို သီးခြားစီ တယ်လီဖုန်းဆက်ပြီး စကားပြောပါတယ်။ ဆီးရီးယားလူထုအပေါ် သမ္မတ ဘာရှာ အယ်လ်-အာဆဒ်က ဓာတုလက်နက်သုံးပြီး နောက်ထပ် တိုက်ခိုက်တာကို တားဆီးဖို့ ဒီလေကြောင်းတိုက်ခိုက်မှုတွေဟာ အောင်မြင်ပြီး လိုအပ်တယ်လို့ ခေါင်းဆောင်သုံးဦးစလုံးက အခိုင်အမာပြောကြပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ