တရုတ်-မြန်မာ ဆက်ဆံရေး တိုးမြှင့်မည်

( သမ္မတ ဦးဝင်းမြင့်နဲ့ တရုတ်ပြည်သူ့သမ္မတနိုင်ငံ ကွန်မြူနစ်ပါတီ နိုင်ငံတကာဆက်ဆံရေးဝန်ကြီး H.E. Mr. Song Tao တို့ ၂၀၁၈ ခုနှစ် ဧပြီလ ၂၅ ရက်နေ့က တွေ့ဆုံကြစဉ် )Photo: Myanmar President Office Facebook
မြန်မာနဲ့ တရုတ်နှစ်နိုင်ငံ ပူးပေါင်းဆောင်ရွက်ရေးကို အခုထက်ပိုမြှင့်တင်ပြီး၊ အမျိုးသားဒီမိုကရေစီအဖွဲ့ချုပ်နဲ့ တရုတ်ကွန်မြူနစ်ပါတီတို့ကြားမှာ ပါတီချင်းဆက်ဆံရေး အပြန်အလှန်ဖလှယ်ကြဖို့ ကတိပြုကြတယ်လို့ သိရပါတယ်။

မြန်မာ့ငြိမ်းချမ်းရေးဖော်ဆောင်မှုအပါအဝင် စီးပွားရေးနဲ့လူမှုရေးကဏ္ဍတွေမှာ တရုတ်အစိုးရကပံ့ပိုး ကူညီတာကိုကျေးဇူးတင်တယ်လို့ ဒေါ်အောင်ဆန်းစုကြည်ကပြောဆိုတယ်လို့သိရပါတယ်။ ဒါ့အပြင် အဓိကစီမံကိန်းကြီးတွေပူးပေါင်းဆောင်ရွက်ရေးတိုးမြှင့်ဖို့နဲ့ ပါတီချင်းအပြန်အလှန်ဆက်ဆံရေးဖလှယ် ဖို့မျှော်လင့်တယ်လို့ဆိုပါတယ်။

မြန်မာသမ္မတဦးဝင်းမြင့်နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့က တရုတ်ကွန်မြူနစ် ပါတီနိုင်ငံတကာရေးရာဌာနမှူး Song Tao (ဆွန်းတောင်) တို့ ပြီးခဲ့တဲ့အင်္ဂါနဲ့ ဗုဒ္ဓဟူးနေ့တွေမှာ အသီးသီး တွေ့ကြပြီးတဲ့နောက် အခုလိုကတိပြုပြောဆိုတာလို့ တရုတ်အစိုးရရဲ့ ဆင်ဟွာသတင်းမှာ ဖော်ပြထားပါတယ်။

တရုတ်-မြန်မာဆက်ဆံရေးဟာ အလွန်အရေးကြီးတယ်လို့ သမ္မတဦးဝင်းမြင့်က ပြောလိုက်သလို၊ နှစ်နိုင်ငံအဆင့်မြင့်အရာရှိချင်း ဆက်ဆံရေးဖလှယ်ကြဖို့နဲ့ လက်တွေ့ကျတဲ့ ပူးပေါင်းဆောင်ရွက်မှုတွေ တိုးမြှင့်လုပ်ကြဖို့မျှော်လင့်တယ်လို့ ဆိုပါတယ်။

တရုတ်ကိုယ်စားလှယ် ဆွန်းတောင်ကလည်း တရုတ်-မြန်မာဆွေမျိုးပေါက်ဖေါ်ဆက်ဆံရေးအတွက် တရုတ်ဘက်ကတန်ဖိုးထားသလို၊ နှစ်နိုင်ငံလုံးဖွံ့ဖြိုးတိုးတက်ရေးကို တိုးတက်အောင်လုပ်ဖို့ဆန္ဒရှိတယ်လို့ ပြောဆိုပါတယ်။

RFA Burmese
https://www.facebook.com/rfaburmese/
တရုတ်-မြန်မာ ဆက်ဆံရေး တိုးမြှင့်မည် တရုတ်-မြန်မာ ဆက်ဆံရေး တိုးမြှင့်မည် Reviewed by THITHTOOLWIN on 21:42 Rating: 5
Powered by Blogger.