(၆)ဘီးယာဉ် နှင့် ဟိုင်းဂျက်ယာဉ် မျက်နှာချင်းဆိုင်တိုက်မိ၍ တစ်ဦးသေ၊ လေးဦးဒဏ်ရာရ


ရှမ်းပြည်နယ်(မြောက်ပိုင်း) သီပေါမြို့အနီး ပြည်ထောင်စုလမ်းမကြီးပေါ်တွင် ဧပြီလ (၂၂) ရက်နေ့ နံနက်ပိုင်းက (၆) ဘီးယာဉ်တစ်စီးနှင့် ဟိုင်းဂျက်ယာဉ်တစ်စီး မျက်နှာချင်းဆိုင် တိုက်မိခဲ့ရာ ဟိုင်းဂျက်ယာဉ်ပေါ်ပါ အမျိုးသမီး တစ်ဦး သေဆုံးသွားပြီး လေးဦးဒဏ်ရာရသွားကြောင်း သိရသည်။

"၆ ဘီး(ကန်တာ ၁၀ ပေ) ယာဉ်က တစ်ဖက်ယာဉ်ကြောကနေ ကျော်တက်ရင်းနဲ့ မျက်နှာချင်းဆိုင် ယာဉ်ကြောက လာတဲ့ ဟိုင်းဂျက်ယာဉ်ကို တိုက်မိတဲ့ အနေအထားတွေ့ရတယ်။ တိုက်ခံရတဲ့ယာဉ်ပေါ်က အမျိုးသမီးတစ်ဦး သေဆုံးတယ်။ ဝင်တိုက်တဲ့ယာဉ်က ယာဉ်မောင်းကိုတော့ အမှုဖွင့်အရေးယူဖို့ ဆောင်ရွက်နေပါတယ်” ဟု သီပေါယာဉ်ထိန်းရဲတပ်ဖွဲ့မှ တပ်ကြပ်ကြီး ဝင်းဇော်လတ်က တာချီလိတ်သတင်းအေဂျင်စီသို့ ပြောသည်။


သီပေါမြို့အနီး ပြည်ထောင်စုလမ်းမကြီး မိုင်တိုင်အမှတ် ၁၃၃/၃ နှင့် ၁၃၃/၄ အကြားတွင် လားရှိုးဘက်မှ လာသည့် ကန်တာယာဉ်က မျက်နှာချင်းဆိုင်တစ်ဖက် ယာဉ်ကြောရှိ သီပေါဘက်မှလာသော ဟိုင်းဂျက်ယာဉ်အား ဝင်တိုက်မိခဲ့ခြင်းဖြစ်ကြောင်း သိရသည်။

“ဒီနေ့ မတော်တဆမှုဖြစ်တဲ့ အဲ့ဒီနေရာတစ်ဝိုက်မှာ လမ်းက နည်းနည်းကျဉ်းတယ်။ ရှေ့ယာဉ်ကို ကျော်တက်တဲ့ အခါ တစ်ဖက်ယာဉ်ကြောကလာတဲ့ယာဉ်ကို မမြင်ရဘဲ ကျော်တက်လို့ ဖြစ်ရတာလို့ထင်တယ်။ လမ်းနည်းနည်းချဲ့ ပေးရင်တော့ပိုကောင်းမယ်။ အဲဒီနေရာက ခဏခဏ မတော်တဆမှုဖြစ်တတ်တယ်” ဟု ပြည်ထောင်စုလမ်းမကြီး အသုံးပြုသူ ကိုသန်းထွန်း က အကြံပြုပြောကြားသည်။

ယာဉ်တိုက်မှုကြောင့် ဟိုင်းဂျက်ယာဉ်ပေါ်ပါ ယာဉ်မောင်းတစ်ဦးနှင့် အမျိုးသမီး (၃) ဦး ဒဏ်ရာရရှိခဲ့ကာ အမျိုးသမီးတစ်ဦး သေဆုံးခဲ့ကြောင်း သိရသည်။

ယာဉ်မတော်တဆမှု ဖြစ်ပွားရာနေရာသို့ သီပေါမြို့ရှိ နယ်စည်းမခြားပရဟိတ လူမှုကူညီရေးအသင်းနှင့် အနောက်ရပ် လူမှုကူညီရေးအသင်းတို့မှ လူနာတင်ယာဉ်များဖြင့် သွားရောက်ကူညီသယ်ဆောင်ခဲ့ပြီး သေဆုံးသူအား သီပေါမြို့ ပြည်သူ့ဆေးရုံသို့ ပို့ဆောင်ပေးထားကြောင်း သိရသည်။

သတင်း - နေဖြိုးမြင့်
ဓါတ်ပုံ - နယ်စည်းမခြားပရဟိတ(သီပေါ)
Tachileik News Agency
https://www.tachileik.net/2018/04/shp.html

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ