ရန်ကုန်တိုင်းဒေသကြီး အစိုးရအဖွဲ့ရုံး ဖောက်ခွဲမှုတရားခံ(၂)ဦးကို အလုပ်နဲ့ထောင်ဒဏ်(၁၀)နှစ်စီချမှတ်

ရန်ကုန်တိုင်းဒေသကြီး အစိုးရအဖွဲ့ရုံး ဖောက်ခွဲမှုတရားခံ(၂)ဦးကို ရန်ကုန်အနောက်ပိုင်းခရိုင်တရားရုံးက အလုပ်နှင့်ထောင်ဒဏ်(၁၀)နှစ်စီ ချမှတ်လိုက်ပါတယ်။ တရားခံ(၂)ဦးဖြစ်တဲ့ မောင်ရွှေ(ခ)ရာကွတ်နဲ့ စိုးဝင်းတို့ကို ပေါက်ကွဲစေတတ်သော ၀တ္ထုပစ္စည်းများ အက်ဥပဒေ ပုဒ်မ(၃)အရ အလုပ်နှင့်ထောင်ဒဏ်(၁၀) နှစ်ချမှတ်လိုက် တာဖြစ်ပါတယ်။

Ocean Supermarket ဖောက်ခွဲမှုတရားခံ မောင်ရွှေ(ခ)ရာကွတ်ကိုတော့ နောက်ထပ်အလုပ် နှင့်ထောင်ဒဏ်(၁၀)နှစ်ချမှတ် လိုက်တဲ့အတွက် စုစုပေါင်း အလုပ်နှင့်ထောင်ဒဏ်အနှစ်(၂၀)ကြခံရ မှာဖြစ်ပါ တယ်။

တရားခံ(၂)ဦးရဲ့ ပြစ်ဒဏ်ကနေချုပ်ရက်တွေကို ထုတ်နုတ်ခံစားခွင့်ပြုလိုက်တယ်လို့တရားရုံးအမိန့်မှာပါရှိပါတယ်။ ရန်ကုန်တိုင်းဒေသကြီးအစိုးရအဖွဲ့ရုံး ဖောက်ခွဲမှုရဲ့ အမှုတွဲ(၂)ဦးဖြစ်တဲ့ စိုးမိုးကျော်(ခ)သားငယ်နဲ့ ရာဇင်(ခ)ကျော်သူ(ခ)ကျော်ကြီး တို့ကိုတော့ အမှုမထင်ရှားတဲ့အတွက် တရားရုံးကလွှတ်လိုက်တယ်လို့ တရားရုံးအမိန့်အရသိရပါတယ်။၂၀၁၆ခုနှစ် နိုဝင်ဘာလအတွင်းက ရန်ကုန်တိုင်းဒေသကြီးအစိုးရအဖွဲ့ရုံးနဲ့ Ocean Supermarketတို့ကိုဖောက်ခွဲမှုတွေအတွက် တရားစွဲဆိုခဲ့တာဖြစ်ပါတယ်။

သတင်း၊ဓာတ်ပုံ--------ပြည်ဟိန်းသော်(5 Plus News)
5 PLUS NEWS
https://www.facebook.com/5plusnews/