တာချီလိတ်ခရိုင် မိုင်းလင်း(အရှေ့)အုပ်စုမှာ စကားများ ရန်ဖြစ်ရာမှ ဓါးဖြင့်ခုတ်သဖြင့် တစ်ဦး သေဆုံး

တာချီလိတ်ခရိုင် မိုင်းလင်း(အရှေ့)အုပ်စု ထင်းခုတ်တဲ့ သစ်တော အတွင်း နေထိုင်သူ (၂)ဦးမှာ စကားများ ရန်ဖြစ်ရာမှ ဓါးဖြင့်ခုတ်သဖြင့် တစ်ဦး သေဆုံး
တာချီလိတ်၊ဧပြီ ၂၄

ရှမ်းပြည်နယ်(အရှေ့ပိုင်း) တာချီလိတ်ခရိုင် တာလေမြို့ မိုင်းလင်း (အရှေ့) ကျေးရွာအုပ်စု နမ့်ခမ်း (၀)ကျေးရွာ အနီးရှိ တောင်ပေါ် ဒေသ ထင်းခုတ်တဲ့ သစ်တော အတွင်း နေထိုင်သူ(၂)ဦးမှာ ယနေ့ ၂၀၁၈ ခုနှစ် ဧပြီလ (၂၄) ရက်နေ့ နံနက် စောစောပိုင်း အချိန်ခန့် အချင်းချင်း စကားများ ရန်ဖြစ်ရာမှ ဓါးခုတ်မှုဖြစ်ပွါးကာ တစ်ဦး သေဆုံးသွားခဲ့ပြီး တစ်ဦးမှာ ထွက်ပြေး တိမ်းရှောင် သွားခဲ့တယ်လို့ သိရပါတယ်။


အဆိုပါ ဖြစ်စဉ်မှာ နံနက် လင်းအားကြီး နံနက်(၁) နာရီ မထိုးမီ အချိန်ခန့်က နမ့်ခမ်း(၀)ရွာနေသူကိုမျိုး မှ တယ်လီဖုန်းနဲ့ မိုင်းလင်း နယ်မြေရဲစခန်းကို အကြောင်း ကြားချက်အရ မိုင်းလင်းနယ်မြေရဲ စခန်းမှူး ရဲအုပ် အောင်မင်းဦး ဦးစီးတဲ့ နယ်မြေခံ ရဲတပ်ဖွဲ့ဝင်များ၊ မိုင်းလင်း (အရှေ့) အုပ်စု အုပ်ချုပ်ရေးမှူး နှင့် မိုင်းလင်း အုပ်စု ထွေ/အုပ်စာရေး တို့မှ သွားရောက် စစ်ဆေး ကြည့်ရှူခဲ့ရာ၊ နိုင်ထွန်း(ခ) မင်းထွန်း (၃၄)နှစ်နဲ့ အောင်မြင့်ဦး (၄၀)နှစ် တို့နှစ်ဦးမှာ အချင်းချင်း စကားများ ရန်ဖြစ်ရာမှ နိုင်ထွန်း(ခ) မင်းထွန်း က ဓါးနဲ့ ခုတ်သဖြင့် အောင်မြင့်ဦး မှာ ဦးခေါင်း နဖူး ၀ဲဘက်မှာ (၁)လက်မခန့် ပြတ်ရှ ဒါဏ်ရာ (၁)ချက်၊ ၀ဲဘက် လက်ဖျံမှာ (၂) လက်မခန့် ပြတ်ရှ ဒဏ်ရာ (၁) ချက် တို့ရရှိပြီး၊ ထင်းခုတ်တဲ့ တဲအတွင်း ပက်လက် အနေအထားနဲ့ သေဆုံးနေတာကို တွေ့ရတယ်လို့ သိရကာ ဓါးနဲ့ ခုတ်သူ နိုင်ထွန်း (ခ)မင်းထွန်း မှာ ထွက်ပြေး တိမ်းရှောင်သွားခဲ့တယ်လို့ သိရပါတယ်။

ယခု သေဆုံးသူ အောင်မြင်ဦး ရဲ့ လောင်းကို တာလေမြို့ ပြည်သူ့ ဆေးရုံကို ပို့ဆောင် စစ်ဆေးစေပြီး၊ တရားခံ နိုင်ထွန်း (ခ) မင်းထွန်း (၃၄)နှစ် ဆိုသူကို မိုင်းလင်း နယ်မြေ ရဲစခန်း မှ အမှုအမှတ် (၁/ ၂၀၁၈) နဲ့ တရား ဥပဒေ အရ အမှုဖွင့်လှစ် အရေးယူ ဆောင်ရွက် ကာ ထွက်ပြေး တရားခံကို အမြန်ဆုံး ဖမ်းဖို့ အတွက် ဆောင်ရွက်နေတယ် လို့ သိရပါတယ်။

ဓါတ်ပုံ - တာလေ(ထွေ/အုပ်)
ရွှေတြိဂံဒေသသတင်းလွှာ
https://www.facebook.com/GoldenTriangleRegionalNews/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ