ရိခေါဒါရ် ဧပြီ ၁၆
ချင်းပြည်နယ်၊ ရိခေါဒါရ်မြို့ အမှတ်(၂)ရပ်ကွက်၊ မြန်မာ-အိန္ဒိယနယ်စပ်တံတားအနီးရှိ လူနေအိမ် (၈)လုံးကို ဧပြီ ၁၆ ညနေ ၄ နာရီ ၁၀ မိနစ်တွင် မီးလောင်ကျွမ်းမှုဖြစ်ပွားကြောင်း သိရသည်။
လူနေအိမ်မီးလောင်ကျွမ်းမှုတွင် နယ်စပ်ကုန်သွယ်ရေးဌာနပိုင်အဆောက်အဦး အပါအဝင် နံကပ်နှစ်ထပ်အဆောက်အဦး (၆)လုံး၊ တစ်ထပ်အဆောက်အဦး (၂)လုံးအား လောင်ကျွမ်းခဲ့ခြင်းဖြစ်ပြီး အဆိုပါမီးလောင်ကျွမ်းမှုကြောင့် မငွန်ရှန်းစီ (သက် ၁၇/၂၀၁၈)(ဘ) ဦးဗျက်အုပ်အား ပြင်းထန်ဒဏ်ရာရရှိပါသဖြင့် ရိခေါဒါရ်တိုက်နယ်ဆေးရုံတွင် အတွင်းလူနာအဖြစ် ဆေးဝါးကုသပေးကြောင်း၊ မီးလောင်မှုအား မည်သူ့နေအိမ်၊ မည်သည့်အကြောင်းကြောင့် စတင်လောင်ကျွမ်းခြင်းနှင့် ဆုံးရှူံးမှုတန်ဖိုးများကို စိစစ်နေဆဲဖြစ်ကြောင်း သိရသည်။
အဆိုပါမီးလောင်လာနေရာသို့ ရိခေါဒါရ်တပ်စခန်းမှ ရှေ့တန်းတပ်ရင်း ခလရ (၂၆၈)မှ တပ်ရင်းမှူး ဒုတိယဗိုလ်မှူးကြီး ကြည်ဇော်ချို အပါအဝင် အရာရှိ (၄)ဦး၊ တပ်ဖွဲ့ဝင် (၁၀)ဦး၊ မြို့အုပ်ချုပ်ရေးမှူး ဦးကျင်လမ့်ခိုင်၊ မီးသတ်ဦးစီးမှူး ဦးအောင်ကိုလတ် အပါအဝင် တပ်ဖွဲ့ဝင် (၆)ဦး၊ မီးသတ်ယာဉ် (၁)စီး၊ ရေသယ်ယာဉ် (၁)စီး၊ မြန်မာနိုင်ငံရဲတပ်ဖွဲ့များ၊ ဌာနဆိုင်ရာများ နှင့် ရပ်ကွက်လူငယ်ပြည်သူ အင်အား (၂၀၀)ခန့်ဖြင့် မီးငြိမ်းသတ်ခဲ့၍ ညနေ ၄ နာရီ ၅၀ မိနစ်တွင် မီးကျိုးငြိမ်းနိုင်ခဲ့ပြီး ညနေ ၅ နာရီတွင် မီးလုံးဝငြိမ်းသွားခဲ့သည်။
မီးလောင်ကျွမ်းမှုကိစ္စအား သက်ဆိုင်ရာဌာနများမှ စိစစ်ဆဲဖြစ်ရာ အခြေအနေအသေးစိတ်ကို ဆက်လက်တင်သွားပြပါမည်။
ရိခေါဒါရ် ပြန်/ဆက်
ဦးလာလ်ပက်လောမ် (ဒုတိယဦးစီးမှူး)
ရိခေါဒါရ်မြို့ တွင် မီးလောင်မှု ဖြစ်ပွား
Reviewed by THITHTOOLWIN
on
19:25
Rating: