အာဖဂန်နစ္စတန်နိုင်ငံ ကဘူးမြို့တော်က မဲဆန္ဒရှင်-သက်သေခံကဒ်ပြားတွေ သိမ်းဆည်းထားရာ စင်တာ အသေခံဗုံးခွဲတိုက်ခိုကခံရ ( ဧပြီ ၂၂-၂၀၁၈) |
တိုက်ခိုက်မှုက သူတို့ လက်ချက်ဖြစ်တယ်လို့ အစ္စလာမ္မစ် အစွန်းရောက် IS အဖွဲ့က ပြောဆိုထားပါတယ်။ မြို့တော် ကာဘူလ်းက ကျောင်းတခုမှာ စီစဉ်ထားတဲ့ မဲဆန္ဒရှင် သက်သေခံ ကဒ်ပြား ထုတ်ပေးရေးရုံး အပေါ် အကြမ်းဖက်ဝါဒစွဲ တိုက်ခိုက်မှုကို အာဖဂန် အစိုးရ အဖွဲ့ရဲ့ အမှုဆောင်အရာရှိချုပ် Abdullah Abdullah က ပြစ်တင် ရှုတ်ချပါတယ်။
သရဲဘောကြောင်တဲ့ တိုက်ခိုက်မှုမှာ ထိခိုက်ခဲ့ကြရသူတွေနဲ့ အတူ ရပ်တည်ကြောင်း၊ လွတ်လပ်ပြီး ပွင့်လင်းမြင်သာမှုရှိတဲ့ ရွေးကောက်ပွဲကို ကျင်းပရေး ဆက်လက် ဆောင်ရွက်သွားမှာ ဖြစ်ပြီး အာဖဂန် ပြည်သူတွေရဲ့ ဆန္ဒကိုဆန့်ကျင်ပြီး အကြမ်းဖက်ဝါဒီတွေ အနိုင်ရမှာ မဟုတ်ဘူးဆိုပြီး Abdullah က သူ့ရဲ့ တရားဝင် တွစ်တာ လူမှုကွန်ယက်မှာ ရေးသားခဲ့ပါတယ်။
အောက်တိုဘာလ ၂၀ မှာ ကျင်းပမယ့် လွှတ်တော်နဲ့ ဒေသဆိုင်ရာ ကောင်စီ ရွေးကောက်ပွဲတွေ အတွက် လွတ်လပ်တဲ့ ရွေးကောက်ပွဲ ကော်မရှင်က မဲဆန္ဒရှင် စာရင်းပြုစုနိုင်ရေး အတွက် ပြီးခဲ့တဲ့ သတင်းပတ်ကစလို့ မဲဆန္ဒရှင် စာရင်းသွင်းမှု လုပ်ငန်းစဉ်ကို သမ္မတ Ashraf Ghani က စတင်ခဲ့တာပါ။ အခု ရွေးကောက်ပွဲကတော့ တရားဝင် မဲဆန္ဒရှင် စာရင်းအပေါ် အခြေခံပြီးမယ့် အာဖဂန်ရဲ့ ပထမဆုံး သမိုင်းဝင် ရွေးကောက်ပွဲ ဖြစ်လာမှာပါ။
ဗွီအိုအေ (မြန်မာပိုင်း)
https://burmese.voanews.com
အာဖဂန်အသေခံ ဗုံးခွဲတိုက်ခိုက်မှု ၄၈ဦးထက်မနည်း သေဆုံး
Reviewed by THITHTOOLWIN
on
20:28
Rating: