မြန်မာနဲ့ ဘင်္ဂလားဒေ့ရ်ှနိုင်ငံတွေကို ကုလသမဂ္ဂလုံခြုံရေးကောင်စီ သွားမည်

ရခိုင်ပြည်နယ်အရေး ကုလသမဂ္ဂလုံခြုံရေးကောင်စီ အစည်းအဝေး ၂ဝ၁၇ ခုနှစ် စက်တင်ဘာလ ၂၈ ရက်နေ့က ကျင်းပခဲ့စဉ်။ Photo: AFP
ကုလသမဂ္ဂလုံခြုံရေးကောင်စီဟာ ရိုဟင်ဂျာဒုက္ခသည်တွေအရေးနဲ့ အကျိုးသက်ရောက်မှုတွေကို မျက်မြင်လေ့လာဖို့ မြန်မာနဲ့ ဘင်္ဂလားဒေ့ရ်ှနိုင်ငံတွေကို ဒီလအတွင်းသွားရောက်မှာဖြစ်ပြီး အီရတ်နိုင်ငံကိုတော့ ရွေးကောက်ပွဲမတိုင်ခင် လေ့လာရေးအနေနဲ့သွားမယ်လို့ ဆိုပါတယ်။

ခရီးစဉ်ဟာ ဧပြီလ ၂၆ ရက်ကနေ မေ ၂ ရက်နေ့အထိကြာမြင့်မှာဖြစ်ပြီး ကုလသမဂ္ဂလုံခြုံရေးကောင်စီ UNSC အဖွဲ့ဝင် သံအမတ် ၁၅ ဦးပါဝင်မယ်လို့ ပြောခွင့်ရှိသူ စတက်ဖန်ဒူဂျာရစ် (Stephane Dujarric) က ပြောပါတယ်။

ကုလသမဂ္ဂလုံခြုံရေးကောင်စီ ကိုယ်စားလှယ်တွေ မြန်မာနိုင်ငံကို လာရောက်ဖို့အတွက် ဖေဖော်ဝါရီလက တောင်းဆိုခဲ့တာဖြစ်ပြီး မြန်မာအစိုးရက ဧပြီလအတွင်းမှာ လာရောက်ဖို့ ခွင့်ပြုခဲ့တာဖြစ်ပါတယ်။

မြန်မာအာဏာပိုင်တွေက ရခိုင်ပြည်နယ်အတွင်းက စစ်ဆင်ရေးတွေဟာ အကြမ်းဖက်စစ်သွေးကြွတွေကို နှိမ်နင်းဖို့ဖြစ်တယ်လို့ ပြောဆိုခဲ့ပြီး UNSC ကတော့ နိုင်ငံတွင်းက ထွက်ခွာသွားတဲ့ ဒုက္ခသည်တွေကို အန္တရာယ်ကင်းစွာနဲ့ နေရပ်ပြန်ခွင့်ပေးဖို့ တောင်းဆိုထားပါတယ်။

UNSC ရဲ့ အီရတ်နိုင်ငံအလည်အပတ်ကတော့ လာမယ့် မေလမှာ ကျင်းပမယ့် ပါလီမန်နဲ့ ဒေသဆိုင်ရာ ရွေးကောက်ပွဲတွေကို ထောက်ခံပံ့ပိုးကြောင်း ပြဆိုဖို့သွားတဲ့ ခရီးစဉ်ဖြစ်တယ်လို့ ဆိုပါတယ်။

BBC Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ