ကျပ် ၁၉ သန်းအကုန်ကျခံကာ ခိုင်ကမ်းမြို့လမ်းတာချဲ့ခြင်း လုပ်ငန်းကို စက်ယန္တယားအခြေအနေကြောင့် တစ်လ၀န်းကျင်နီးပါး ရပ်ဆိုင်းထားပြီဖြစ်ကြောင်း ခိုင်ကမ်းမြို့မိမြို့ဖ ဦးရှက်မှန်ကပြောသည်။
“ ပြီးတော့မပြီးသေးဘူး။ လုပ်ငန်းလုပ်တဲ့အချိန်မှာ အသုံးပြုတဲ့ စက်ကြီးတွေ သိပ်အဆင်မပြေလို့ လုပ်ငန်းရပ်ထားတာ တစ်လလောက်ကြာပြီ” ဟုသူကပြောသည်။
ခိုင်ကမ်းမြို့ အမှတ် (၄) ရပ်ကွက်ကြိုးတံတားမှ အခြေခံပညာအလယ်တန်းကျောင်းအထိ မြို့တွင်းလမ်းတာချဲ့ခြင်းလုပ်ငန်းကို ၂၀၁၇ – ၁၈ ခုနှစ် ဖြည့်စွက်ဘဏ္ဍငွေ ကျပ် ၁၉ သန်းဖြင့် ဆောင်ရွက်ခြင်းဖြစ်သည်။
လုပ်ငန်းဆောင်ရွက်မှုကို Chin Hill Sun ကုမ္ပဏီမှ တာဝန်ယူဆောင်ရွက်ခြင်းဖြစ်ပြီး လမ်းတာချဲ့မည့်အရှည်မှာ ၂၀၀၂ ဒသမ ၅၆၈ မီတာ ၊ မိုင်အားဖြင့် ၁ မိုင် ၂ ဖာလုံရှိကြောင်း ၊ လမ်းတာချဲ့လုပ်ငန်းအပြင် အတက်အဆင်းလျော့နည်းမည့် လမ်းအူကြောင်းအသစ်ကိုလည်း ဖောက်လုပ်ထားကြောင်းသိရသည်။
ခိုင်ကမ်းမြို့သည် ကလေးမြို့အထွက် ချင်းပြည်နယ်အစ စစ်ကိုင်းတိုင်းနှင့် ချင်းပြည်နယ် နယ်စပ်ဖြစ်ပြီး တီးတိန်မြို့နယ်အတွင်းတွင် တည်ရှိသည့် မြို့ဖြစ်သည်။
Salai Gei
photo; Khaikam IPRD
http://www.chinworld.info/
ကျပ် ၁၉ သန်းဖြင့် ခိုင်ကမ်းမြို့လမ်းတာချဲ့မှု တစ်လကြာရပ်ဆိုင်းနေပြီဖြစ်
Reviewed by THITHTOOLWIN
on
15:12
Rating: