ဧရာဝတီတိုင်းဒေသကြီး၊ ဖျာပုံခရိုင်၊ ဖျာပုံမြို့နယ် ၊ ချောင်းတွင်းကျေးရွာအုပ်စု၊ ရွာမ(၁) တွင် ဧပြီလ (၁၇)ရက်နေ့ မွန်လွဲ ၃း၃၀နာရီ အချိန်ခန့်တွင် ဖားမြုပ် အကိုက်ခံရ၍ အမျိုးသမီးတစ်ဦးသေဆုံးခဲ့ကြောင်း သိရသည်။
"သူ့ထမီအောက်မှာ အကောင်တစ်ကောင်ရှိတယ်လို့ ပြောလို့ ကျွန်တော်က သူ့ထမီကိုလှန်ကြည့်လိုက်တော့ ဖားတစ်ကောင်ထွက်လာတယ်၊ ခဏနေတော့ တင်ပါးမှာ စပ်ဖျင်းစပ်ဖျင်း ဖြစ်လာတယ်ပြောလို့ ကြည့်လိုက်တော့ သွေးတွေစို့နေပြီး ဖုလုံးနှစ်လုံးထွက်လာကာ အောင့်တယ်အောင့်တယ် ပြောလို့ ညနေ (၄)နာရီမှာ ဖျာပုံပြည်သူ့ဆေးရုံကြီးသို့ ဆေးကုသမှုခံယူရန် တင်လိုက်တယ်၊ဆေးရုံမှာလည်း မြွေဆိပ်ဖြေဆေး သာရှိပြီး ဖားဆိပ်ဖြေဆေးမရှိသေး ကြောင်း ကို ဆရာမတွေ ပြောပြချက်အရသိရပါတယ်လို့"ခင်ပွန်းဖြစ်သူ ဦးဖြိုးသူရ က ပြောသည်။
သေဆုံးသူ မစုစုဝင်း အသက် (၂၆)နှစ်သည် ဧပြီလ (၁၇)ရက်နေ့တွင် နေအိမ်၌ ခင်ပွန်းနှင့် အတူရှိနေစဉ် ဖားပြုပ်မှ ထမီထဲဝင်ပြီး တင်ပါးအား ကိုက်ခံရ၍ ဖျာပုံဆေးရုံကြီးသိုတက်ရောက် ဆေးကုသမှုခံယူရာမှ ဧပြီလ ၁၇ ရက်နေ့ ည (၇)နာရီအချိန်ခန့်တွင် ဖားအဆိပ်တက်၍ သေဆုံးခဲ့ကြောင်းသိရသည်။
ဖားပြုပ်ကိုက်ခံခဲ့ရ၍ မသေဆုံးမှီ ရင်ပူခြင်း၊အော့အန်ခြင်း၊ခေါင်းမူး၊မျက်စိပြာ၊နာခေါင်းအဝမှ အမြှုပ်ကလေးထွက်ခြင်းများလည်း ရှိခဲ့ကြောင်း သိရသည်။
ကျော်စိုးမိုး (ဖျာပုံ)
The Public Image
ဖားပြုပ်အကိုက်ခံရ၍ အမျိုးသမီးတစ်ဦးသေဆုံး
Reviewed by THITHTOOLWIN
on
18:48
Rating: