ရိုဟင်ဂျာတွေအတွက် အမေရိကန်က နောက်ထပ်ဒေါ်လာသန်း ၅၀ ကူညီမည်

ဘင်္ဂလားဒေ့ရ်ှနိုင်ငံက ဒုက္ခသည်စခန်းတစ်ခုကို တွေ့ရစဉ်။ Photo: Reuters
ရခိုင်ပြည်နယ်ကနေ ထွက်ပြေးသွားရသူတွေအတွက် အမေရိကန်ပြည်ထောင်စုက နောက်ထပ် ဒေါ်လာ သန်း ၅၀ ကူညီမယ်လို့ ယာယီ နိုင်ငံခြားရေးဝန်ကြီး John J. Sullivan က ကနေဒါနိုင်ငံမှာ ကျင်းပနေတဲ့ G7 ထိပ်သီး အစည်းအဝေးမှာ ဒီနေ့ကြေညာလိုက်ပါတယ်။

တဆက်တည်းမှာပဲ ဘင်္ဂလားဒေ့ရ်ှကိုရောက်နေတဲ့ဒုက္ခသည်တွေ အရေးအမြန်ဆုံးပြေလည်အောင်၊ ရခိုင်ပြည်နယ် ဆိုင်ရာ အကြံပေးကော်မရှင်ရဲ့ ၂၀၁၇ အဆိုပြုချက်တွေကို အမြန်ဆုံးအကောင်အထည်ဖော်ဖို့ အမေရိကန် ပြည်ထောင်စုက မြန်မာအစိုးရကို တိုက်တွန်းလိုက်တယ်လို့ ပြောပါတယ်။

ဒုက္ခသည်တွေကို စောင့်ရှောက်ကူညီထားတဲ့အတွက် ဘင်္ဂလားဒေ့ရ်ှအစိုးရကို ချီးကျူးတယ်လို့လည်း မစ္စတာ ဆူလီဗန်က ပြောပါတယ်။ ဒါ့အပြင် ဒုက္ခသည်တွေအရေး ပြေလည်အောင် ဒီကိစ္စမှာ တာဝန်ရှိပြီး ပတ်သက်နေတဲ့သူ အားလုံးက အပြုသဘောဆောင်တဲ့အမြင်နဲ့ ချဉ်းကပ်ဆောင်ရွက်ကြဖို့ အမေရိကန်အစိုးရအနေနဲ့ ဆက်ပြီးတိုက်တွန်း နေတယ်လို့ ဆိုပါတယ်။

အခုဆိုရင် ၂၀၁၇ သြဂုတ်လကစလို့ လူသားချင်းစာနာမှုဆိုင်ရာအကူအညီအဖြစ် မြန်မာနဲ့ ဘင်္ဂလားဒေ့ရ်ှကို အမေရိကန်က ကူညီခဲ့တာ ၁၆၃ သန်းကျော်ရှိပြီလို့ ပြောပါတယ်။

အဲဒီအပြင် မကြာခင်မှာ မိုးရာသီရောက်တော့မှာဖြစ်တဲ့အတွက် ဒုက္ခသည်တွေအတွက် မိုးလုံလေလုံ နေရာထိုင်ခင်း ပြင်ဆင်ဖို့ လိုအပ်တဲ့ပစ္စည်းတွေ၊ ရေနဲ့သန့်ရှင်းရေးပစ္စည်းတွေ၊ ကျန်းမာရေးနဲ့ စိတ်ဓါတ်ရေးရာအားပေးတာတွေကို အမေရိကန်ပြည်ထောင်စုက ဆက်ပြီးကူညီသွားမယ်လို့လည်း ပြောပါတယ်။ တခြားအလှူရှင်နိုင်ငံတွေလည်း သူတို့နဲ့အတူ ပူးပေါင်းကူညီဖို့ မစ္စတာ ဆူလီဗန်က နှိုးဆော်လိုက်ပါတယ်။

RFA Burmese
https://www.rfa.org/burmese
ရိုဟင်ဂျာတွေအတွက် အမေရိကန်က နောက်ထပ်ဒေါ်လာသန်း ၅၀ ကူညီမည် ရိုဟင်ဂျာတွေအတွက် အမေရိကန်က နောက်ထပ်ဒေါ်လာသန်း ၅၀ ကူညီမည် Reviewed by THITHTOOLWIN on 20:26 Rating: 5
Powered by Blogger.