သမ္မတ Trump ဆီ သူ့ကိုလှောင်ပြောင်တဲ့ ရုပ်ပြောင် ကာတွန်းဆရာပေးပို့

သမ္မတ Trump Twitter
ပြင်သစ်ကာကွန်းဆရာ Francois Boucq က အမေရိကန်သမ္မတ Donald Trump ဆီကို မတ်လ တရက် ကြာသပတေးနေ့မှာ စာအုပ်တအုပ် လက်ဆောင်ပေးခဲ့ပါတယ်။ သမ္မတ Trump ရဲ့ တွစ်တာရေးသားချက်တွေပေါ် အခြေခံပြီး သရော်ထားတဲ့ကာတွန်း ပုံပေါင်း တရာပါတဲ့ စာအုပ်ပါ။

သမ္မတ Trump ရဲ့ ဆိုရှယ်မီဒီယာကနေ တွစ်တာရေးသားချက်ကို နှစ်သက်သူ နောက်လိုက် သန်း ၅၀ လောက်အထိ ကြည့်ရှုသူများခဲ့ ပါတယ်။ သူ့တွစ်တာရေးသားချက်တွေဟာ အောင်မြင်ကျော်ကြားခဲ့ပြီး သူ့ရဲ့မူဝါဒကို ဖြန့်ဝေနိုင်သလို သူ့ရဲ့ အတိုက်အခံတွေကိုလည်း တိုက်ခိုက်ဖို့ သုံးခဲ့ ပေမယ့် မကြာမကြာ သံတမန်ရေးရာ စိတ်ပျက်စရာဖြစ်စေခဲ့တာပါ။

Boucq နဲ့ တွဲဖက်ရေးသားသူ Vanessa Duhamel တို့ဟာ "Trump in 100 tweets" ထရန့်နဲ့ တွိ ၁၀၀ ဆိုတဲ့ စာအုပ်ကို ရေးခဲ့တာဖြစ်ပြီး သူတို့ဟာ သမ္မတ Trump ရဲ့ စီးပွါးရေး လုပ်ဆောင်မှုတွေ၊ သမ္မတရွေးကောက်ပွဲ မဲဆွယ်တာတွေနဲ့ တခြား ကမ္ဘာ့ခေါင်းဆောင်တွေနဲ့ ပတ်သက်ပြီး သူ့ရဲ့ ပေါက်ကွဲပြောဆိုမှုတွေကို ရေးချင်စိတ်ပေါ်လာခဲ့ကြပြီး ဒီစာအုပ်ကို ရေးဖြစ်ခဲ့ကြတာပါ။

သမ္မတဆီကို ဒီစာအုပ်မိတ္တူ မပို့ခင်မှာ Boucq က သမ္မတသာ မရှိရင် ဒီစာအုပ်ပေါ်လာမှာ မဟုတ်ကြောင်း ညွှန်းခဲ့တာပါ။ ဒါပေမယ့်လည်း သမ္မတ Trump ဘယ်လိုတုန့်ပြန်မယ် ဆိုတာကိုတော့ သူမသိကြောင်း ဝန်ခံခဲ့ပါတယ်။

Trump အနေနဲ့ တနေ့မှာ သူ့တွစ်တာရေးသားချက်တွေ ဖျက်ပစ်ပြီး ပျောက်ပျက်ကုန်မှာ စိုးရိမ်တယ်လို့ တွဲဖက်ရေးသားသူ Duhamel ကလည်းပြောပါတယ်။ Trump ရဲ့ တွစ်တာရေးသားချက် ၃၇၀၀၀ ထဲက အကောင်းဆုံး တရာကိုရွေးထားတာပါလို့ ပြောပါတယ်။

သမ္မတ Trump အပြင် ရုရှားသမ္မတ Vladimir Putin နဲ့ မြောက်ကိုရီးယား ခေါင်းဆောင် Kim Jong Un အပါအဝင် တခြား ကမ္ဘာ့ခေါင်းဆောင် တွေရဲ့ ပုံတွေပါ စာအုပ်ထဲမှာ ပါနေပြီး သူတို့ကိုလည်း မိတ္တူတွေ ပို့ပေးမှာ ဖြစ်ကြောင်းလည်း Duhamel ကပြောပါတယ်။

မူရင်းပုံတွေကိုတော့ ပြင်သစ်နိုင်ငံ ပါရီက Huberty & Breyne ပြခန်းမှာ ပြသထားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ