TNLA နှင့် RCSS ကြားစစ်ရေးပဋိပက္ခကြောင့်ဒေသခံထောင်ဂဏန်းစစ်ဒဏ်သင့်ပြီး အချို့ဖမ်းဆီးခံရ

TNLA နှင့် RCSS ကြားစစ်ရေးပဋိပက္ခကြောင့်ဒေသခံစစ်ဒဏ်သင့်

သျှမ်းပြည်မြောက်ပိုင်း နမ္မတူမြို့တွင် TNLA တပ်နှင့် RCSS/SSA တပ်တို့ကြားတိုက်ပွဲ များဆက်လက်ဖြစ်ပွါးနေရာ ရွာသားတဦးအဖမ်းခံထားရပြီး စစ်ဘေးရှောင်များ အုပ်စုဘုန်းကြီးကျောင်း သို့ ထောင်ဂဏန်းထပ်မံရောက်ရှိကာ ကူညီထောက်ပံ့မှုအထူးအလိုရှိနေကြောင်းသိရသည်။

“တိုက်ပွဲတွေဖြစ်နေတုန်းဘဲ ။ နမ့်ပိုင်ရွာထဲကိုလက်နက်ကြီးတလုံးကျတယ်။ ရွာသားတွေက စစ်ဘေး ရှောင် ကုန်လို့ လူကိုတော့မထိဘူး။ အဲ့ကြောင့် သူတို့တွေရွာမပြန်ရဲသေးတာ။ နမ့်ပိုင်နဲ့ပိန်းထွမ်ကရွာသား မန်စံဘုန်းကြီးကျောင်းမှာရှိနေတယ်အခု။ အိပ်ရာတွေနဲ့ အစားအသောက်တွေသူတို့လိုအပ်နေပါတယ်”- ဟု စစ်ဘေးရှောင်များအား သွားရောက်ကူညီပေးသည့် နန်းဟိန်းက သျှမ်းသံတော်ဆင့်အားပြောပြသည်။

စစ်ဒဏ်သင့် ရွာသားများ တိမ်းရှောင်ပြီဖြစ်သော နမ့်ပိုင်ရွာအခြေအနေ

လက်ရှိတွင် ပိန်းထွမ်ရွာသား အိုက်ထွေးဆိုသူမှာ ၄င်းတို့ရွာအနီးလှုပ်ရှားနေသော လက်နက်ကိုင်တပ်ဖွဲ့ ကဖမ်းဆီးခေါ်ဆောင်သွားရာ ပြန်မလွှတ်လာသေးကြောင်း ရွာသူသားသည်မိခင်တဦးက ပြောပါသည်။

အဆိုပါရွာဘက်တွင် RCSS တပ်၊ TNLA တပ် ၊ အစိုးရတပ် တို့ မကြာခဏ ဖြတ်သန်းသွားလာကြောင်း မန်စံဒေသခံ တဦး ကပြောသည်။

ပိန်းထွမ်ရွာသည် နားဆိုင်းအုပ်စု ၀င်ရွာတရွာဖြစ်ပြီး ယခင်နှစ်များက အိမ်ခြေ ၅၀ ခန့်ရှိပါသည်။ သို့သော် ၂ နှစ် ၃ နှစ်အတွင်း ၄င်းတို့ရွာအနီးတိုက်ပွဲများ မကြာခဏ ဖြစ်ပွါးရာ ရွာသားများမှာ တခြားသို့ ထွက်ပြေးတိမ်း ရှောင်သွားကြသဖြင့် ယခုနှစ်တွင် အိမ်ခြေ ရ အိမ်သာရှိပါသည်။

ပိန်းထွမ်ရွာသည် မန်စံအုပ်စုနှင့် ၄ မိုင်ခန့်အကွာတွင်တည်ရှိပါသည်။ မတ်လ ဆန်းပိုင်းမှစ၍ ဖြစ်ပွားလာသော စစ်ရေးပဋိပက္ခကြောင့် ရွာသားများ မန်စံဘုန်းကြီးကျောင်းသို့ ထွက်ပြေးတိမ်းရှောင်လာခဲ့ကြခြင်းဖြစ်သည်။

နမ္မတူမြို့ ဗုပ္ပါရုံဘုန်းကြီးကျောင်းသို့ ၈ ရက်အကြာ ခိုလှုံနေသည့် ပန်ကွတ်ရွာမှ ရွာသား များလည်း နေရပ် မပြန်နိုင် သေးသည့်အပြင် တိုက်ပွဲစတင်ဖြစ်ပွါးသည့် မတ်လ ၁၀ နေ့က ပျောက်ဆုံးနေသော ရွာသား ၅ ဦးမှာလည်း ပြန်လည်လွှတ်မြောက်လာခြင်းမရှိသေးကြောင်း သိရသည်။

“ဒီစစ်ပွဲရပ်လိုက်ပါတော့။ အကျိုးမရှိဘူး။ လူထုဘဲနှစ်နာတယ်။ ဘယ်တပ် လာလာ လူထု က ထမင်းကျွေး ရတာဘဲ။ လူထု မျက်ရည်ကျတော့ သူတို့လဲ ၀တ်လည်ပြီး ဒုက္ခရောက်မှာဘဲ”- ဟု စစ်ဘေးရှောင် ဒေါ်နန်းတင့် ကပြောသည်။

နှစ်ဘက်ဖြစ်ပွားသောတိုက်ပွဲများကြောင့် နမ္မတူတွင်သာမက ကျောက်မဲမြို့နယ် တော့ဖယ်ရွာဘက်တွင်လည်း ကျေးရွာမီးလောင်မှု၊ ရွာသားသေဆုံးမှုများရှိနေသည်ဟုဆိုသည်။

လက်ရှိတွင် တိုက်ပွဲကြောင့် မန်စံအုပ်စု ဘုန်းကြီးကျောင်း၊ ကုန်းဖလားကျောင်း၊ မိန်းမုအုပ်စုဘုန်းကြီးကျောင်း၊ နမ္မတူမြို့ ဗုပ္ပါရုံဘုန်းကြီးကျောင်း အစရှိ ကျောင်း ၄ ကျောင်းသို့ ထွက်ပြေးတိမ်ရှောင်လာသည့် ပန်ကွတ် ၊ပန်ဆော့၊မန်ဝါ ကျေးရွာသား ၃၄၀ ခန့်၊ နားဆိုင်း၊ပန်ချမ်၊ ကွန်းမောင်း ရွာသား ၅၀၀ ကျော် ၊ ပိန်းထွမ် ၊နမ့်ပိုင်ရွာသား ၁၀၀ ကျော် ရှိကြောင်း နမ္မတူမြို့ စစ်ဘေးရှောင် ကူညီရေးကော်မတီမှ ပြောပါသည်။

သျှမ်းသံတော်ဆင့်၊ဟွမ်ဟိန်း

http://burmese.shannews.org