NCA ပါ လှုပ်ရှားမှုလမ်းကြောင်းတွေကို တပ်မတော် ကျော်လွန်လှုပ်ရှားနေတယ်လို့ KNU ပြော

ကေအဲန်ယူ တပ်မဟာ(၇)ဌာနချုပ်မှာ ၂ဝ၁၆ ခုနှစ်ကကျင်းပတဲ့ ၆၇ နှစ်မြောက် ကရင့်တော်လှန်ရေးနေ့ အခမ်းအနားမှာ KNLA တပ်သားတွေကို တွေ့ရစဉ်/ Photo: RFA
ကရင်ပြည်နယ် ဖာပွန်ခရိုင်တောင်ပိုင်းက KNU တပ်မဟာ ၅ နယ်မြေအတွင်း တပ်မတော်က ၀င်ရောက်တပ်စွဲနေ တာဟာ NCA အပစ်ရပ်စာချုပ်နဲ့ နှစ်ဖက်သဘောတူညီချက် စာချုပ်ပါ စည်းကမ်းတွေကို ကျော်လွန်လုပ်ဆောင် ရာရောက်တယ်လို့ KNU တွဲဘက်အထွေထွေ အတွင်းရေးမှူး၂ ပဒိုစောလှထွန်းက ဒီနေ့ ပြောပါတယ်။

ဒီလဆန်းကတည်းက KNU နယ်မြေအတွင်း တပ်မတော်ဘက်က ၀င်ရောက်တပ်စွဲမှုတွေဟာ နှစ်ဖက်တပ်တွေ သွားလာလှုပ်ရှားဖို့ လမ်းကြောင်းသတ်မှတ်ထားတာတွေကို ကျော်လွန်နေတယ်လို့ KNU တွဲဘက်အထွေထွေ အတွင်းရေးမှူး ၂ ပဒိုစောလှထွန်းက ပြောပါတယ်။

"အဓိကကတော့ ကျနော်တို့ ဒီဘက် Bi-literal အရလက်မှတ်ထိုးထားတဲ့ နှစ်ဖက်သဘောတူညီချက် စာချုပ်တွေအပေါ်မှာရော ၊ NCA အပေါ်မှာရော သဘောကတော့ ဒါတွေအခြေခံတာပေါ့နော်၊ အခုကတော့ ဒီနှစ်ဖက်တပ်တွေရဲ့ သွားလာဖို့ သတ်မှတ်ထားတဲ့လမ်းကြောင်းကနေ ပိုပြီးတော့လုပ်လာတဲ့ ပုံစံတွေပေါ့။ ဘောင်အပြင်ဘက်ကနေ ကျော်လာတဲ့သဘောပေါ့"

ဒီကိစ္စနဲ့ ပတ်သက်ပြီး ကရင်ပြည်နယ် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည်ရေးကော်မတီ JMC-S ကို KNU ဘက်က စာရေးသားတင်ပြထားတယ်လို့ ပြောပါတယ်။

အပစ်ရပ် လက်မှတ်ထိုးထားတဲ့အဖွဲ့တွေနဲ့ တိုက်ခိုက်မူ ပဋိပက္ခတွေဖြစ်လာရင် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည်ရေးကော်မတီ JMC က စုံစမ်းစစ်ဆေးပြီး ဆုံးဖြတ်ရမယ်လို့ NCA စာချုပ်မှာ ပါရှိတဲ့အတွက် အဲဒီလမ်းကြောင်းအတိုင်း ဆောင်ရွက်သွားမယ်လို့ ပဒိုစောလှထွန်းက ပြောပါတယ်။

KNU တပ်မဟာ ၅ ထိန်းချုပ်နယ်မြေ ဒီခေးပူနဲ့ လယ်မှုပလောကြားမှာရှိတဲ့ လမ်းဟောင်းတွေကို တပ်မတော်က တိုးချဲ့ဖောက်လုပ်ဖို့ လုပ်ဆောင်နေတဲ့ အခြေအနေမျိုးတွေ တွေ့ရပြီး တိုက်ပွဲကြီးတွေ မရှိပေမယ့် ပစ်ခတ်မှု အနည်းငယ်တော့ ရှိတယ်လို့  ပဒိုစောလှထွန်းက ပြောပါတယ်။

ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည်ရေးကော်မတီ JMC-U အတွင်းရေးမှူး ၁ ဒေါက်တာရွှေခါးက ဒီလိုကိစ္စတွေကို ပြေလည်အောင်လုပ်ဖို့ဆိုရင် အင်အားသုံးတဲ့ တိုက်ပွဲနည်းလမ်းနဲ့ မဟုတ်ဘဲ နှစ်ဖက်တပ်တွေ အချင်းချင်း တွေ့ဆုံညှိနှိုင်းတဲ့နည်းနဲ့သာ ဖြေရှင်းဖို့လိုတယ်လို့ ပြောပါတယ်။

ဒါ့အပြင် တစ်နိုင်ငံလုံး အပစ်အခတ်ရပ်စဲရေးစာချုပ် NCA လက်မှတ်ထိုးထားတဲ့ အဖွဲ့တွေရှိလာပေမယ့် အပစ်ရပ်နယ်မြေ၊ ထိန်းချုပ်နယ်မြေတွေ မသတ်မှတ်နိုင်သေးတာဟာ  တိုက်ပွဲဖြစ်ပွားမှုကို ထိန်းချုပ်ဖို့ ခက်ခဲစေတယ်လို့ ပြောပါတယ်။

တပ်မတော်က မူတရော ခေါ် ဖာပွန်ခရိုင်တောင်ပိုင်းကို ၀င်ရောက်တပ်စွဲမူတွေကြောင့် အဲဒီဒေသမှာရှိတဲ့ ရွာသားတွေလည်း နေရပ်စွန့်ခွာပြီး လွတ်ကင်းရာကို တိမ်းရှောင်ရတာတွေ ရှိနေတယ်လို့ KNU တွဲဘက်အထွေထွေ အတွင်းရေးမှူး ၂ ပဒိုစောလှထွန်းက ပြောပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ