အမေရိကန်ဟာ ဥရောပ သမဂ္ဂ ကနေ အများဆုံး ကားတင်သွင်း |
အမေရိကန်ကို သံမဏိနဲ့ အလူမီနီယမ်တင်သွင်းမှုအပေါ် အခွန်ကောက်မယ့် အစီအစဉ်ကို သမ္မတ ထရမ့်က ပြီးခဲ့တဲ့ ကြာသပတေးနေ့က ကြေညာခဲ့ပြီးနောက်မှာ အခုလို အငြင်းပွားမှုတွေ ပေါ်ပေါက်ခဲ့တာ ဖြစ်ပါတယ်။
အဲဒီ ကြေညာချက်အပေါ် ဥရောပ သမဂ္ဂ အပါအဝင် အမေရိကန်ရဲ့ ကုန်သွယ်ဖက်တွေက ဝေဖန် ပြောဆိုခဲ့ကြပါတယ်။
အမေရိကန်လိုဘဲ သူတို့ဖက်ကလည်း အလားတူ တုန့်ပြန်သွားမယ်လို့ ဥရောပဆိုင်ရာ ကော်မရှင်ဥက္ကဌ Jean-Claude Junker က ပြောပါတယ်။
တကယ်လို့ အီးယူက အမေရိကန် ကုမ္ပဏီတွေ အပေါ် အတားအဆီးတွေ လုပ်ခဲ့ရင် အမေရိကန်ဖက်ကလည်း အီးယူဖက်က ကားတင်သွင်းမှုကို အခွန်ကောက်မယ်လို့ သမ္မတထရမ့်က တွတ်တာပေါ်မှာ ရေးခဲ့တာ ဖြစ်ပါတယ်။
အမေရိကန်ဟာ အီးယူ အတွက် အကြီးမားဆုံး ကားဈေးကွက် တခု ဖြစ်ပါတယ်။
BBC Burmese
http://www.bbc.com/burmese
EUကားတင်သွင်းမှုကို အခွန်ကောက်မယ်လို့ ထရမ့်ခြိမ်းခြောက်
Reviewed by THITHTOOLWIN
on
08:11
Rating: