မြန်မာ ၁ ဦးနဲ့ တရုတ် ၁ ဦးကို ဝ တပ်ဖွဲ့ သေဒဏ် အပြစ်ပေး

 သေဒဏ်ကျခံရသူ နှစ်ဦးကို တွေ့မြင်ရစဉ်
ဝ ဒေသ မိုင်းမော ခရိုင်အတွင်း လူသတ်ပြီး ကားလုယက်မှု ကျူးလွန်ခဲ့တဲ့ မြန်မာနိုင်ငံသား ၁ ဦးနဲ့ တရုတ်နိုင်ငံသား ၁ ဦးတို့ကို ဝ ဒေသကို အုပ်ချုပ်နေတဲ့ ဝ ပြည်သွေးစည်းညီညွတ်ရေး တပ်ဖွဲ့က မတ်လ ၄ ရက်နေ့က သေဒဏ် အပြစ်ပေးလိုက်ပါတယ်။

ပြီးခဲ့တဲ့ ၂၀၁၇ ခုနစ် သြဂုတ်လအတွင်းက မိုင်းမောခရိုင် လုံထန်မြို့နယ်အတွင်းမှာ ပန်ဆန်းကနေ မိုင်းမောကို ငှားရမ်းလာတဲ့ ကားတစီးပေါ် ပါလာတဲ့ ကားပိုင်ရှင် ဇနီးမောင်နှံကို ကားငှားလာသူ အမျိုးသား ၂ ဦးက သတ်ဖြတ်မှုဖြစ်ပွားခဲ့ပါတယ်။

အဲဒီနောက်ပိုင်းမှာ ကျူးလွန်သူ အမျိုးသား နှစ်ဦးကိုဖမ်းဆီးစစ်ဆေးခဲ့ပြီး ဝ တရားရေးဌာနဘက်က သေဒဏ်ချမှတ်ခဲ့တာလို့ ဝ တပ်ဖွဲ့ရဲ့ လားရှိုးဆက်ဆံရေးရုံးတာဝန်ခံ ဦးညီရမ်းက ဘီဘီစီကို ပြောပါတယ်။

အခင်းဖြစ်ပွားပြီး မကြာခင်မှာပဲ တဦးကို ဖမ်းဆီးနိုင်ခဲ့တာ ဖြစ်သလို အခြားတယောက်ကိုတော့ တလကျော်ကြာမှ တရုတ်နယ်စပ်နားမှာ ဖမ်းမိခဲ့တာလို့ ဦးညီရမ်းက ပြောပါတယ်။

တရားခံ အမျိုးသား နှစ်ဦးကို လူပုံအလယ်မှာ ကွပ်မျက်ခဲ့နေတာကို ဝ ရုပ်မြင်သံကြား သတင်းထုတ်လွှင့်ခဲ့ပါတယ်။

မြန်မာနိုင်ငံသားအမည်ကတော့ ဦးရန်ချန်းဖြစ်ပြီး တရုတ်အမျိုးသားအမည်ကိုတော့ သူ့အနေနဲ့ မသိရှိရကြောင်း ဦးညီရမ်းက ပြောပါတယ်။

ဝ ဒေသမှာ လူသတ်မှုကျူးလွန်တဲ့သူတွေကို သေဒဏ်ပေးတဲ့ အလေ့အထရှိပြီး အရင်ကလည်း ဝ နယ်ထဲမှာ ပြစ်မှု ကျူးလွန်တဲ့ တရုတ်နိုင်ငံသား အချို့ကိုလည်း သေဒဏ်ပေးခဲ့ဖူးတယ်လို့ ဆိုကြပါတယ်။
 သေဒဏ်အပြစ်ပေးမှုကို လာရောက်ကြည့်ရှူနေသူတွေ
ဝ နဲ့ နယ်နိမိတ်ချင်း ထိစပ်နေတဲ့ ကွန်မြူနစ်ပါတီ အုပ်ချုပ်တဲ့ တရုတ်ပြည်ဟာ ကြီးလေးတဲ့ ပြစ်မှုတွေအတွက် သေဒဏ်အပြစ်ပေးတဲ့ စနစ်ကို ကျင့်သုံးတဲ့ တိုင်းပြည်လည်း ဖြစ်ပါတယ်။

ဗမာပြည်ကွန်မြူနစ်ပါတီကနေ ခွဲထွက်လာတဲ့ ၁၉၈၉ ခုနစ်ကတည်းက ဝ ဒေသမှာ တရားရေးဌာနကို ဖွဲ့စည်းခဲ့တယ်လို့ ဦးညီရမ်းက ပြောပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ