မီးလောင်သေဆုံးခဲ့တဲ့ မြန်မာအလုပ်သမား ၂၀ ရဲ့ မျိုးရိုးဗီဇ စစ်ဆေးမည်

ထိုင်းနိုင်ငံမှာ ၂၀၁၈ ခုနှစ် မတ်လ ၃၀ ရက်နေ့မနက်က မီးလောင်သွားတဲ့ မြန်မာအလုပ်သမားတွေရဲ့ကားကို တွေ့ရစဉ်/ Photo: Ye Min - facebook
ထိုင်းနိုင်ငံကို အလုပ်လုပ်ဖို့ သွားရာကနေ မနေ့က ကားမီးလောင်ပြီး သေဆုံးခဲ့တဲ့ မြန်မာအလုပ်သမားတွေရဲ့ ရုပ်အလောင်းတွေကို မျိုးရိုးဗီဇ DNA စစ်ဆေးမှုတွေ ပြုလုပ်နေတယ်လို့ ဘန်ကောက်မြို့ မြန်မာသံရုံးက အလုပ်သမား သံအရာရှိတစ်ဦးက ဒီနေ့ ပြောပါတယ်။

မီးလောင်သေဆုံးသွားတဲ့ ရုပ်အလောင်းတွေကို ဘယ်သူဆိုတာခွဲခြားနိုင်ဖို့ စစ်ဆေးမှာဖြစ်တယ်လို့ အလုပ်သမား သံအရာရှိ ဦးနိုင်မင်းသူက ပြောပါတယ်။

"မီးလောင်သွားတဲ့ အလုပ်သမားတွေက ဆိုးဆိုးဝါးဝါးဆိုတော့ ဘယ်သူမှန်း ရုပ်လုံးမပေါ်တော့ဘူး၊ အဲဒီအတွက် မိသားစုတွေခေါ်မယ်၊ လောလောဆယ်က မိသားစုတွေ ချိတ်ဆက်နေတယ်၊ မိသားစုခေါ်ပြီးတော့မှ DNA စစ်ရမယ်၊ ဒီအရုပ်လောင်းက ဘယ်သူဆိုတဲ့ဟာ ပြန်ဖော်ရမယ်၊ ဖော်ပြီးတော့မှ ဆက်ပြီတော့ လျော်ကြေး ကိစ္စတွေ၊ ခံစားခွင့်ကိစ္စတွေ ဆက်ပြီးတော့ ဆောင်ရွက်ပေးသွားမှာပါ"

သေဆုံးသွားကြတဲ့ MOU မြန်မာအလုပ်သမားတွေရဲ့ မိသားစုဝင်တွေကိုလည်း လတ်တလောမှာ ဆက်သွယ်ထား တယ်လို့ သိရပါတယ်။

နှစ်နိုင်ငံအစိုးရ သဘောတူညီချက်နဲ့ အလုပ်သွားလုပ်ကြမယ့် မြန်မာအလုပ်သမား ၄၇ ဦးကို  မဲဆောက်မြို့ကနေ တဆင့် ခရီးသည်တင်မှန်လုံကားနဲ့ တင်ဆောင်လာရာ မတ်လ ၃၀ ရက်နေ့ မနက်အစောပိုင်းက တာ့ခ်ခရိုင်ထဲမှာ မီးလောင်ခဲ့ပြီး မြန်မာအလုပ်သမား ၂၀ ဦး မီးလောင်သေဆုံးခဲ့ပါတယ်။ ကားမီးလောင်မှုကြောင့် အမျိုးသားနှစ်ဦးနဲ့ အမျိုးသမီး ၁၈ ဦး သေဆုံးခဲ့ပြီး အမျိုးသမီး ၃ ဦး ထိခိုက်ဒဏ်ရာရခဲ့တယ်လို့ သိရပါတယ်။

သေဆုံးသူတွေအတွက် လျော်ကြေးနဲ့ ခံစားခွင့်ကိစ္စတွေကို မြန်မာနိုင်ငံဘက်က အလုပ်သမားအေဂျင်စီအပါအ၀င် ထိုင်းနိုင်ငံဘက်က အလုပ်သမားအေဂျင်စီနဲ့ ဆက်သွယ်ပြီး ရပိုင်ခွင့်ရှိတဲ့အတိုင်း ဥပဒေနဲ့အညီ ဆောင်ရွက်ပေးသွား မယ်လို့ ဦးနိုင်မင်းသူက ပြောပါတယ်။

ထိုင်းရဲတပ်ဖွဲ့ရဲ့ ကနဦးစစ်ဆေးချက်အရ ကားထဲမှာ ဆေးလိပ်သောက်ရင်း မီးပွားကနေတဆင့် မီးလောင်ခဲ့တာဖြစ် တယ်လို့ သိရပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ