ဘုရားဖူးကားတိမ်းမှောက်မှုကြောင့် သေဆုံးသွားသော မူစယ်မြို့ခံ ၅ ဦးအား ယနေ့သဂြိုဟ်မည်

ကချင်ပြည်နယ် အင်းတော်ကြီးအိုင်သို့ တပေါင်းပွဲဘုရားဖူးမှအပြန် ဗန်းမော်နှင့်လွယ်ဂျယ်အကြား မတော်တဆကားတိမ်းမှောက်မှုကြောင့် ကွယ်လွန်သွားသော သျှမ်းပြည်မြောက်ပိုင်း မူစယ်မြို့ဒေသခံ ၅ ဦး၏ရုပ်အလောင်းအား မတ်လ ၉ ရက်နေ့ယနေ့ညနေပိုင်းတွင် မီးသဂြိုဟ်မည်ဖြစ်ကြောင်းသိရသည်။
မူစယ်မြို့နယ် ကောင်းနောင်ရပ်ကွက်ဇရပ်မှာစုပေါင်းအလှူလုပ်ပေးပြီး စုပေါင်းသဂြိုဟ်ပေးမည့် ဘုရားဖူးယာဉ်မှောက်လို့ သေဆုံးသွားသူ ကောင်းနောင်ရပ်ကွက်သူ ၃ ဦး Photo credit to Sai Lao Hlaing Pan facebook
မူစယ်မြို့ဒေသခံအမျိုးသမီး ၁၅ ဦးပါဝင်သည့် “ရွှေလွန်းပျံ” ဇလုံတောင်- အင်းတော်ကြီးဘုရားဖူးယာဉ်တစီး မတ်လ ရ ရက်နေ့က ဗန်းမော်နှင့်လွယ်ဂျယ် ကြား မိုင်တိုင် ၃၈ နှင့် ၃၉ အကြားတောင်ကွေ့တခုတွင် အနက် ပေ ၂၀၀ ချောက်ထဲထိုးဆင်းတိမ်းမှောက်ရာ ယာဉ်မောင်းအပါအဝင်ခရီးသည် ၁၀ ဦး ပြင်းထန်စွာထိခိုက်ဒဏ်ရာရရှိခဲ့ပြီး ၅ ဦးမှာသေဆုံးခဲ့ပါသည်။
ဗန်းမော်နှင့်လွယ်ဂျယ် ကြား မိုင်တိုင် ၃၈ နှင့် ၃၉ အကြားတိမ်းချော်ကာ တောင်အောက်ပြုတ်ကျသည့် “ရွှေလွန်းပျံ” ဇလုံတောင်- အင်းတော်ကြီးဘုရားဖူးယာဉ်
“သေဆုံးသွားတဲ့ ကောင်းနောင်ရွာသူ နန်းသိန်းလှ ၊ နန်းတင်၊ နန်းသန်းဦး၊နန်းဟန် နဲ့ ပေါက်စန်းရွာသူ နန်းအေးမြ ပေါ့။ နန်းသိန်းလှ ၊ နန်းတင်၊ နန်းသန်းဦး တို့ ၃ ယောက်ကို ကောင်းနောင်ရပ်ကွက် လူငယ်ဇရပ်မှာ တနေရာတည်းမှာစုပေါင်းထားရှိပြီးအလှူလုပ်ပေးနေပါတယ်။ ညနေပိုင်း သဂြိုဟ်မှာဖြစ်ပါတယ်။ လွယ်ဂျယ်နာရေးကူညီမှုအသင်းက ကူညီပေးမှုနဲ့ပါ။ ကျန်တဲ့ ၂ ယောက်လည်းသူတို့အစီအစဉ်နဲ့သူတို့ဘဲဒီနေ့သဂြိုဟ်တယ်။ ”- ဟု မူစယ်မြို့ခံ စိုင်းစွမ်ကပြောသည်။

ထိခိုက်ဒဏ်ရာရသူများမှာ စိုးရိမ်ရသည့်အနေအထားများရှိနေပြီး လွယ်ဂျယ်ဆေးရုံတွင် ဆေးကုသမှုခံယူနေဆဲဖြစ်ကြောင်းသိရသည်။

၎င်းတို့ကားတိမ်းမှောက်ကျသည့်နေရာသည် တောင်စောင်းလမ်းအကွေ့ဖြစ်ပြီး အဆိုပါအနီးတဝိုက်တွင် ယခင်ကလည်း ခရီးသွားကားများတိမ်းမှောက်ကျ ခဲ့ဖူးကြောင်းသိရပါသည်။

သျှမ်းသံတော်ဆင့်၊ဟွမ်ဟိန်း
http://burmese.shannews.org/
ဘုရားဖူးကားတိမ်းမှောက်မှုကြောင့် သေဆုံးသွားသော မူစယ်မြို့ခံ ၅ ဦးအား ယနေ့သဂြိုဟ်မည် ဘုရားဖူးကားတိမ်းမှောက်မှုကြောင့် သေဆုံးသွားသော မူစယ်မြို့ခံ ၅ ဦးအား ယနေ့သဂြိုဟ်မည် Reviewed by THITHTOOLWIN on 14:50 Rating: 5
Powered by Blogger.