တရားတဲ့ ဥပဒေတွေ စိုးမိုးရမယ်လို့ အတိုင်ပင်ခံပုဂ္ဂိုလ် ပြော

နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို တရားဥပဒေမိုးစိုးရေးအတွက် တရားမျှတမှုဆိုင်ရာ ပေါင်းစပ်ညှိနှိုင်းရေးဆိုင်ရာညီလာခံ ဖွင့်ပွဲအခမ်းအနားမှာ တွေ့ရစဉ်။ Photo: Myanmar State Counsellor Office - facebook

ပြည်သူတွေ တည်ငြိမ်မှု၊ လုံခြုံမှုရှိဖို့အတွက် တရားတဲ့ ဥပဒေတွေ စိုးမိုးရမယ်လို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဒီနေ့ ပြောကြားလိုက်ပါတယ်။

ဒီကနေ့ နေပြည်တော်က အပြည်ပြည်ဆိုင်ရာကွန်ဗန်းရှင်းဗဟိုဌာန ၂ မှာ ကျင်းပတဲ့ တရားဥပဒေမိုးစိုးရေးအတွက် တရားမျှတမှုဆိုင်ရာ ပေါင်းစပ်ညှိနှိုင်းရေးဆိုင်ရာညီလာခံ မှာ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားခဲ့တာဖြစ်ပါတယ်။

ဒါ့အပြင် ဥပဒေတွေဟာ ပြည်သူလူထုအတွက် အကျိုးပြုတဲ့ဥပဒေတွေ ဖြစ်ရဲ့လားဆိုတာ လွှတ်တော်က ဆုံးဖြတ်ပြီး အကောင်အထည်ဖော်ရတာဖြစ်တယ်လို့ ပြောပါတယ်။

အမျိုးသားဒီမိုကရေစီအဖွဲ့ချုပ်ဟာ တရားဥပဒေစိုးမိုးရေး အလိုအပ်ဆုံးဖြစ်တယ်ဆိုပြီး ရွေးကောက်ပွဲဝင်ခဲ့တာ ဖြစ်သလို ငြိမ်းချမ်းရေးတည်တံ့ခိုင်မြဲဖို့အတွက်လည်း တရားဥပဒေစိုးမိုးမှုရှိဖို့ လိုအပ်တယ်လို့ ဆိုပါတယ်။

ဒါ့အပြင် အဂတိတရားကင်းစင်တဲ့ ယဉ်ကျေးမှုတစ်ရပ်ကို တိုင်းပြည်အတွင်းမှာ ထူထောင်ဖို့ အရေးပါတယ်လို့ ပြောခဲ့ပါတယ်။

ညီလာခံကို နှစ်ရက်ကြာ ကျင်းပမှာဖြစ်ပြီး မြန်မာနိုင်ငံရဲတပ်ဖွဲ့၊ ရှေ့နေတွေ၊ တရားသူကြီးတွေ၊ ကိုယ်စားလှယ်တွေ၊ မြန်မာနိုင်ငံ လူ့အခွင့်အရေးကော်မရှင် စတဲ့ အဖွဲ့တွေက ကိုယ်စားလှယ်တွေလည်း တက်ရောက်ခဲ့ပါတယ်။

RFA Burmese
https://www.rfa.org/burmese