စစ်တွေတွင် ညအချိန် ကားမှန်များ ရိုက်ခွဲခံရမှုနှင့်ပတ်သက်၍ မြို့နယ်တရားရုံးသို့ ဦးတိုက်လျှောက်ထား

ဓါတ်ပုံ-Myo Min Htun Kyi face book စာမျက်နှာ
နိရဉ္စရာ၊ မတ် ၉

ရခိုင်ပြည်နယ်မြို့တော် စစ်တွေမြို့တွင် ညအချိန်၌ ကားမှန်များ ရိုက်ခွဲခံရမှုနှင့်ပတ်သက်၍ စစ်တွေမြို့နယ်တရားရုံးသို့ ကားပိုင်ရှင်နှစ်ဦးမှ ဦးတိုက်လျှောက်ထားသည်ဟု သတင်းရရှိသည်။

“ကားမှန်ရိုက်ခွဲခံရတဲ့ ပိုင်ရှင်များထဲက ၂ ယောက်က တရားရုံးကို ဦးတိုက်လျှောက်ထားတာပါ။ ဒီအမှုက ရဲရေးပိုင်တဲ့အမှုမဟုတ်တဲ့အတွက် ကျွန်တော်တို့အနေနဲ့ အသေးစိတ်ကို ပြောပြလို့ မရပါဘူး”ဟု စစ်တွေမြို့နယ် မြို့မရဲစခန်းမှ စခန်းမှူးက နိရဉ္စရာသတင်းဌာနသို့ ပြေကြားသည်။

ကားမှန်များရိုက်ခွဲခံရမှုမှာ မတ်လ ၆ ရက်နေ့ ညဥ့်အချိန်တွင် ဖြစ်ပွားခဲ့ခြင်းဖြင်ပြီး ဖျက်ဆီးခံရသည့် ကား ၅ စီးရှိသည်ဟု ပြည်ထောင်စုမြန်မာနိုင်ငံ ပြည်ထဲရေးဌာန ဖေ့စ်ဘုတ် စာမျက်နှာတွင် ဖော်ပြထားသည်။

မတ်လ ၆ ရက်နေ့ည ၁၁ နာရီ ၂၅ မိနစ်အချိန်တွင် စစ်တွေမြို့ ရူပတောင်ရပ်ကွက်နေ ဦးစံမောင်သိန်း (၅၀)နှစ် ၏ 5I/xxxx Hilux Surf မော်တော်ယာဉ်အား ရွှေပြည်တန် အမြန်ရေယာဉ် လက်မှတ်အရောင်းဆိုင် အနီး၌ ရပ်တန့်ထားစဉ် ယာဉ်၏ရှေ့ယာဘေးမှန် ၊ နောက် ဝဲဘေးမှန် ၊ ယာ နောက်ကြည့်မှန်များ ဖျက်ဆီးခံရ၍ ကွဲအက်ပျက်စီးခဲ့သည်ဟု ဖော်ပြထားသည်။

အလားတူ မတ်လ ၆ ရက် ညပိုင်းအချိန်တွင် ရူပမြောက်ရပ်ကွက်နေ ဦးမျိုးသန့်(၄၂)နှစ် ၏ 5G/ xxxx Parjo မော်တော်ယာဉ်၊ ရူပမြောက် ရပ်ကွက်နေ မောင်ဝင်းဆွေ(၂၉)နှစ် ၏ 8H/ xxxx Super Custom မော်တော်ယာဉ်၊ မီဇံရပ်ကွက်နေ ကောင်းမြတ်ဖြိုး(၂၃)နှစ် ၏ 3D/ xxxx Harrier မော်တော်ယာဉ် နှင့် အိုးတန်းရပ်ကွက်နေ ဦးသန်းအေး(၅၀)နှစ် ၏ 5J/ xxxx Harrier မော်တော်ယာဉ်များ အား ၎င်းတို့၏ အိမ်ရှေ့လမ်းများ ပေါ်၌ အသီးသီးရပ်တန့်ထားစဉ် ယာဉ်၏ ရှေ့လေကာမှန်များနှင့် နောက်ကြည့်မှန်တို့ ဖျက်ဆီးခံရ၍ ကွဲအက်ပျက်စီးခဲ့သည်ဟု သိရသည်။

အဆိုပါ မော်တော်ယာဉ်များ၏မှန်များ ဖျက်ဆီးကွဲအက်ခံရမှုအား ရာဇသတ်ကြီးပုဒ်မ ၄၂၇ (အကျိုးဖျက်ဆီးမှု)ဖြင့် အမှုဖွင့် ဆောင်ရွက်ထားသည်ဟု သိရှိရသည်။

ဓါတ်ပုံ-Myo Min Htun Kyi face book စာမျက်နှာ
စံမောင်သန်း၊ စစ်တွေ
Narinjara
https://www.facebook.com/Narinjara-151742128171206/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ