ဖုန်းနံပါတ်ဖြင့် ကံစမ်းမဲငွေကျပ်သိန်း၂ဝဝ ပေါက်သည်ဟု လိမ်လည်ပြီး ငွေတောင်းခံသူကို ဖမ်းဆီးရမိ


ပေါင်းတည် မတ် ၉

ဖုန်းနံပါတ်ဖြင့် ကံစမ်းမဲ ငွေကျပ်သိန်း ၂ဝဝ ပေါက်သည်ဟုဆိုကာ လိမ်လည်ငွေ တောင်းခံသူအား ပြည်ခရိုင် သဲကုန်း မြို့နယ် ရွာသာလှကျေးရွာ၌ ဖြစ်ပွားခဲ့ပြီး ပြစ်မှုကျူးလွန်သူအား ရဲစခန်းအချင်းချင်း ချိန်ဆက်၍ဖော်ထုတ်ခဲ့ရာ မတ် ၈ ရက်က ရန်ကုန်တိုင်းဒေသကြီး မြောက်ဥက္ကလာပ ရဲစခန်းက ဖမ်းဆီးရမိခဲ့ပြီး ပေါင်းတည် မြို့မရဲစခန်းသို့ လွှဲပြောင်းအပ်ပေးခဲ့ ကြောင်း သိရသည်။

ဖြစ်စဉ်မှာ မတ် ၇ ရက် မွန်းလွဲ ၁ နာရီက ပြည်ခရိုင် သဲကုန်းမြို့နယ် ကြို့ပင်သာအုပ်စု ရွာသာလှကျေးရွာနေ ကိုအောင်ကိုဝင်းသည် အိမ်၌ရှိနေစဉ် ၄င်းကိုင်ဆောင်သော ဖုန်းထံသို့ ဖုန်းခေါ် ဆိုလာ၍ နားထောင်ရာ အမျိုးသားတစ်ဦး အသံဖြင့် အခွန်ဦးစီးဌာနမှ မြန်မာနိုင်ငံ တစ်ဝန်းလုံးရှိ မရှိဆင်းရဲသားများအား ကံစမ်းမဲဖောက်ပေးရာ ကိုအောင်ကိုဝင်း ကိုင်ဆောင်သော ဖုန်းနံပါတ်မှာ ကံစမ်းမဲ ကျပ်သိန်း ၂ဝဝ ပေါက်ကြောင်း၊ နိုင်ငံ တော် အခွန်ရုံးသို့ ငွေကျပ်ခြောက်သိန်း အခွန်ပေးဆောင်ရန်အတွက် မြေနီကုန်းရှိ KBZ ဘဏ်သို့ ဒေါ်မိုးမိုးစန်း အမည်ဖြင့် မှတ်ပုံတင်နံပါတ်အား လွှဲပေးရန် ပြောသဖြင့် မွန်းလွဲ ၂ နာရီခန့်တွင် ဇနီးဖြစ်သူနှင့်အတူ ပေါင်းတည်မြို့ ဈေး-၂ ရပ်ကွက် ရန်ကုန်-ပြည် အဝေးပြေး ကားလမ်းမနံဘေးရှိ KBZ ဘဏ်မှ ငွေကျပ်ခြောက်သိန်းအား လွှဲပေးပြီး ၄င်းအားဆက်သွယ်လာသော ဖုန်းနံပါတ် သို့လွှဲပြီး ကြောင်းပြောရန် ဆက်သွယ် သောအခါ ဖုန်းမှာ စက်ပိတ်ထားကာ ဆက်သွယ်မရတော့သဖြင့် ငွေကျပ် ခြောက်သိန်းအား လိမ်လည်ခံလိုက်ရ ကြောင်း သိရှိခဲ့ရခြင်းဖြစ်ကြောင်း သိရ သည်။

 ယင်းလိမ်လည်ခံရသည့် အကြောင်းကို မတ် ၈ ရက် မွန်းတည့် ၁၂ နာရီခန့်တွင် ပေါင်းတည်မြို့ မြောင်းဆုံကျေးရွာအုပ်စု စပါးထောင်း ကျေးရွာနေ ယောက်ဖဖြစ်သူ ကိုကျော် မင်းစိုးအား ဖုန်းဖြင့်ပြောပြခဲ့ရာ ကိုကျော် မင်းစိုးမှာလည်း ကံစမ်းမဲပေါက်သည်ဟု ဆို၍ ဒေါ်မိုးမိုးစန်းအား မြောက်ဥက္ကလာပKBZ ဘဏ်သို့ ငွေကျပ် ၁၂ သိန်းလွှဲပေး ရန် ပြောကြားသဖြင့် ပြည်မြို့ KBZ ဘဏ်မှ ငွေသွင်းပြီးဖြစ်၍ ကိုကျော်မင်းစိုး မှ ဘဏ်မန်နေဂျာသို့ အကြောင်းကြားရာ ပြည်ဘဏ်နှင့် မြောက်ဥက္ကလာပဘဏ်တို့ ချိတ်ဆက်၍ မြောက်ဥက္ကလာပရဲစခန်းသို့ အကြောင်းကြားရာမှ ပြစ်မှုကျူးလွန်သူ ငွေထုတ်ယူရန် စောင့်ဆိုင်းနေစဉ် ဖမ်းဆီး ရမိခဲ့ကြောင်း သိရသည်။ အမှုအား ပေါင်းတည် မြို့မရဲစခန်းက စစ်ဆေးလျက် ရှိကြောင်း သိရသည်။

ကိုလွင်(ဆွာ)
Myanmaalinn
https://www.facebook.com/MYANMAALINNNEWS/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ