ပြိုကျပျက်စီးခဲ့တဲ့ ပုဂံဘုရားအမှတ် ၁၀၆၆ ကို တွေ့ရစဉ် Photo: Min Min Aung |
ပုဂံဘုရားအမှတ် ၁၀၆၆ ပြိုကျပျက်စီးခဲ့တာဖြစ်ပြီး ဘုရားရဲ့ ၇၀ ရာခိုင်နှုန်းလောက် ပျက်စီးဆုံးရှုံးခဲ့တယ်လို့ ဦးအောင်အောင်ကျော်က ပြောပါတယ်။
"၀ိတ်ကိုမခံနိုင်တော့ဘဲနဲ့ အပေါ်ရဲ့ ၀ိတ်ဒဏ်ကြောင့်မို့လို့ ဘေးကနံရံ သုံးဖက် ပွင့်ကျသွားတဲ့သဘော ဖြစ်ပါတယ်။ ကန်ထရိုက်စနစ်နဲ့ ပြင်ဆင်ခဲ့တဲ့ထဲမှာပါတဲ့ နောက်ပိုင်းပြင်ဆင်ထားတဲ့ ဘုရားတစ်ဆူလည်း ဖြစ်ပါတယ်"
ပုဂံဘုရားအမှတ် ၁၀၆၆ ဟာ ၁၉၇၅ ခုနှစ်မှာ လှုပ်ခတ်ခဲ့တဲ့ ငလျင်ကြောင့် အားလုံးပြိုကျပျက်စီးခဲ့တာကြောင့် ၁၉၉၆ ခုနှစ်မှာ ကန်ထရိုက်စနစ်နဲ့ ပြန်လည်ပြင်ဆင် တည်ဆောက်ခဲ့တဲ့ ဘုရားတစ်ဆူဖြစ်တယ်လို့ သိရပါတယ်။
အဲဒီနောက် ၂၀၁၆ ခုနှစ် က ငလျင်လှုပ်ခတ်ရာမှာလည်း ထိခိုက်ခဲ့တဲ့ ဘုရားတစ်ဆူဖြစ်ပြီး ပြီးခဲ့တဲ့နှစ် မေလမှာ အရေးပေါ် ပြင်ဆင်မှု ပြုလုပ်ခဲ့ရတဲ့ ဘုရားတွေထဲမှာ ပါဝင်ခဲ့တဲ့ ဘုရားတစ်ဆူ ဖြစ်တယ်လို့ ဦးအောင်အောင်ကျော်က ပြောပါတယ်။
လက်ရှိ ပြိုကျသွားတဲ့ ဘုရားကို ပြန်လည်တည်ဆောက်သွားဖို့ ရှိ မရှိကိုတော့ လတ်တလော အတိအကျ မပြောနိုင်သေးဘူးလို့ ဆိုပါတယ်။
RFA Burmese
https://www.rfa.org/burmese
ပုဂံဘုရားတစ်ဆူ ပြိုကျ
Reviewed by THITHTOOLWIN
on
20:51
Rating: