 |
| ဘင်္ဂလား-မြန်မာနယ်စပ် မြန်မာတပ်ဘက်က လုံခြုံရေးတပ်ဖွဲ့ဝင်များ။ |
နယ်စပ်ခြံစည်းရိုးအနီး ရောက်လာကြတဲ့ မြန်မာလုံခြုံရေးတပ်ဖွဲ့တွေဟာ မော်တာအမြောက်တွေ အပါအ၀င် လက်နက်ကြီးတွေကို ရွှေ့ပြောင်းနေရာချနေပုံ ရတယ်လို့လည်း အမည်မဖော်လိုတဲ့ ဘင်္ဂလားဒေ့ရှ် စစ်တပ်အရာရှိတဦးနဲ့ နယ်ခြားစောင့် ၂ ဦးကို ကိုးကားဖော်ပြထားပါတယ်။ ၂ နိုင်ငံ နယ်ခြားဒေသက ပိုင်ဆိုင်မှုအတွက် အငြင်းပွားနေတဲ့ နယ်မြေမှာ ခိုလှုံနေကြတဲ့ ဒုက္ခသည်တွေကို ထွက်ခွာသွားဖို့ မြန်မာတပ်ဖွဲ့တွေက အသံချဲ့စက်တွေနဲ့ ပြောဆိုခဲ့ကြောင်းလည်း ရိုဟင်ဂျာခေါင်းဆောင် တယောက်က ပြောဆိုခဲ့တာပါ။
နယ်စပ်အနီး စစ်ရေးလှုပ်ရှားမှုတွေဟာ နိုင်ငံတကာ လုပ်ထုံးလုပ်နည်းတွေကို ဖောက်ဖျက်ရာရောက်ကြောင်းလည်း ဘင်္ဂလားဒေ့ရှ် နယ်ခြားစောင့်တပ်က ဗိုလ်မှူးချုပ် Mujibur Rahman ကပြောပါတယ်။ မြန်မာလုံခြုံရေးတပ်ဖွဲ့တွေရဲ့ လှုပ်ရှားမှုတွေနဲ့ ပတ်သက်လို့ တရားဝင်ကန့်ကွက်စာ ပေးပို့ထားပြီး၊ တွေ့ဆုံဆွေးနွေးဖို့ အကြောင်းကြားထားတယ်လို့လည်း ဆိုပါတယ်။
ဘင်္ဂလားဒေ့ရ်ှဘက်က နှုတ်နဲ့ကန့်ကွက်ခဲ့ရာမှာတော့ မြန်မာလုံခြုံရေး တပ်ဖွဲ့တွေက လက်နက်ကြီးတွေကို ပြန်လည်ဖယ်ရှားခဲ့ကြောင်းလည်း ပြောဆိုခဲ့တာပါ။ မြန်မာစစ်တပ် ပြောခွင့်ရသူကတော့ နယ်စပ်ဒေသက စစ်ရေးလှုပ်ရှားမှုတွေနဲ့ ပတ်သက်လို့ အတည်ပြုပြောဆိုဖို့ ငြင်းဆန်ခဲ့သလို၊ ပြည်ထဲရေးဝန်ကြီးဌာနနဲ့ မြန်မာအစိုးရ တာဝန်ရှိသူတွေကလည်း တစုံတရာ ဖြေကြားတာမျိုး မရှိခဲ့ကြောင်း Reuters သတင်းက ဖော်ပြခဲ့တာပါ။
ပြီးခဲ့တဲ့နှစ် သြဂုတ်လနှောင်းပိုင်းမှာ ရခိုင်ပြည်နယ် မြောက်ပိုင်းက လုံခြုံရေးကင်းစခန်းတွေကို စီးနင်းတိုက်ခိုက်ခဲ့တဲ့ ARSA အစွန်းရောက် အုပ်စုကို မြန်မာလုံခြုံရေးတပ်ဖွဲ့တွေ လိုက်လံရှင်းလင်းရာက လူ့အခွင့်အရေး ချိုးဖောက်မှုတွေ ဆိုးဆိုးရွားရွား ကျုးလွန်ခဲ့ကြောင်း၊ ကုလသမဂ္ဂအပါအ၀င် နိုင်ငံတကာနဲ့ လူ့အခွင့်အရေး အဖွဲ့တွေက စွပ်စွဲခဲ့ကြသလို၊ အိမ်နီးချင်း ဘင်္ဂလားဒေ့ရ်ှနိုင်ငံကို ထွက်ပြေးခဲ့တဲ့ ရိုဟင်ဂျာ ဒုက္ခသည် ၆ သိန်းခွဲကျော် ရှိခဲ့ကြောင်းလည်း ကုလသမဂ္ဂက ခန့်မှန်းထားပါတယ်။
ဗွီအိုအေ (မြန်မာပိုင်း)
https://burmese.voanews.com
နယ်စပ် မြန်မာတပ်တိုးမြှင့်ချမှု ဘင်္ဂလားဒေ့ရ်ှကန့်ကွက်
Reviewed by THITHTOOLWIN
on
21:50
Rating:
Reviewed by THITHTOOLWIN
on
21:50
Rating:
