ကြွက်မှကူးစက်သည့် လက်စ်ဆာအဖျားရောဂါ ဖြစ်ပွားမှုကြောင့် နိုင်ဂျီးရီးယားတွင် လူ ၁၁ဝ သေဆုံး


လာဂို့စ် မတ် ၉

နိုင်ဂျီးရီးယားနိုင်ငံတွင်ကြွက်မှ ကူးစက်သည့် ဗိုင်းရပ်စ်ပိုးကြောင့် ဖြစ်ပွားသည့် လက်စ်ဆာအဖျား ရောဂါရုတ်တရက်ဖြစ်ပွားမှုကြောင့် သေဆုံးသူအရေအတွက် ၁၁ဝ ထက်မနည်းသေဆုံးခဲ့ရပြီးလူပေါင်း ၃၅၃ ဦးသည် ရောဂါကူးစက်ခံစား နေရကြောင်း နိုင်ဂျီးရီးယားရောဂါ ထိန်းချုပ်ရေးဌာန(NCDC) ၏ ပြောကြားချက်အရ သိရသည်။

 နောက်ထပ် ၇၆၆ ဦးသည် ရောဂါ ကူးစက်ခံနေရဖွယ်ရှိပြီး ၄င်းတို့နှင့် ဆက်နွှယ်သူ ၃၁၂၆ ဦးလည်း စောင့်ကြည့်စစ်ဆေးနေလျက်ရှိ ကြောင်း သိရသည်။ အစောပိုင်း တွင် လူ ၇၈ဦးထက်မနည်းသေဆုံး သည်ဟု(NCDC)က ထုတ်ပြန်ခဲ့ ပြီး ပြည်နယ်ငါးခုတွင် လက်စ်ဆာ အဖျားရောဂါခံစားနေရသူ ၃၅ ဦး ထပ်မံသေဆုံးခဲ့သည်ဟုသိရသည်။

လက်စ်ဆာအဖျားရောဂါသည် ကြွက်မှတစ်ဆင့် ဗိုင်းရပ်စ်ပိုးကူး စက်မှုကြောင့်ခန္ဓာကိုယ်တွင်းသွေး လွန်မှုဖြစ်စေသည့် ပြင်းထန်သော အဖျားရောဂါတစ်မျိုးဖြစ်ကာ၁၉၆၉ ခုနှစ်တွင် စတင်တွေ့ရှိခဲ့ခြင်းဖြစ်ပြီး အနောက်အာဖရိကနိုင်ငံများတွင် အထူးသဖြင့် နိုင်ဂျီးရီးယားတွင် အများဆုံးဖြစ်ပွားခဲ့ခြင်းဖြစ်ကြောင်း သိရသည်။

 လက်စ်ဆာအဖျား ရောဂါသည်အတန်အသင့်နှင့်အပြင်း အထန်ဖြစ်ပွားနိုင်ပြီး ပြင်းထန်ပါ က သွားဖုံး၊မျက်လုံးနှင့်နှာခေါင်း တို့မှ သွေးယိုစိမ့်မှုများဖြစ်ပေါ်နိုင် သည်ဟုသိရသည်။

 ၄င်းအဖျား ရောဂါသည် ဗိုင်းရပ်စ်ပိုးရှိနေသည့် ကြွက်များဖြင့် ထိတွေ့ထားသည့် အစားအစာ သို့မဟုတ် ပစ္စည်းများ ကိုကိုင်တွယ်မိခြင်းအားဖြင့် လည်း ကောင်း၊ ဗိုင်းရပ်စ်ပိုးကူးစက်ခံ ထားရသည့်လူတစ်ဦး၏ခန္ဓာကိုယ် မှထွက်ရှိသည့် အရည်တစ်မျိုးမျိုး ကိုထိတွေ့မိမှုကြောင့်လည်းကောင်း ကူးစက်ပျံ့နှံ့နိုင်သည်ဟုသိရသည်။ ယင်းအဖျား ရောဂါအတွက် ယခု အချိန်ထိ ကာကွယ်ဆေးမရှိသေး ကြောင်းလည်း သိရသည်။

နောင်နောင်
Ref: CNN
The Union Daily
https://www.facebook.com/uniondaily.net

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ