မြန်မာအလုပ်သမား ၃ ဦး ရိုက်နှက်ခံရ

ထိုင်းနိုင်ငံတောင်ပိုင်း ကဗီမြို့ သစ်စက်အလုပ်ရုံက မြန်မာအလုပ်သမားတွေကို တွေ့ရစဉ်။ Photo: Ye Min - facebook
ထိုင်းနိုင်ငံတောင်ပိုင်း Kabi ကဗီမြို့က သစ်စက်ရုံမှာ အလုပ်လုပ်နေတဲ့ မြန်မာအလုပ်သမား ၃ ယောက် အရိုက်ခံ ရပြီး တစ်ယောက်ကို ဆေးရုံတင်ထားရတာကြောင့် အဲဒီစက်ရုံက အလုပ်သမား အယောက် ၃၀ ကျော်က အလုပ်မဆင်းဘဲ ဒီနေ့ တောင်းဆိုနေကြပါတယ်။

အလုပ်သမားတွေရဲ့ လုံခြုံရေးကို ကာကွယ်ပေးဖို့အတွက် လုပ်ငန်းခွင်မ၀င်ဘဲ တောင်းဆိုနေကြတယ်လို့ အဲဒီစက်ရုံက အလုပ်သမားခေါင်းဆောင်တစ်ဦးဖြစ်တဲ့ ကိုကျော်ဆန်းဌေးက ပြောပါတယ်။

"အဲဒီကိစ္စနဲ့ပတ်သက်ပြီး ကျနော်တို့က အလုပ်လည်း မဆင်းရဲဘူးပေါ့။ ဒီလိုကိစ္စ ဘယ်လိုဖြေရှင်းပေးမလဲပေါ့။ ဒီလိုဖြစ်တာ တစ်ကြိမ် နှစ်ကြိမ်လည်း မဟုတ်တော့ဘူး၊ သုံးကြိမ်မြောက်ဖြစ်သွားပြီဆိုတော့။ သူကတော့ ကတိကတော့ အထပ်ထပ်ပေးတယ်။ မဖြစ်စေရဘူးပေါ့။ မဖြစ်စေရဘူးလို့ တာဝန်ယူကတိပေးသော်ငြားလည်းပဲ ဒီလိုမျိုးဖြစ်ဖြစ်နေတာဆိုတော့ ခင်ဗျားတို့ရဲ့ ကတိတွေအပေါ်မှာ ကျနော်တို့ မယုံရဲဘူးပေါ့။ ကျနော်တို့အတွက်ကို ရန်ရှာလာရင် ဘယ်လိုလုပ်မလဲ။ ကျနော်တို့အတွက် အသက်အာမခံချက်ကလည်း ခင်ဗျားတို့က ကောင်းကောင်း မပေးနိုင်ဘူးဆိုတော့ ကျနော်တို့မှာလည်း အဆင်မပြေဘူးပေါ့။ ကျနော်တို့မှာလည်း အဲဒီကိစ္စလေးတွေနဲ့ အရင်းခံပြီး ပြောနေတာပါ"

အဲဒီစက်ရုံက မြန်မာအလုပ်သမားတချို့ကို ထိုင်းအလုပ်သမားတချို့က ကိုယ်ထိလက်ရောက် ရိုက်နှက်တာတွေ အရင်ကလည်း ၂ ကြိမ်လောက်ဖြစ်ခဲ့ဖူးတာကြောင့် အဲဒီထိုင်းအလုပ်သမားတွေကို အလုပ်ထုတ်ပေးဖို့ အလုပ်ရှင်ကို တောင်းဆိုခဲ့တယ်လို့ ပြောပါတယ်။

အဲဒီလို တောင်းဆိုတာတွေရှိခဲ့ပြီး ပြီးခဲ့တဲ့ မတ်လ ၆ ရက်နေ့က ဘဏ်မှာ လစာငွေသွားထုတ်ရင်း မြန်မာအလုပ် သမား သုံးဦး အရိုက်ခံရတာဖြစ်ကြောင်းနဲ့ ဘယ်သူတွေက ရိုက်ခဲ့တယ်ဆိုတာကိုတော့ အတိအကျ မသိရသေး ဘူးလို့ ကိုကျော်ဆန်းဌေးက ပြောပါတယ်။

အဲဒီသစ်စက်ရုံမှာ မြန်မာအလုပ်သမား ခြောက်ရာလောက်ရှိပြီး ထိုင်းအလုပ်သမား ၁၅၀ ခန့်ရှိပါတယ်။

ဒီကိစ္စနဲ့ပတ်သက်ပြီး အဲဒီသစ်စက်အလုပ်ရုံကို ပို့ပေးတဲ့ အလုပ်သမားပို့ဆောင်ရေးကုမ္ပဏီက ကြားဝင်ညှိနှိုင်းပေးဖို့ စောင့်ဆိုင်းနေတယ်လို့ မြန်မာအလုပ်သမားတွေက ပြောပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ