ဒဏ်ရာများဖြင့် အမည်မသိ အမျိုးသားတစ်ဦး အလောင်းအား ကားလမ်းဘေးတွင် စွန့်ပစ်သွား။ ။ ဓါတ်ပုံ - Yin Htoo Maw |
ဧရာဝတီတိုင်းဒေသကြီး၊ ပုသိမ်ခရိုင်၊ ကျောင်းကုန်းမြို့နယ်၊ ဇရပ်ကွင်းအုပ်စု၊ ဆူးပဒေါင်းကွင်းရွာအနီးတွင် ဒဏ်ရာများဖြင့် အမျိုးသားတစ်ဦး၏ အလောင်းအား မတ်လ ၁၈ ရက်နေ့ နံနက် ၈း၁၅ နာရီအချိန်ခန့်က ကားလမ်းဘေးတွင် တွေ့ရှိခဲ့ကြောင်း သိရသည်။
အမှုမှာ ဒုရဲမှူးမြင့်အောင်သည် ရဲစခန်းတွင် တာဝန်ထမ်းဆောင်နေစဉ် ဇရပ်ကွင်းအုပ်ချုပ်ရေးမှူးမှ ဖုန်းဖြင့် ရန်ကုန်-ပုသိမ်ကားလမ်းဘေး၊ ဆူးပ ဒေါင်းကွင်း ရွာအနီးတွင် ဒဏ်ရာများဖြင့် သေဆုံးနေသည့် အမျိုးသားတစ်ဦး၏ အလောင်းအား တွေ့ရှိကြောင်း အကြောင်းကြားသဖြင့် အခင်းဖြစ်နေရာသို့ ချက်ချင်းသွားရောက်စစ်ဆေးခဲ့ပါသည်။
မိုင်တိုင်အမှတ် ၆၆/၀ နှင့် ၆၆/၁ ကြား၊ ရန်ကုန်ဘက်မှ ပုသိမ်ဘက်သို့သွားသည့် ကားလမ်းယာဘက်ခြမ်း လမ်းဘေးချောက်ထဲ၌ အသက်(၃၅)နှစ်ခန့်ရှိ အမျိုးသားတစ်ဦးသည် လည်ပင်းဝဲဘက် (၁)လက်မခန့် ထိုးသွင်း ဒဏ်ရာတစ်ချက်၊ လည်ပင်းယာဘက် (၅)လက်မခန့် ပြတ်ရှဒဏ်ရာ တစ်ချက် တို့ဖြင့် သေဆုံးနေကြောင်း စစ်ဆေးတွေ့ရှိရသည်။
သေဆုံးမှုနှင့် ပတ်သက်၍ စုံစမ်းဖော်ထုတ်ပေးနိုင်ပါရန် ရဲလုပ်ထုံး လုပ်နည်းနဲ့အညီ ဆောင်ရွက်ထားကာ ကျောင်းကုန်းမြို့မရဲစခန်း၌ (ပ)၆၈/၂၀၁၈၊ (အမှုကြီးအမှတ်စဉ် ၃/၂၀၁၈)ဖြင့် အမှုဖွင့် ဆောင်ရွက်ထားရှိကြောင်းနှင့် သိရှိသူများ ကျောင်းကုန်းရဲစခန်း နယ်ထိန်း ဖုန်း-၀၉၅၄၁၃၉၆၇ သို့ အကြောင်းကြားပေးပါရန် နှိုးဆော်ထားကြောင်း မြို့မရဲစခန်းမှ သိရသည်။
ဝင်းကြိုင်(ပြန်/ဆက်)
Myanmaalinn
https://www.facebook.com/MYANMAALINNNEWS/
ရန်ကုန်-ပုသိမ် ကားလမ်းဘေးတွင် ဒဏ်ရာများဖြင် သေဆုံးနေသော အမျိုးသားအလောင်း တွေ့ရှိ
Reviewed by THITHTOOLWIN
on
07:10
Rating: