ပါကစ္စတန်မှာ Valentine's Day ဆင်နွှဲခွင့် ပိတ်ပင်

Islamabad မြို့မှာ ချစ်သူများနေ့ မြင်ကွင်း (၂၀၁၆)
ချစ်သူများနေ့လို့ မြန်မာနိုင်ငံမှာခေါ်ကြတဲ့ Valentine’s Day ဟာ အစ္စလာမ်ဘာသာနဲ့ မကိုက်ညီဘူးဆိုပြီး ပါကစ္စတန် တရားရုံး တခုကနေ ၂နှစ်မြောက်ဆက်တိုက်အဖြစ် ဒီနှစ်မှာလည်း ဆုံးဖြတ်လိုက်တာကြောင့် ဗယ်လင်တိုင်းဒေး အထိမ်းအမှတ်ပွဲတွေ၊ သတင်းမီဒီယာတွေမှာ ဖော်ပြတာတွေကို ပါကစ္စတန်အာဏာပိုင်တွေက ပိတ်ပင်လိုက်ပါတယ်။

ဒီနေ့နဲ့ပတ်သက်ပြီး ကြော်ငြာတာ ဒါမှမဟုတ် ကုန်ပစ္စည်းရောင်းချတာတွေ မလုပ်ရဘူးလို့ တရားရုံးက ဆုံးဖြတ် ကန့်သတ်လိုက် တာပါ။

တရားရုံးရဲ့ဆုံးဖြတ်ချက်နဲ့အညီ လိုက်နာလုပ်ဆောင်ကြဖို့အတွက် ပါကစ္စတန် အီလက်ထရောနစ်မီဒီယာ စည်းကမ်းထိန်းသိမ်းရေး အာဏာပိုင်အဖွဲ့ PEMRA က လိုင်စင်ချထားပေးတဲ့ ရုပ်သံနဲ့ ရေဒီယိုဌာနတွေကို ပြီးခဲ့တဲ့သီတင်းပတ်မှာ ညွှန်ကြားချက်တွေ ပေးပို့ခဲ့ပါတယ်။

ဗယ်လင်တိုင်းဒေးဟာ လူ့အဖွဲ့အစည်းမှာ ကိုယ်ကျင့်သိက္ခာမဲ့မှု၊ ဖော်ချွတ်မှုနဲ့ မဖွယ်မရာလုပ်မှုတွေ ပြန့်နှံ့စေတယ်လို့ ၂၀၁၇ ခုနှစ်၊ ဖေဖော်ဝါရီလ ၁၃ ရက်နေ့မှာ အစ္စလာမ်မာဘတ် တရားရုံးချုပ်က ဆုံးဖြတ်ခဲ့တာပါ။ အဲဒီဆုံးဖြတ်ချက်အရ အစ္စလာမ်မာဘတ် မြို့တော်က အများပြည်သူနဲ့ဆိုင်တဲ့ နေရာတွေနဲ့ အစိုးရရုံးဌာနတွေမှာ ဗယ်လင်တိုင်းဒေး ဆင်နွှဲတာကို ပိတ်ပင်ခဲ့ပါတယ်။

ဒါပေမဲ့ ဒီဆုံးဖြတ်ချက်ကို သဘောမတူသူတွေကတော့ လူ့အဖွဲ့အစည်းနဲ့ နိုင်ငံအတွက် တကယ့်ကိုအရေးပါတဲ့ ကိစ္စတွေအပေါ် ဆုံးဖြတ်ချက်တွေ ချမှတ်ရမယ့်အစား အရေးမပါတဲ့ကိစ္စရပ်တွေကို အာရုံစိုက်နေတယ်လို့ ဝေဖန်ပြောဆိုကြပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ