ဖလော်ရီဒါပစ်ခတ်မှုနဲ့ပတ်သက်ပြီး သမ္မတ ထရမ့် နိုင်ငံကို မိန့်ခွန်းပြော။ |
ဖလော်ရီဒါပြည်နယ် Broward County က Marjory Stoneman Douglas အထက်တန်းကျောင်းမှာ အသက် ၁၉ နှစ်အရွယ် ကျောင်းသားဟောင်းရဲ့ အားပြင်း ရိုင်ဖယ်သေနတ်နဲ့ ပစ်ခတ်မှုကနေ လူပေါင်း ၁၇ ဦး အနည်းဆုံး သေဆုံးခဲ့ရပြီး နောက်တရက်မှာပဲ သမ္မတ Trump က ဝမ်းနည်းကြေကွဲစွာနဲ့ အမေရိကန်ပြည်သူတွေကို ပြောကြားခဲ့တာပါ။ သူဟာ သေဆုံးဒဏ်ရာရသူတွေရဲ့ မိသားစုဝင်တွေနဲ့ ဒေသအရာရှိတွေကို တွေ့ဆုံဖို့ အခင်းဖြစ်ပွါးရာ Parkland မြို့ကို မကြာခင် သွားရောက်မှာ ဖြစ်ကြောင်းလည်း ကြေညာခဲ့ပါတယ်။
နိုင်ငံတော်ကို ပြောကြားတဲ့ မိန့်ခွန်းထဲမှာ အမေရိကန် ကလေးငယ်တွေကို တိုက်ရိုက်ရည်ညွန်းပြီး သူတို့ တကယ်လို့ အကူညီလိုအပ်နေရင် ဆရာတွေ၊ မိသားစုဝင်တွေ၊ ဒေသရဲအရာရှိတွေ ဒါမှမဟုတ် ဘာသာရေးခေါင်းဆောင်တွေ ဆီကိုသွားရောက် အကူညီတောင်းဖို့ ပြောကြားခဲ့တာပါ။
လူသားအချင်းချင်း အဓိပ္ပါယ်ရှိရှိ၊ နက်နက်ရှိုင်းရှိုင်း ဆက်သွယ်ပြီး၊ အတန်းဖေါ်သူငယ်ချင်း အဖြစ်ကနေ အိမ်နီးချင်းတွေ မိတ်ဆွေ အပေါင်းသင်းတွေ ဖြစ်လာစေနိုင်မယ့် ဘဝသိက္ခာစောင့်ထိန်းတဲ့ ယဉ်ကျေးမှု အပြောင်းအလဲ တွေရအောင် အမေရိကန်နိုင်ငံသားတွေ လက်တွဲဆောင်ရွက်ဖို့လည်း သမ္မတ Trump က ပန်ကြားလိုက်ပါတယ်။
ဗွီအိုအေ (မြန်မာပိုင်း)
https://burmese.voanews.com
သေနတ်ပစ်လို့ လူသေတဲ့ကိစ္စ သမ္မတ Trump က စိတ်ဝေဒနာ ကာကွယ်ရေးပြောကြား
Reviewed by THITHTOOLWIN
on
08:45
Rating: