အောင်လအန်ဆန် Light Heavyweight ကမ္ဘာ့ချန်ပီယံ ရွှေခါးပတ်ဗိုလ်လုပွဲ အကောင်းဆုံးပြင်ဆင်

မစ်ဒယ်ဝိတ်တန်း ကမ္ဘာ့ချန်ပီယံအောင်လအန်ဆန်
လာမယ့် ဖေဖေါ်ဝါရီလ ၂၃ ရက်နေ့ ရန်ကုန်မှာ ကျင်းပမယ့်လိုက်ဟဲဗီးဝိတ်တန်း ကမ္ဘာ့ချန်ပီယံ ( Light Heavyweight World Championship) စိန်ခေါ်ယှဉ်ပြိုင်ပွဲမှာ ပြိုင်ဘက်ကို အနိုင်ထိုးပြီး ရွှေခါးပတ်ချန်ပီယံဆုကိုဆွတ်ခူးနိုင်အောင် ကြိုးပမ်းသွားမယ့်အကြောင်း မစ်ဒယ်ဝိတ်တန်း ကမ္ဘာ့ချန်ပီယံဖြစ်တဲ့ အောင်လအန်ဆန်က ပြောကြားလိုက်ပါတယ်။မနေ့ အင်္ဂါနေ့က ရန်ကုန်မှာ ပြိုင်ဘက်ဖြစ်သူ ဘရာဇီးနိုင်ငံက ဟဲဗီးဝိတ်တန်း ချန်ပီယံ Alexandre Machado နဲ့ ပူးတွဲပြုလုပ်တဲ့ သတင်းစာရှင်းလင်းပွဲအတွင်း သူက အဲဒီလိုပြောဆိုလိုက်တာပါ။

အောင်လအန်ဆန်ယှဉ်ပြိုင်ထိုးသတ်မယ့် လက်ဝှေ့ပွဲကို မြန်မာနိုင်ငံက ပရိသတ်တွေသာမက အမေရိကန်ပြည်ထောင်စုက မြန်မာတိုင်းရင်းသားတွေကပါ အားပေးဖို့ အသင့်ပြင်နေကြတဲ့အကြောင်း မအင်ကြင်းနိုင်က ဆက်ပြီးတင်ပြမှာပါ။

One Championship ရွှေခါးပတ်လုပွဲ ( ONE: Quest For Gold ) လို့လည်း အမည်ပေးထားတဲ့ သူတို့နှစ်ဦး ယှဉ်ပြိုင်ထိုးသတ်ပွဲကို လာမယ့် သောကြာနေ့ ရန်ကုန်မြို့ သုဝဏ္ဏမိုးလုံလေလုံ အားကစားခန်းမမှာ ကျင်းပမှာပါ။ လက်ရှိ ချန်ပီယံ Roger Gracie အနားယူခဲ့ပြီးနောက် လစ်လပ်နေတဲ့ ချန်ပီယံဆုအတွက် သူတို့နှစ်ဦး ယှဉ်ပြိုင်ထိုးသတ်ကြမှာဖြစ်ပါတယ်။

ဒီပွဲအကြို မနေ့က ပြုလုပ်တဲ့ ကမ္ဘာ့ ချန်ပီယံ နှစ်ဦး ပူးတွဲ သတင်းစာရှင်းလင်းပွဲမှာ အောင်လအန်ဆန်က နောက်ထပ် ကမ္ဘာ့ချန်ပီယံ ဖြစ်အောင် ကြိုးစားပြီး ယှဉ်ပြိုင် သွားမယ့်အကြောင်း အခုလို ပြောပါတယ်။

“ကမ္ဘာ့မစ်ဒယ်ဝိတ်ချန်ပီယံရအောင် ကျွန်တော်ရည်မှန်းချက်ထားခဲ့ပါတယ်။ အဲ့ဒီ့ဆုကိုရရှိတဲ့အချိန်မှာ ကျွန်တေ်ာ့ပရိတ်သတ်တွေအားလုံးအားပေးတဲ့အတွက် ရရှိတာလို့ကျွန်တော်ယုံကြည်ပါတယ်။ အဲ့ဒီ့ပန်းတိုင်ရောက်ပြီးတော့ နောက်တစ်ခုကဘာလဲဆိုရင် ကျွန်တော်ရဲ့ဝိတ်တန်းအပေါ်က လိုက်ဟဲဘီးဝိတ်ချန်ပီယံ ခါးပတ်ကိုရအောင်ကြိုးစားတာဖြစ်ပါတယ်။”

သတင်းစာရှင်းလင်းပွဲမှာ ပြိုင်ဘက် Alexandre Machado ကလည်း အခုပြုလုပ်မယ့် ပွဲဟာ သူ့ဘ၀အတွက် အကြီးမားဆုံးစိန်ခေါ်ပွဲတခုဖြစ်တယ်လို့ ပြောသွားပါတယ်။

အင်ကြင်းနိုင်  / ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ