ဖလော်ရီဒါပစ်ခတ်မှုကိစ္စ FBI ကို သမ္မတ အပြစ်တင်

ပြီးခဲ့တဲ့ သီတင်းပတ်က ဖလော်ရီဒါ အထက်တန်းကျောင်းမှာ အသက် ၁၉ နှစ် အရွယ် အမျိုးသားက လူစုလူဝေးတွင်း ပစ်ခတ်မှု မတိုင်ခင် အချက်ပြခဲ့တာတွေကို သတိမထားခဲ့မိတဲ့ အတွက် နိုင်ငံရဲ့ ထိပ်တန်း တရားဥပဒေ စိုးမိုးရေး ဌာနကို သမ္မတ Donald Trump က ဝေဖန်လိုက်ပါတယ်။

ဖလော်ရီဒါ အထက်တန်းကျောင်းကို ၀င်ရောက် ပစ်ခတ်ခဲ့သူက ကြိုတင် အချက်ပြမှုတွေကို ပြည်ထောင်စု စုံစမ်းစစ်ဆေးရေး ဗျူရို FBI ဘက်က သတိမထားနိုင်ခဲ့တာဟာဆိုရင် သိပ်ကို ၀မ်းနည်းဖို့ ကောင်းကြောင်း၊ လက်သင့်ခံနိုင်စရာ မရှိကြောင်း မနေ့ စနေနေ့ ညနေခင်းမှာ သမ္မတ Trump က တွစ်တာ လူမှုကွန်ယက်မှာ ရေးသားခဲ့တာပါ။

ပူးပေါင်းကြံစည်မှု မရှိခဲ့တဲ့ Trump ရွေးကောက်ပွဲ မဲဆွယ်စည်းရုံးရေး အဖွဲ့နဲ့ ရုရှားကြား ပေါင်းကြံမှုတွေကို ဖော်ထုတ်နိုင်ဖို့ အချိန်ကုန်ခံ ကြိုးပမ်းနေကြောင်း၊ တကယ့်လုပ်ရမယ့် အလုပ်တွေကို ပြန်လုပ်ပြီး အားလုံး ဂုဏ်ယူရအောင် လုပ်ပါလို့ သမ္မတ Trump က ရေးသားခဲ့တာပါ။ လူ ၁၇ ယောက် သေဆုံးခဲ့ရတဲ့ Marjory Stoneman Douglas အထက်တန်းကျောင်းမှာ သေနတ်သမား ၀င်ရောက် ပစ်ခတ်မှု မတိုင်ခင် သတင်းပေးချက်ကို အရေးယူ ဆောင်ရွက်မှု မရှိခဲ့တဲ့ အကြောင်း FBI က ပြီးခဲ့တဲ့ သောကြာနေ့က ၀န်ခံထားတာပါ။

သေနတ်သမား Nikolas Cruz နဲ့ နီးစပ်သူ ဆွေမျိုး တဦးက ဒီဆယ်ကျော်သက်ဟာ လူတွေကို သတ်ဖို့ စိတ်ကူးနေတဲ့ အကြောင်းနဲ့ တခြား စိတ်အနှောင့်အယှက် ဖြစ်စရာ တခြား အချက်အလက်တွေကို ဇန်န၀ါရီလ ၅ ရက်နေ့က သတင်းပေးခဲ့ကြောင်း FBI က ပြောဆိုထားပါတယ်။ လူအများအပြားကို သတ်ဖြတ်နိုင်ခြေ ရှိသူ အဖြစ် သတိပေးချက်တွေကို တရားရေးဌာနနဲ့ FBI တို့ အနေနဲ့ ဘယ်လို တုံ့ပြန်သလဲ ဆိုတာကို ချက်ချင်း ပြန်လည်သုံးသပ်ဖို့ ရှေ့နေချုပ် Jeff Sessions ကလည်း ညွှန်ကြားထားပါတယ်။

Broward ခရိုင် ထောင်မှာ အာမခံ မပေးဘဲ ဖမ်းခံထားရတဲ့ Cruz ကတော့ AR-15 ရိုင်ဖယ်နဲ့ ပစ်ခတ်ခဲ့တယ်ဆိုတာကို ၀န်ခံထားကြောင်း ရဲရုံးက ပြောဆိုထားပါတယ်။ စည်းကမ်းဖောက်မှုနဲ့ ပြီးခဲ့တဲ့နှစ်က ကျောင်းထုတ်ခံထားရတဲ့ Cruz ကတော့ ကြိုတင်ကြံစည် သတ်ဖြတ်မှု စွဲချက် ၁၇ ခုနဲ့ ရင်ဆိုင်နေရပါတယ်။

ဗွီအိုအေ (မြန်မာပိုင်း)
https://burmese.voanews.com