တရားမ၀င် မြေချပါမစ်တွေ ထုတ်ပေးနေကြောင်း တိုင်း လွှတ်တော် ကိုယ်စားလှယ်ပြော

အရှေ့ဒဂုံမြို့နယ် လွှတ်တော် ကိုယ်စားလှယ် ဦးကျော်ကျော်မောင်နဲ့ လျှပ်စစ်စက်မှုလက်မှုနဲ့ လမ်းပန်းဆက်သွယ်ရေး ဝန်ကြီး ဒေါ်နီလာကျော်တို့ကို ၂၀၁၈ ခုနှစ်၊ ဖေဖော်ဝါရီလ ၉ ရက်နေ့ ရန်ကုန်တိုင်း လွှတ်တော် အစည်းအဝေးမှာ တွေ့ရစဉ်။ Photo: Yangon Hluttaw's facebook
မြို့ပြနဲ့ အိမ်ရာ ဖွံ့ဖြိုးရေး ဦးစီးဌာနရဲ့ အောက်ခြေ ဝန်ထမ်းတွေဟာ တရားမဝင် မြေချပါမစ်တွေ ထုတ်ပေးနေတဲ့ အတွက် ပါမစ်ရတဲ့သူတွေဟာ လူမိုက်တွေ ငှားပြီး ပါမစ်ကျထားတဲ့မြေကွက်မှာ ကျူးကျော်နေထိုင်သူတွေကို မောင်းထုတ်တာတွေ ရှိနေတယ်လို့ ရန်ကုန်တိုင်းဒေသကြီး လွှတ်တော် ကိုယ်စားလှယ် ဦးကျော်ကျော်မောင် က ဒီနေ့ ပြောပါတယ်။

အောက်ခြေ ၀န်ထမ်းတွေက ထုတ်ပေးနေတာကို အစိုးရသိအောင် တိုင်းလွှတ်တော်မှာ မေးခွန်းမေးမြန်းခဲ့တယ်လို့ ရန်ကုန်တိုင်းဒေသကြီး အရှေ့ဒဂုံမြို့နယ် တိုင်းဒေသကြီး လွှတ်တော် ကိုယ်စားလှယ် ဦးကျော်ကျော်မောင်က ပြောပါတယ်။

"လောဘသားတစ်ချို့တွေက လူမိုက်တွေခေါ်လာတာ လူမိုက်တွေခေါ်လာပြီး ဖျက်မလား မဖျက်ဘူးလား လုပ်သွားပြီးတော့ အဲလိုမျိုးတွေရှိတယ်။ ကိုယ်တို့ရပ်ကွက် ကိုယ်တို့နောက်လမ်းမှာဘဲ ဖြစ်သွားတာ။ ကိုယ် လွှတ်တော်ကို မပြောလိုက်ပါဘူး။ အောက်ခြေက ဖြစ်နေတာကွ သိတဲ့အတိုင်း ဝန်ကြီးတွေက မသိဘူး။ အောက်ခြေမှာ လုပ်တာ ဝန်ထမ်းကလုပ်တာ။ ဘယ်အစိုးရတက်တက် ဝန်ထမ်းက ဖျက်ဆီးနေတာ။ ၀န်ကြီးတွေ က မသိဘူး။ သူတို့ တင်ပြတာကိုပဲ သဘောပေါက်နေတာ။ အောက်ခြေမှာဖြစ်တာ သူတို့ သဘော မပေါက်ဘူး။ အဲဒါကြောင့်မို့ ဒီမေးခွန်းကို မေးဖြစ်တာပါ"

တရားမဝင် မြေချပါမစ်တွေ ထုတ်ပေးတာတွေနဲ့ ပတ်သက်ပြီး ရန်ကုန်တိုင်းဒေသကြီး လွှတ်တော်မှာ မေးခွန်း မေးမြန်းရာ တိုင်းအစိုးရ အဖွဲ့ကိုယ်စား လျှပ်စစ်စက်မှုလက်မှုနဲ့ လမ်းပန်းဆက်သွယ်ရေး ဝန်ကြီး ဒေါ်နီလာကျော်က အောက်ခြေ၀န်ထမ်းတွေကို စိစစ်အရေးယူသွားမယ်လို့ ဖြေကြားခဲ့တာ ဖြစ်ပါတယ်။

ရန်ကုန်တိုင်း အစိုးရအဖွဲ့အနေနဲ့ တရားမဝင် မြေချပါမစ်တွေ ထုတ်ပေးနေတာတွေကို စုံစမ်းစစ်ဆေးတဲ့ နေရာမှာ အောက်ခြေက ဝန်ထမ်းတွေ တင်ပြတာကိုပဲ နားထောင်မနေဘဲ မြေပြင်အထိ ကွင်းဆင်းလေ့လာသင့်ကြောင်း ဦးကျော်ကျော်မောင် က ပြောပါတယ်။

မြေချပါမစ် ထုတ်ပေးတာတွေကို မြို့ပြနဲ့ အိမ်ရာ ဖွံ့ဖြိုးရေး ဦးစီးဌာန အနေနဲ့ ၂၀၁၂ ခုနှစ်ကတည်းက လုပ်ပိုင်ခွင့် မရှိတော့ဘဲ ရန်ကုန်မြို့တော် စည်ပင်သာယာရေး ကော်မတီကို လွှဲပြောင်းပေးပြီး ဖြစ်ပေမယ့် လက်ရှိအချိန်အထိ မြို့ပြနဲ့ အိမ်ရာ ဖွံ့ဖြိုးရေး ဦးစီးဌာနက ထုတ်ပေးတာတွေ ရှိနေတာ ဖြစ်ပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ