မြောက်ဦးဖြစ်စဉ်မှာ ပါဝင်ခဲ့သူ ၁၃ ဦးကို တရားစွဲတင်

မြောက်ဦးမြို့နယ် တရားရုံးကို မြင်ရစဉ်/ Photo: Min Thein Aung/RFA
ရခိုင်ပြည်နယ် မြောက်ဦးမြို့မှာ ပြီးခဲ့တဲ့ဇန်နဝါရီလ ၁၆ ရက်နေ့ညက ဆန္ဒပြသူတွေကို ရဲတပ်ဖွဲ့က သေနတ်နဲ့ ပစ်ခတ်ဖြိုခွင်းမှုကြောင့် ဒဏ်ရာရရှိခဲ့သူ ၁၃ ဦးကို အစိုးရက ပြည်သူပိုင်ပစ္စည်း ကာကွယ်စောင့်ရှောက်ရေးဥပဒေ နဲ့ မြောက်ဦးမြို့နယ် တရားရုံးမှာ ဒီနေ့ တရားစွဲတင်လိုက်ပါတယ်။

တရားစွဲတင်ခံရသူ ၁၃ဦးထဲမှာ ၈ ဦးက စစ်တွေအကျဉ်းထောင်မှာ ဖမ်းဆီးထိန်းသိမ်းခံထားရတာဖြစ်တဲ့အတွက် တရားရုံးကို လာရောက်နိုင်ခြင်းမရှိခဲ့ဘူးလို့ အမှုကိုလိုက်ပါဆောင်ရွက်နေတဲ့ တရား လွှတ်တော်ရှေ့နေ ဒေါ်အေးနုစိန် က ပြောပါတယ်။

ဒီနေ့ တရားစွဲတင်လိုက်တဲ့ ၁၃ ဦးထဲက ၅ ဦးဟာ အခင်းဖြစ်ပြီးနောက် မြောက်ဦးဆေးရုံမှာ ဆေးကုသမှု ခံယူခဲ့တာဖြစ်ပြီး တရားခံပြေးအဖြစ် သတ်မှတ်ခံထားရတယ်လို့ သိရပါတယ်။

မြောက်ဦးဖြစ်စဉ်ကြောင့် စစ်တွေဆေးရုံကြီးမှာ ဆေးကုသခံယူနေရသူ ၈ ဦးကို အစိုးရက ပြည်သူပိုင်ပစ္စည်း ကာကွယ်စောင့်ရှောက်ရေးဥပဒေနဲ့ မြောက်ဦးမြို့မရဲစခန်းမှာ အမှုဖွင့်ပြီး ဇန်နဝါရီလ ၂၃ ရက်နေ့မှာ ဖမ်းဆီးခဲ့တာပါ။

ဆေးရုံကနေတစ်ဆင့် ဖေဖော်ဝါရီလ ၂ ရက်နေ့မှာ စစ်တွေအကျဉ်းထောင်ကို ပို့ဆောင်ခံခဲ့ရတာ ဖြစ်ပါတယ်။

ဖမ်းဆီးထိန်းသိမ်းခံနေရတဲ့ လူနာမိသားစုတွေဘက်က ရခိုင်အမျိုးသားပါတီ ဗဟိုဌာနချုပ်ကို လာရောက် အကူအညီတောင်းခံခဲ့တာကြောင့် အဲဒီအမှုကို ပါတီကဖွဲ့စည်းထားတဲ့ ဥပဒေအထောက်အကူပြု ကော်မတီက လိုက်ပါဆောင်ရွက်နေတယ်လို့လည်း တရားလွှတ်တော်ရှေ့နေ ဒေါ်အေးနုစိန်က ပြောပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ