မြောက်ဦးမြို့နယ် တရားရုံးကို မြင်ရစဉ်/ Photo: Min Thein Aung/RFA |
တရားစွဲတင်ခံရသူ ၁၃ဦးထဲမှာ ၈ ဦးက စစ်တွေအကျဉ်းထောင်မှာ ဖမ်းဆီးထိန်းသိမ်းခံထားရတာဖြစ်တဲ့အတွက် တရားရုံးကို လာရောက်နိုင်ခြင်းမရှိခဲ့ဘူးလို့ အမှုကိုလိုက်ပါဆောင်ရွက်နေတဲ့ တရား လွှတ်တော်ရှေ့နေ ဒေါ်အေးနုစိန် က ပြောပါတယ်။
ဒီနေ့ တရားစွဲတင်လိုက်တဲ့ ၁၃ ဦးထဲက ၅ ဦးဟာ အခင်းဖြစ်ပြီးနောက် မြောက်ဦးဆေးရုံမှာ ဆေးကုသမှု ခံယူခဲ့တာဖြစ်ပြီး တရားခံပြေးအဖြစ် သတ်မှတ်ခံထားရတယ်လို့ သိရပါတယ်။
မြောက်ဦးဖြစ်စဉ်ကြောင့် စစ်တွေဆေးရုံကြီးမှာ ဆေးကုသခံယူနေရသူ ၈ ဦးကို အစိုးရက ပြည်သူပိုင်ပစ္စည်း ကာကွယ်စောင့်ရှောက်ရေးဥပဒေနဲ့ မြောက်ဦးမြို့မရဲစခန်းမှာ အမှုဖွင့်ပြီး ဇန်နဝါရီလ ၂၃ ရက်နေ့မှာ ဖမ်းဆီးခဲ့တာပါ။
ဆေးရုံကနေတစ်ဆင့် ဖေဖော်ဝါရီလ ၂ ရက်နေ့မှာ စစ်တွေအကျဉ်းထောင်ကို ပို့ဆောင်ခံခဲ့ရတာ ဖြစ်ပါတယ်။
ဖမ်းဆီးထိန်းသိမ်းခံနေရတဲ့ လူနာမိသားစုတွေဘက်က ရခိုင်အမျိုးသားပါတီ ဗဟိုဌာနချုပ်ကို လာရောက် အကူအညီတောင်းခံခဲ့တာကြောင့် အဲဒီအမှုကို ပါတီကဖွဲ့စည်းထားတဲ့ ဥပဒေအထောက်အကူပြု ကော်မတီက လိုက်ပါဆောင်ရွက်နေတယ်လို့လည်း တရားလွှတ်တော်ရှေ့နေ ဒေါ်အေးနုစိန်က ပြောပါတယ်။
RFA Burmese
https://www.rfa.org/burmese
မြောက်ဦးဖြစ်စဉ်မှာ ပါဝင်ခဲ့သူ ၁၃ ဦးကို တရားစွဲတင်
Reviewed by THITHTOOLWIN
on
19:09
Rating: