လူဦးရေ(၃၅၀၀)ခန့်ဖြင့် မြန်မာနိုင်ငံမြေပုံအား ပုံဖော်၍ ကမ္ဘာ့ဂင်းနစ်စံချိန်တင်နိုင်ရန် ကြိုးပမ်းမှုပြုလုပ်


မကွေး ၁၂ ဖေဖော်ဝါရီ

(၇၁)နှစ်မြောက် ပြည်ထောင်စုနေ့တွင် ကျောင်းသား၊ ကျောင်းသူများ၊ ဒေသခံများအပါအဝင် လူဦးရေ (၃၅၀၀)ခန့်ဖြင့် မြန်မာနိုင်ငံ မြေပုံအားပုံဖော်၍ ကမ္ဘာ့ဂင်းနစ်စံချိန်တင်နိုင်ရန် ကြိုးပမ်းမှုတစ်ရပ် ပြုလုပ်ခြင်းကို မကွေးတိုင်းဒေသကြီး မကွေးမြို့ ခရိုင်အားကစားကွင်း၌ ဖေဖော်ဝါရီ ၁၂ရက် (ပြည်ထောင်စုနေ့) မနက်ပိုင်းတွင် Telenor Myanmar က ဦးဆောင်ပြုလုပ်ခဲ့ကြောင်း သိရှိရသည်။

မကွေးခရိုင် အားကစားကွင်းအတွင်းတွင် အလျား (၂၃၄)ပေ၊ အနံ (၁၀၆)ပေ(စတုရန်းပေ ၂၄၈၀၄) အတွင်း လူအင်အား ၃၅၀၀ ဖြင့် မြန်မာနိုင်ငံ မြေပုံသဏ္ဌာန် ပုံဖော်ကာ (၆)မိနစ် ငြိမ်သက်၍ နိုင်ငံတော်သီချင်းနှင့်အတူ ပုံဖော်ခြင်းအား နှစ်ကြိမ် ဆောင်ရွက်ခြင်း ပြုလုပ်ခဲ့သည်။

Telenor Myanmar Ltd ၏ External Communication ဖြစ်သူ မန်နေဂျာ ရွှေယင်းမာဦးက
"မကွေးမြို့မှာ လုပ်ရတဲ့ အကြောင်းအချက်တွေ အများကြီးရှိတဲ့အထဲက အဓိကကတော့ နိုင်ငံရဲ့ လွတ်လပ်ရေး ဗိသုကာကြီး ဗိုလ်ချုပ်အောင်ဆန်း မွေးရပ်မြေ နတ်မောက်မြို့၏ တိုင်းမြို့ကြီး ဖြစ်တာကြောင့် မကွေးမြို့ကို ရွေးချယ်လုပ်ရတာဖြစ်ပြီး ပြည်ထောင်စုနေ့ အထိမ်းအမှတ်အနေနဲ့ လုပ်တာလည်း ဖြစ်ပါတယ်"ဟု ပြောကြားခဲ့သည်။


မကွေးမြို့တွင် ပြုလုပ်သော ကမ္ဘာ့ဂင်းနစ်စံချိန်တင်ပွဲသို့ မကွေးတိုင်းဒေသကြီးဝန်ကြီးချုပ် ဒေါက်တာ အောင်မိုးညို၊ သယံဇာတ၊ လျှပ်စစ်နှင့်စွမ်းအင်ဝန်ကြီးဌာန ဝန်ကြီး ဦးမြင့်ဇော်၊ လူမှုရေးဝန်ကြီး ဒေါက်တာ ခင်မောင်အေးနှင့် Telenor Myanmar Ltd မှ တာဝန်ရှိသူများက ဖဲကြိုးဖြတ် ဖွင့်လှစ်ပေးခဲ့သည်။

"ဒီကနေ့ပြည်ထောင်စုနေ့ဟာ မြန်မာနိုင်ငံရဲ့နေ့ထူးနေ့မြတ်ဖြစ်ပြီး အဲဒီနေ့ရက်မှာ လူဦးရေအများအပြားနဲ့ မြန်မာနိုင်ငံမြေပုံသဏ္ဌာန်ပုံဖော်ပြီး ဂင်းနစ်ကမ္ဘာ့စံချိန်သစ်တစ်ခုကို တယ်လီနောမြန်မာက ဦးဆောင်ပြီး မြန်မာနိုင်ငံအတွက် သမိုင်းမှတ်တမ်းဝင်အောင် ဆောင်ရွက်ကြတဲ့ ဆောင်ရွက်မှုဖြစ်ပါတယ်။ နိုင်ငံအတွင်း မှီတင်းနေထိုင်ကြတဲ့ တိုင်းရင်းသားအားလုံး စုစည်းခိုင်မာမှုအနေနဲ့ ဖော်ကျူးတဲ့ လုပ်ဆောင်ချက်တစ်ခုကို မကွေးတိုင်းဒေသကြီးမှာ လက်ခံဆောင်ရွက်နိုင်တဲ့အတွက် ဝမ်းမြောက်ရပါတယ်။ မကွေးတိုင်းဒေသကြီးကို ကမ္ဘာ့အလယ်မှာ ပိုမိုထင်ရှားလာစေမှာဖြစ်တယ်လို့လည်း ယုံကြည်ပါတယ်" ဟု
မကွေးတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာ အောင်မိုးညိုက ပြောကြားသည်။


၂၀၁၆ခုနှစ် စက်တင်ဘာလတွင် ကမ္ဘာ့ ဂင်းနစ် စံချိန်ကို အာဖရိကတိုက် မြေပုံအား လူဦးရေ (၈၁၁) ဦးဖြင့် ပုံဖော်၍ နောက်ဆုံးတင်ထားခဲ့ခြင်းဖြစ်ပြီး ယင်းစံချိန်အား ချိုးနိုင်ရန်အတွက် မကွေးတိုင်းဒေသကြီး မကွေးမြို့တွင် မြန်မာနိုင်ငံမြေပုံကို လူဦးရေ(၃၅၀၀)ခန့်ဖြင့် ပုံဖော်နိုင်ခဲ့ခြင်းဖြစ်သည်ဟု ဦးစီးဆောင်ရွက်နေသော တာဝန်ရှိသူတစ်ဦးထံမှ သိရသည်။

မြန်မာနိုင်ငံအတွက် သမိုင်းမှတ်တမ်းဝင်အောင် ဆောင်ရွက် ကျင်းပသည့် ပွဲသို့
မကွေးတိုင်းဒေသကြီးလွှတ်တော် ဥက္ကဋ္ဌ၊ တိုင်းဒေသကြီးအစိုးရအဖွဲ့ဝန်ကြီးများ၊ တိုင်း လွှတ်တော်ကိုယ်စားလှယ်များ၊ တိုင်းအဆင့်ဌာနဆိုင်ရာတာဝန်ရှိသူများ တက်ရောက်ပြီး မြန်မာနိုင်ငံမြေပုံကို ပုံဖော်နိုင်ရန်အတွက် မကွေးမြို့ရှိ တက္ကသိုလ်များနှင့် ကျောင်းအသီးသီးများမှ ကျောင်းသူ၊ ကျောင်းသားများ၊ မကွေးမြို့ပေါ်မှ ဒေသခံများအပြင် ကျေးလက်ဒေသများမှ ဒေသခံများ၊ အခြားစိတ်ပါဝင်စားသူများနှင့် Telenor Myanmar မှ ဝန်ထမ်းများ ပါဝင်ခဲ့ကြသည်ဟု သိရသည်။

ဟံသာလင်း
Myanmar Digital News
https://www.facebook.com/MyanmarDigitalNews
လူဦးရေ(၃၅၀၀)ခန့်ဖြင့် မြန်မာနိုင်ငံမြေပုံအား ပုံဖော်၍ ကမ္ဘာ့ဂင်းနစ်စံချိန်တင်နိုင်ရန် ကြိုးပမ်းမှုပြုလုပ် လူဦးရေ(၃၅၀၀)ခန့်ဖြင့် မြန်မာနိုင်ငံမြေပုံအား ပုံဖော်၍ ကမ္ဘာ့ဂင်းနစ်စံချိန်တင်နိုင်ရန် ကြိုးပမ်းမှုပြုလုပ် Reviewed by THITHTOOLWIN on 20:03 Rating: 5
Powered by Blogger.