ဒေါက်တာ အေးမောင် ကို စစ်တွေမြို့နယ် တရားရုံးမှာ ၂၀၁၈ ခုနှစ် ဖေဖော်ဝါရီလ ၂၁ ရက်နေ့က ရုံးထုတ်ခဲ့စဉ်/ Photo: Min Thein Aung/ RFA |
တရားရုံးက ဟောပြောချက်အခွေကို ဖွင့်ပြသင့်၊ မသင့်ဆိုတာကို အမိန့်တစ်ရပ် ချမှတ်ဖို့ ဆုံးဖြတ်ခဲ့တယ်လို့ ကိုဝေဟင်အောင်ဘက်က အမှုကို လိုက်ပါဆောင်ရွက်နေတဲ့ တရားလွှတ်တော် ရှေ့နေ ဒေါ်အေးနုစိန်က ပြောပါတယ်။
ဒေါက်တာ အေးမောင်နဲ့ ကိုဝေဟင်အောင် တို့ကို စစ်တွေမြို့နယ် တရားရုံးမှာ စွဲဆိုထားတဲ့ မတရားအသင်း ဆက်သွယ်မှုပုဒ်မအတွက် တရားလိုဖြစ်တဲ့ ရသေ့တောင်မြို့မ ရဲစခန်းမှူး ဒုရဲမှူး ကျော်နုကို ဒီနေ့ ပထမဆုံး စတင် စစ်ဆေးခဲ့တာဖြစ်ပါတယ်။
ဒေါက်တာ အေးမောင်နဲ့ ကိုဝေဟင်အောင် တို့ကို မတရားအသင်း ဆက်သွယ်မှု၊ နိုင်ငံတော် အကြည်ညိုပျက်စေမှု၊ နိုင်ငံတော် ပုန်ကန်မှု စတဲ့ပုဒ်မ ၃ ခုနဲ့ စစ်တွေမြို့နယ် တရားရုံးနဲ့ စစ်တွေခရိုင် တရားရုံးတွေမှာ တရားစွဲဆို ထားတာပါ။
ရသေ့တောင်မြို့မှာ ပြီးခဲ့တဲ့ ဇန်နဝါရီလက ပြုလုပ်ခဲ့တဲ့ ရခိုင့် အချုပ်အခြာအာဏာကျဆုံးတဲ့ အောက်မေ့ဖွယ် ဟောပြောပွဲမှာ ပြောဆိုခဲ့တာတွေနဲ့ ပတ်သက်ပြီး အခုလို ဖမ်းဆီးတရားစွဲဆိုခံနေရတာလည်းဖြစ်ပါတယ်။
အဲဒီဟောပြောပွဲမှာ ဟောပြောခဲ့တဲ့ နောက်ထပ် ဦးဘသန်း (ခေါ်) စာရေးဆရာ နီဘုန်းသွန်း ဝေကိုလည်း နိုင်ငံတော် အကြည်ညိုပျက်စေမှုနဲ့ နိုင်ငံတော်ပုန်ကန်မှု စတဲ့ပုဒ်မတွေနဲ့ စစ်တွေခရိုင်နဲ့ စစ်တွေမြို့နယ် တရားရုံးတွေမှာ တရားစွဲဆိုထားပြီး ဖမ်းဆီးရမိတာ မရှိသေးတဲ့အတွက် တရားရုံးကနေ ဒီနေ့ ဖမ်းဝရမ်း အတည်ပြုလိုက်တယ်လို့ သိရပါတယ်။
အမှုကိုလာမယ့် မတ်လ ၇ ရက်နေ့ကို ထပ်မံချိန်းဆိုလိုက်ပါတယ်။
RFA Burmese
https://www.rfa.org/burmese
ဒေါက်တာအေးမောင် နဲ့ ကိုဝေဟင်အောင်ကို ရုံးထုတ်
Reviewed by THITHTOOLWIN
on
19:43
Rating: