တိုက်ပွဲတွေကြောင့် ကွတ်ခိုင်ဒေသခံ ၁၅၀ကျော် ထွက်ပြေး

ကွတ်ခိုင်မြို့ နယ်က တိုက်ပွဲကြောင့် ထွက်ပြေးလာကြတဲ့ စစ်ဘေးဒုက္ခသည်တွေကို တွေ့ရစဉ်/Photo: Kan Thar/RFA
ရှမ်းပြည်နယ် နမ္မတူနဲ့ ကွတ်ခိုင်မြို့နယ်အစပ်မှာ အစိုးရတပ်မတော်နဲ့ တအာင်းလွတ်မြောက်ရေး တပ်မတော်တို့ တိုက်ပွဲဖြစ်နေတာကြောင့် ကွတ်ခိုင်မြို့နယ်က ဒေသခံ ၁၅၀ ကျော်ဟာ ဒီနေ့ မနက်ပိုင်းမှာ သိန်းနီမြို့နယ် က ကောင်းအိုင်ကျေးရွာအုပ်စုကို ထွက်ပြေးတိမ်းရှောင်လာကြပါတယ်။

စစ်ဘေးတိမ်းရှောင်လာသူတွေအနေနဲ့ ကောင်းအိုင်ကျေးရွာအုပ်စုက ဘုန်းကြီးကျောင်းမှာ ခိုလှုံနေကြတယ်လို့ သိန်းနီမြို့နယ် ပြည်နယ်လွှတ်တော်ကိုယ်စားလှယ် ဒေါ်နန်းခင်ထားရီ က ပြောပါတယ်။

"ကောင်းအိုင်ကျေးရွာမှာပဲ ဘုန်းကြီးကျောင်းမှာနေနေတယ်။ ရွာသားတွေကလည်း သူတို့ကို ပြုစုထား တာပေါ့နော်။ ခုတော့ ကျမတို့မြို့နယ်ကလည်း ဆန်တွေစားနပ်ရိက္ခာတွေ ပို့ပေးတယ်။ ကျောင်းက ကလေးတွေလည်း အဖြူအစိမ်းလေးတွေနဲ့ပဲလာတော့ အဝတ်တစ်ထည် ကိုယ်တခုဆိုတော့ ရွာကပဲ အဝတ်အထည်တွေပေးကြတယ်။ အဲလိုပဲ အချင်းချင်းကြည့်ရှုနေတာပေါ့နော်။"

နမ္မတူနဲ့ ကွတ်ခိုင်မြို့နယ် အစပ်က ဖာဖိုင်နဲ့ဆိုင်းခေါင် ရွာနှစ်ရွာက ဒေသခံတွေ ထွက်ပြေးတိမ်းရှောင်လာ တာ ဖြစ်တယ်လို့ ဒေါ်နန်းခင်ထားရီ က ပြောပါတယ်။

အစိုးရတပ်မတော်ဟာ တအာင်းတပ်မတော်ရဲ့ တပ်ရင်း ၅၇၁ ကို လိုက်လံထိုးစစ်ဆင်နေပြီး ကွတ်ခိုင်မြို့နယ် ဖာဖိုင်ကျေးရွာနဲ့ ငေါ့ငါးကျေးရွာကြားမှာ တိုက်ပွဲ တွေဖြစ်ပွားနေသလို အစိုးရတပ်မတော်ဘက်က ရဟတ်ယာဉ်နဲ့ ပစ်ခတ်မှုတွေရှိတယ်လို့ တအာင်းလွတ်မြောက်ရေးတပ်မတော်က သတင်းထုတ်ပြန်ထားပါတယ်။ တပ်မတော် ဘက်ကတော့ တအာင်းတပ်မတော်နဲ့ တိုက်ပွဲဖြစ်ပွားတဲ့အခြေအနေကို သတင်းထုတ်ပြန်ခြင်းမရှိသေးပါဘူး။

ရှမ်းပြည်နယ်အတွင်းက နမ့်ခမ်း၊ နမ္မတူ၊ ကျောက်မဲ၊ နမ့်ဆန်နဲ့ ကွတ်ခိုင်မြို့နယ်တွေမှာ တအာင်းလွတ်မြောက်ရေး တပ်မတော်ဟာ အစိုးရတပ်မတော်နဲ့ တိုက်ပွဲတွေဖြစ်ပွားတာရှိသလို ရှမ်းပြည်ပြန်လည်ထူထောင်ရေးကောင်စီ RCSS နဲ့လည်း တိုက်ပွဲတွေ ဖြစ်ပွားနေတာ ဖြစ်ပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ