ထွက်ပြေးလာသူတွေကို ကူညီနိုင်ရေးအတွက် ဆောင်ရွက်နေတယ်လို့ သိန္နီမြို့နယ် အုပ်ချုပ်ရေးမှူး ဦးမြင့်ဦးက ပြောပါတယ်။
မနေ့က နေ့လည်တစ်နာရီမှာ ကောင်းကော်အုပ်စု ဟိုမွန်းရွာနားမှာ တပ်မတော်နဲ့  မြောက်ပိုင်းမဟာမိတ်အဖွဲ့တွေ မိနစ်နှစ်ဆယ်လောက် တိုက်ပွဲဖြစ်ပြီး ဒီမနက် ဆယ့်တစ်နာရီလောက်မှာ လည်းတိုက်ပွဲဆက်ဖြစ်တာကြောင့် ဒေသခံတွေဟာ ကားလမ်းမဘက်ကို ထွက်ပြေးလာကြတာလို့  သိန္နီမြို့နယ်အမှတ်၂ မဲဆန္ဒနယ်က SNLD ပါတီ လွှတ်တော်ကိုယ်စားလှယ် ဦးစိုင်းစိန်လူက ပြောပါတယ်။
ထွက်ပြေးလာသူတွေဟာ လီဆူတိုင်းရင်းသားတွေဖြစ်ပြီး အမျိုးသား ၇၅ ယောက်နဲ့ အမျိုးသမီး ၇၁ ယောက် ပါဝင်တယ်လို့ ဆိုပါတယ်။
ဒါ့အပြင် ကျေးရွာမှာ ကျန်နေသူ အနည်းငယ်ရှိနေပြီး ဒီနေ့ညနေမှာရောက်မလာရင် မနက်ဖြန်မနက်မှာ ကျေးရွာဘက်ကို သွားရောက်ကြည့်ရှုဖို့ ပြင်ဆင်ထားတယ်လို့ ဦးစိုင်းစိန်လူက ပြောပါတယ်။
ထွက်ပြေးလာသူတွေကို နေရာထိုင်ခင်းနဲ့ စားသောက်စရာတွေ စီစဉ်ပေးထားပြီး စောင်နဲ့ စားစရာတွေကတော့ လိုအပ်နေသေးတယ်လို့လည်း ဦးစိုင်းစိန်လူက ပြောပါတယ်။
ရှမ်းပြည်နယ်မြောက်ပိုင်း ကွတ်ခိုင်မြို့နယ်အတွင်းမှာ အခုလ ၇ ရက်နေ့က တပ်မတော်နဲ့ TNLA တပ်တွေ တိုက်ပွဲကြောင့် ကွတ်ခိုင်မြို့နယ် ကြိမ်းမွန်ကျေးရွာအုပ်စု ဒါခိုင်းရွာက ဒေသခံ ၁၅၀ ကျော်ဟာ သိန္နီမြို့နယ် ကောင်းအိုင်ဘုန်တော်ကြီးကျောင်းကို ထွက်ပြေးတိမ်းရှာင်ခဲ့ရပါသေးတယ်။
RFA Burmese
https://www.rfa.org/burmese
တပ်နဲ့ မြောက်ပိုင်းမဟာမိတ်တိုက်ပွဲကြောင့် သိန္နီဒေသခံ ၁၀၀ ကျော် နေရပ်စွန့်ခွာထွက်ပြေး
Reviewed by THITHTOOLWIN
on
21:01
Rating: