အုပ်ချုပ်ရေးမှူးဟောင်း အသတ်ခံရမှုနဲ့ တိမ်ညိုဒေသခံ ၄ ယောက် ဖမ်းဆီးခံထားရ

အသတ်ခံရတဲ့ မြောက်ဦးမြို့နယ် အုပ်ချုပ်ရေးမှူးဟောင်း ဦးဘိုဘိုမင်းသိုက် ကို တွေ့ရစဉ်/ Photo: Mrauk-U Youths Association-MUYA
မြောက်ဦးမြို့နယ် အုပ်ချုပ်ရေးမှူးဟောင်း ဦးဘိုဘိုမင်းသိုက် အသတ်ခံရမှုနဲ့ ပတ်သက်ပြီး အဲဒီ မြို့နယ်ထဲမှာရှိ တဲ့ တိမ်ညိုရွာက ဒေသခံ ၄ ယောက်ကို ရဲတပ်ဖွဲ့က ဖမ်းဆီးထားတယ်လို့ ဒေသခံ ပြည်နယ်လွှတ်တော် ကိုယ်စားလှယ် ဦးထွန်းသာစိန်က ဒီနေ့ ပြောပါတယ်။

ဖမ်းဆီးထားသူ ၄ ယောက်ထဲက ၃ ယောက်ကို မတရားအသင်းဆက်သွယ်မှုနဲ့ အမှုဖွင့်ထားတယ်လို့  ဦးထွန်းသာစိန်က ပြောပါတယ်။

"လက်ရှိမှာတော့ ၇ ယောက် ဖမ်းထားတဲ့အထဲမှာ အခုက အချုပ်ထဲမှာတော့ ၄ ယောက်ပဲ ကျန်ပါတော့တယ်။ အဲဒီ ကျန်တဲ့သူတွေကတော့ တိမ်ညိုကပဲ။ အကုန်လုံး တိမ်ညိုကပဲ။ တစ်ယောက်ကတော့ ဦးအေးကျော်ထွန်းလို့ ခေါ်ပါတယ်။ နောက်တစ်ယောက်ကတော့ ဦးမောင်ဝင်းလှိုင်၊ နောက်တစ်ယောက်ကတော့ ဦးကျော်မြင့်၊ ကျန်တဲ့တစ်ယောက်ကတော့ မချိုချိုဦး ဖြစ်ပါတယ်။ သူတို့ကိုတော့ ကျနော်ကတော့ မချိုချိုဦးတော့ မသိဘူးပေါ့နော်။ ကျန်တဲ့ ဦးအေးကျော်ထွန်းတို့၊ ဦးကျော်မြင့်တို့ ဦးမောင်ဝင်းလှိုင်တို့ကိုတော့ ၁၇/၁၊ ၁၇/၂ တို့နဲ့ စွဲထားတယ်လို့ ကြားပါတယ်"

ဖမ်းဆီးထားသူတွေကို မြောက်ဦးမြို့မ ရဲစခန်းအချုပ်မှာ ဖမ်းဆီးထားတယ်လို့ သိရပါတယ်။

ဒီကိစ္စနဲ့ပတ်သက်ပြီး မြောက်ဦးမြို့နယ် ရဲတပ်ဖွဲ့မှူးကို RFA က အတည်ပြုမေးမြန်းနိုင်ဖို့ ကြိုးပမ်းခဲ့ပေမယ့် ဆက်သွယ်လို့ မရခဲ့ပါဘူး။

ဦးဘိုဘိုမင်းသိုက်ဟာ ပြီးခဲ့တဲ့လကုန်ပိုင်းက ရခိုင်ပြည်နယ် မြောက်ဦးမြို့ကနေ စစ်တွေမြို့ကို သွားရောက်ရာ လမ်းမှာရှိတဲ့ ပုဏ္ဏားကျွန်းမြို့နယ်၊ သရက်ချိုရွာနားမှာ အသတ်ခံခဲ့ရတာဖြစ်ပါတယ်။

သူနဲ့အတူ ကားပေါ်မှာ လိုက်ပါလာသူ ၃ ယောက်ရှိတယ်လို့ သတင်းတွေ ထွက်ပေါ်နေပါတယ်။

ဒါပေမဲ့ လက်ရှိဖမ်းဆီးထားသူတွေကတော့ ဦးဘိုဘိုမင်းသိုက် သေဆုံးချိန်မှာ ကားပေါ်မှာ အတူပါလာသူတွေ မဟုတ်ဘူးလို့ လွှတ်တော်ကိုယ်စားလှယ် ဦးထွန်းသာစိန်က ပြောပါတယ်။

ဦးဘိုဘိုမင်းသိုက် သေဆုံးမှုနဲ့ပတ်သက်ပြီး တိမ်ညိုကျေးရွာ အုပ်ချုပ်ရေးမှူးဟောင်း အပါအ၀င် ၄ ယောက်ကို ရန်ကုန်မြို့မှာ ဖမ်းဆီးပြီး စစ်ဆေးနေပါတယ်။

ပြည်ထဲရေး ၀န်ကြီးဌာနကတော့ မြောက်ဦးမြို့နယ် အုပ်ချုပ်ရေးမှူးဟောင်း အသတ်ခံရတာဟာ ရက္ခိုင့်တပ်မတော် (AA) ရဲ့ လက်ချက်ဖြစ်တယ်လို့ ပြောပေမယ့် AA ကတော့ အဲဒီကိစ္စကို ငြင်းဆိုထားပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ