ကိုကာကိုလာ အမှတ်တံဆိပ်ကို တွေ့ရစဉ်/ Photo: Cocacola Facebook |
အလုပ်သမားတွေကို ကြိုတင်အကြောင်းမကြားဘဲ နစ်နာကြေးတစ်လစာပေးပြီး ထုတ်လိုက်တာကြောင့် ၀န်ထမ်းတွေက မကျေမနပ်ဖြစ်နေကြတယ်လို့ အလုပ်သမားအရေးဆောင်ရွက်နေတဲ့ မှော်ဘီမြို့နယ် အမျိုးသားဒီမိုကရေစီအဖွဲ့ချုပ် ရပ်ကျေးတာဝန်ခံ ဒေါ်မီးမီးဦး က ပြောပါတယ်။
"ဘာကြောင့်ထုတ်တယ်ဆိုတာ သူတို့က ကုမ္ပဏီဖျက်သိမ်းတယ်ဆိုပြီး ပြောပြီးထုတ်တာ အဲဒါကလည်း အလုပ်သမားတွေကို ကြိုတင်ပြီး ပြောဆိုချင်းမရှိဘဲနဲ့ အခုလိုစာထွက်ပြီး ထုတ်တယ်လုပ်တော့ အလုပ် သမားတွေကလည်း မကျေနပ်ကြဘူးပေါ့ တစ်လစာပေးပြီး ထုတ်မယ်လို့ပြောတယ်၊ အခုတစ်လ စာပေးပြီး ထုတ်ပြီးသွားပြီပေါ့ အလုပ်သမားတွေက မကျေနပ်ကြဘူး"
စက်ရုံကို ဖျက်သိမ်းလိုက်တာကြောင့် အလုပ်ကနေ ထုတ်လိုက်တာလို့ အလုပ်သမားတွေက သိရှိထားပြီး ကိုကာကိုလာအချိုရည်စက်ရုံ တာဝန်ရှိသူတွေကို RFA က ဆက်သွယ်ရာမှာ စက်ရုံကို ဖျက်သိမ်းလိုက်တာမဟုတ်ဘဲ ကုန်ပစ္စည်းပို့ဆောင်တဲ့ လုပ်ငန်းစဉ်ကိုဘဲ ဖျက်သိမ်းလိုက်တာလို့ စာနဲ့အကြောင်းပြန်ပါတယ်။
ဒါ့အပြင် ကုမ္ပဏီဘက်က ကုန်ပစ္စည်းပို့ဆောင်ရေးလုပ်ငန်းစဉ်ကို ပြောင်းလဲတာဝန်ပေးလိုက်တဲ့ ကုမ္ပဏီမှာ အလုပ်ထုတ်ခံရတဲ့ ဝန်ထမ်းတွေကို အလုပ်ခန့်အပ်နိုင်ဖို့ ညှိနှိုင်းနေသလို အခြားကုမ္ပဏီတွေမှာလည်း အလုပ်ရရှိနိုင်အောင် စီစဉ်နေတယ်လို့ အကြောင်းပြန်စာမှာ ပါရှိပါတယ်။
အလုပ်ပြန်လည်ရရှိရေးအတွက် ညှိနှိုင်းလို့ အဆင်မပြေခဲ့ရင် အလုပ်ထုတ်ခံရတဲ့ အလုပ်သမားတွေကို ပြည်တွင်း အလုပ်သမားဥပဒေအတိုင်း လုပ်သက်အလိုက် နစ်နာကြေးပေးမယ်လို့လည်း ကိုကာကိုလာကုမ္ပဏီဘက်က RFA ထံ ပြန်လည်ပေးပို့တဲ့စာမှာ ပါရှိပါတယ်။
အလုပ်သမားတွေဘက်က အလုပ်စ၀င်စဉ်အခါက စာချုပ်တွေ ချုပ်ဆိုထားတာကြောင့် အလုပ်သမားဝန်ကြီးဌာနထံ ဥပဒေအတိုင်း တိုင်ကြားသွားမယ်လို့ ပြောပါတယ်။
ကိုကာကိုလာ ကုမ္ပဏီဟာ မြန်မာနိုင်ငံမှာ ဒေါ်လာနှစ်သန်းကျော်ရင်းနှီးမြုပ်နှံထားပြီး ၀န်ထမ်းဦးရေ ၁၅၀၀ ကျော်ရှိတယ်လို့ သိရပါတယ်။
RFA Burmese
https://www.rfa.org/burmese
ကိုကာကိုလာစက်ရုံ အလုပ်သမား ၂၀၀ ခန့်ကို အလုပ်ထုတ်ပယ်
Reviewed by THITHTOOLWIN
on
20:05
Rating: