ရခိုင်ပြည်နယ် စစ်တွေမြို့၌ လက်လုပ်ဗုံး ၃ လုံး တချိန်တည်း ပေါက်ကွဲပြီး ၂ ဦးဒဏ်ရာရ


နေပြည်တော် ဖေဖော်ဝါရီ ၂၄ ရက်

ရခိုင်ပြည်နယ် စစ်တွေမြို့၌ ယနေ့နံနက် စောစောပိုင်းက လက်လုပ်ဗုံး ၃ လုံး မတူညီတဲ့ နေရာ သုံးနေရာတွင် တစ်ချိန်တည်း ပေါက်ကွဲခဲ့ပြီး မပေါက်ကွဲသေးသည့် လက်လုပ်ဗုံး ၃ လုံး ကို မတူညီသည့်နေရာ ၂ နေရာမှ ရှာဖွေတွေ့ရှိ ခဲ့ကြောင်း သိရသည်။

ယနေ့ နံနက် ၄ နာရီခန့်က စစ်တွေမြို့ ပြည်တော်သာရပ်ကွက်ရှိ ပြည်နယ်တရားရုံးရှေ့ လျှပ်စစ်ထရန် စဖော်မာ အနီးတွင် လက်လုပ်ဗုံးတစ်လုံးပေါက်ကွဲခဲ့ပြီး ထရန်စဖော်မာအား ထိမှန်ခဲ့ကာ အပျက်အစီး အနည်းငယ် ရှိခဲ့ကြောင်း သိရသည်။

အလားတူ ယင်းအချိန်ခန့်တွင် ပြည်နယ်အုပ်ချုပ်ရေးမှုး၏နေအိမ် အနောက်ဘက် ခြံစည်းရိုးတွင် လက်လုပ် ဗုံး တစ်လုံးပေါက်ကွဲခဲ့ရာ လုံခြုံရေးတာဝန်ထမ်းဆောင်နေသော ရဲတပ်သား နန်းတင်နှင့် ပြည်နယ်အုပ်ချုပ်ရေး မှူး၏ ဧည့်သည် ဖြစ်သူ ဒေါက်တာငြိမ်းချမ်းမောင် တို့မှာ ဒဏ်ရာရရှိခဲ့ပြီး စစ်တွေမြို့ဆေးရုံတွင် ဆေးကုသမှု ခံယူနေကြာင်း သိရသည်။

ပြည်နယ်အုပ်ချုပ်ရေးမှုး၏နေအိမ်၌ ပေါက်ကွဲသော လက်လုပ်ဗုံးကြောင့် နေအိမ်ဝင်းအတွင်း ရပ်ထားသော မော်တော်ယာဉ် ၂ စီးနှင့် နေအိမ်ဝင်းအတွင်းရှိ အဆောက်အအုံမှာလည်း ပျက်စီးမှုများရှိခဲ့ကြောင်း သိရသည်။ အဆိုပါ ဗုံးပေါက်ကွဲသည့် နေရာသို့ တာဝန်ရှိသူများနှင့် ရှင်းလင်းရေးအဖွဲ့များက သွားရောက်စစ်ဆေး ရှင်းလင်းခဲ့ရာ ခြံစည်းရိုး၏ အနောက်ဘက် ၁၂ ပေ အကွာတွင် မပေါက်ကွဲသေးသည့် ဗုံးတစ်လုံးကို တွေ့ရှိကြောင်း တာဝန်ရှိသူတစ်ဦးက MDN သို့ အတည်ပြုပြောကြားသည်။

ထို့အတူ နံနက် ၄ နာရီကျော်မှာ ပြည်နယ်မြေစာရင်းရုံး ခြံစည်းရိုးအပြင်၌ ဗုံးတစ်လုံး ထပ်မံပေါက်ကွဲခဲ့ရာ အပျက်အစီး ထိခိုက်မှုကြီးကြီးမားမား မရှိကြောင်း၊ ဗုံးပေါက်ကွဲသည့် နေရာသို့ တာဝန်ရှိသူများနှင့် မိုင်းရှင်းလင်းရေး အဖွဲ့များက သွားရောက်စစ်ဆေး ရှင်းလင်းခဲ့ရာ မြေစာရင်းရုံး ခြံစည်းရိုးအပြင်ဘက်တွင် မပေါက်သေးသည့် ဗုံးနှစ်လုံး ထပ်မံရှာဖွေတွေရှိခဲ့ကြောင်း သိရသည်။

Myanmar Digital News
https://www.facebook.com/MyanmarDigitalNews

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ