မြန်မာရွှေ့ပြောင်းအလုပ်သမား ထိုင်းထီ ပထမဆု ပေါက်

(Credit- Thai PBS News)
ထိုင်းနိုင်ငံမှာအလုပ်လုပ်နေတဲ့ မြန်မာ ရွှေ့ပြောင်းအလုပ်သမား အမျိုးသမီးတဦးဟာ ဖေဖော်ဝါရီလ ၁ ရက်၊ ကြာသပတေးနေ့က ဖွင့်တဲ့ ထိုင်းထီပထမဆု ဘတ် ၆ သန်းကို ပေါက်သွားတယ်လို့ Thai PBS အွန်လိုင်းသတင်းမှာ ရေးထားပါတယ်။

ထိုင်းနိုင်ငံတောင်ပိုင်း၊ ဟတ်ယိုင်မြို့က စက်ရုံတခုမှာအလုပ်လုပ်နေတဲ့ မသီရိရွှေဆိုတဲ့ အသက် ၂၁ နှစ်အရွယ် မြန်မာအလုပ်သမ ဟာ ဟတ်ယိုင်ခရိုင် ရဲစခန်းကို သူ့မိတ်ဆွေတဦးနဲ့အတူသွားပြီး သူထိုးထားတဲ့ ပထမဆု ထီလက်မှတ်နံပါတ် ၀၂၆၈၅၃ ကို တရား ဝင်မှတ်တမ်းတင်ခဲ့ပါတယ်။

ထီဆုငွေ ဘတ် ၆ သန်းကိုထုတ်ပြီးရင် မြန်မာနိုင်ငံကို အားလုံးပို့လိုက်မှာဖြစ်ပြီး သူလည်းပြန်မယ်လို့ ရဲစခန်းမှာ သတင်းမီဒီယာ တွေကိုပြောပါတယ်။

သူဟာ ထိုင်းနိုင်ငံမှာ အလုပ်လုပ်နေတာ ၉ လလောက်ပဲရှိသေးပြီး အခုပေါက်တဲ့ ထီလက်မှတ်ကို စက်ရုံရှေ့လာရောင်းတဲ့ ထီသည်ဆီမှာ ထိုးထားတာဖြစ်ပြီးတော့ ဒါနဲ့မှ စုစုပေါင်း ထီသုံးစောင်ပဲ ထိုးဖူးပါသေးတယ်။

ထီဆုငွေ ထိုင်းဘတ် ၆ သန်းဟာ လက်ရှိငွေလဲနှုန်းနဲ့ဆိုရင် မြန်မာကျပ်ငွေ ၂၅၃ သန်းကျော် ရှိပါတယ်။

ထိုင်းနိုင်ငံမှာ တရားဝင်ရော၊ တရားမဝင်ပါ အလုပ်လုပ်နေတဲ့ မြန်မာရွှေ့ပြောင်းအလုပ်သမား ထောင်ပေါင်းများစွာရှိပြီး ဒီလို ထီပေါက်တဲ့သတင်းမျိုးတွေ အရင်တုန်းကလည်း ရှိဖူးပေမယ့် အလုပ်သမားတယောက်ထဲက ဆုငွေဒီလောက်များများ ပေါက်တဲ့ သတင်းမျိုးကတော့ ရှားရှားပါးပါးဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com
မြန်မာရွှေ့ပြောင်းအလုပ်သမား ထိုင်းထီ ပထမဆု ပေါက် မြန်မာရွှေ့ပြောင်းအလုပ်သမား ထိုင်းထီ ပထမဆု ပေါက် Reviewed by THITHTOOLWIN on 07:48 Rating: 5
Powered by Blogger.