ဗုံးပေါက်ကွဲပြီးနောက် စစ်တွေလုံခြုံရေးနှင့်ပတ်သက်ပြီး စိုးရိမ်မှုမြင့်တက်


စစ်တွေ၊ ဖေဖော်ဝါရီ ၂၄

ရခိုင်ပြည်နယ် စစ်တွေမြို့တွင် ဗုံး ၃ လုံးပေါက်ကွဲမှု ဖြစ်ပွားအပြီး မြို့တွင်း လုံခြုံရေးအပေါ်
အထူး စိုးရိမ်စရာ ဖြစ်နေသည်ဟု ဒေသခံများက နိရဉ္စရာသို့ပြောသည်။

"အခုဆိုရင်တော့ ကျနော်တို့ရဲ့လုံခြုံရေး ၉ဝ ရာနှုန်းအထိ စိုးရိမ်နေရပါတယ်။ ဗုံးက အများကြီးလေ။ တခြားနေရာတွေမှာ မရှိနိုင်ဘူးလို့ မပြောနိုင်ဘူး။ အစိုးရအဆောက်အအုံတွေမှာ၊ ဌာနဆိုင်ရာ အဆောက်အအုံတွေမှာပေါ့။ အခုဆိုရင် ဌာနဆိုင်ရာမှာ Duty ကျနေတဲ့လူတွေတောင် မအိပ်ဝံ့ကြတော့ဘူး " ဟု စစ်တွေမြို့ခံ ကိုပေါက်စက နိရဉ္စရာသို့ ပြောသည်။

စစ်တွေမြို့တွင် ဖေဖော်ဝါရီ ၂၄ ရက်နေ့၊ နံနက် ၄ နာရီ ၁ဝ မိနစ်ခန့်က ပြည်တော်သာရပ်ကွက်ရှိ ရခိုင်ပြည်နယ်အစိုးရအဖွဲ့အတွင်းရေးမှူးနေအိမ်ရှေ့တွင် ၁ လုံး၊ စစ်တွေခရိုင်တရားရုံးနှင့် တရားလွှတ်တော်ရုံးရှေ့ရှိ ထရန်စဖော်မာတွင် ၁ လုံးနှင့် ရခိုင်ပြည်နယ်မြေစာရင်း ဦးစီးဌာန ရုံးရှေ့တွင် ၁ လုံး၊ စုစုပေါင်း ဗုံး ၃ လုံး ပေါက်ကွဲခဲ့သည်။

"ပြောချင်တာကတော့ ထိရောက်တဲ့လုံခြုံရေးစနစ်တိုးမြှင့်ဖို့ရယ်၊ ပြည်သူလူထု ပူပေါင်းပါဝင်မှု၊ သတင်း ပေးမှု၊ အကူအညီတောင်းခံမှုတွေကို အရေးတယူ ဆောင်ရွက်ပေးဖို့  အမှန်တကယ် လိုအပ် ပါတယ်။ အရပ်သားတစ်ယောက်အနေနဲ့ကတော့ မိမိတို့ နေတဓူဝ သွားလာ လှုပ်ရှား နေရတဲ့နေရာမှာ စိုးရိမ်ကြောင့်ကြမှုတွေနဲ့ ကြုံနေရတဲ့အတွက် မလိုလားအပ်တဲ့ ကြန့် ကြာ နှောင့်နှေးမှုကတော့ သေချာပေါက် ကြုံနေရပြီဖြစ်ပါတယ် "ဟု စစ်တွေမြို့ခံ တစ်ဦးဖြစ်သူ ကိုတင်ငြိမ်းဦးကလည်း နိရဉ္စရာသို့ပြောဆိုသည်။

အရပ်သား ၁ ဦးနှင့် လုံခြုံရေးရဲတပ်ဖွဲ့ဝင် ၁ ဦးတို့ ထိခိုက်ဒဏ်ရာရရှိစေခဲ့သည့် စစ်တွေ ဗုံးပေါက်ကွဲမှုအပြီးတွင် မြို့တွင်းနှင့် မြို့ပြင်လုံခြုံရေးကို အထူးတင်းကျပ် ထားရကြောင်းလည်း ရခိုင်ပြည်နယ် ရဲတပ်ဖွဲ့မှူး ရဲမှူးကြီး အောင်မြတ်မိုးက ပြောသည်။

"လက်ရှိမှာတော့ ကျနော်တို့ မြန်မာနိုင်ငံရဲတပ်ဖွဲ့ဝင်များဟာ စစ်တွေမြို့ရဲ့ အရေးကြီးနေရာ အားလုံးကို ပိတ်ဆို့ပြီးတော့မှ လုံခြုံရေးဆောင်ရွက်နေပါတယ်"ဟု ရဲမှူးကြီး အောင်မြတ်မိုးက မီဒီယာများကိုသို့ပြောသည်။

စစ်တွေမြို့တွင် ညနေ ၆ နာရီကျော်လာလျှင် လုံခြုံရေးရဲတပ်ဖွဲ့ဝင်များသည် မြို့တွင်းသို့ ကားဖြင့်လှည့်ကင်းဆောင်ရွက်ခြင်းနှင့် စစ်တွေမြို့အဝင် မီးစက်ခွဆုံအနီးတွင်လည်း ပိတ်ဆို့ ရှာဖွေစစ်ဆေးမှုများပြုလုပ်နေသည့်ကြားမှ ယခုကဲ့သို့ ဗုံးပေါက်ကွဲမှုဖြစ်ပေါ်၍ ဒေသခံများအကြား စိုးရိမ်စိတ်မြင့်တက်နေခြင်းဖြစ်ကြောင်ဖြင့်လည်း သိရှိရသည်။

မာန်ယုကျော် (ရွှေဝမြေ)
Narinjara
https://www.facebook.com/Narinjara
ဗုံးပေါက်ကွဲပြီးနောက် စစ်တွေလုံခြုံရေးနှင့်ပတ်သက်ပြီး စိုးရိမ်မှုမြင့်တက် ဗုံးပေါက်ကွဲပြီးနောက် စစ်တွေလုံခြုံရေးနှင့်ပတ်သက်ပြီး စိုးရိမ်မှုမြင့်တက် Reviewed by THITHTOOLWIN on 15:52 Rating: 5
Powered by Blogger.