အင်ဒိုနီးရှား အိမ်ဖေါ်တဦး သေဆုံးမှု မလေးရှား မောင်နှမနှစ်ဦး အဖမ်းခံရ


မလေးရှားနိုင်ငံကို တရားမဝင်သွားရောက်ပြီး အိမ်ဖော်လုပ်နေတဲ့ အင်ဒိုနီးရှားအမျိုးသမီးတဦး သေဆုံးမှုအတွက် အိမ်ရှင်မောင်နှမနှစ်ယောက်ကို ဖမ်းဆီးလိုက်ပါတယ်လို့ မလေးရှားရဲက ပြောပါတယ်။

အဲဒီ အမျိုးသမီးဟာ မလေးရှားမှာအိမ်ဖော်လုပ်နေတာ ၂ နှစ်ရှိပြီဖြစ်ပါတယ်။

သေဆုံးသူ အက်ဒလီနာဆိုတဲ့ အမျိုးသမီးရဲ့ ဦးခေါင်းနဲ့မျက်နှာတွေဟာ ယောင်ကိုင်းနေပြီးတော့ ခြေထောက်နဲ့ လက်တွေမှာလည်း ဒဏ်ရာအမြောက်အများတွေ့ရတယ်လို့ ရဲမှတ်တမ်းမှာ ရေးသားထားပါတယ်။

အက်ဒလီနာကို ပြီးခဲ့တဲ့တနင်္ဂနွေနေ့က ရွေ့ပြောင်းလုပ်သားများကာကွယ်ရေးအဖွဲ့က ကယ်တင်ခဲ့ပြီးနောက် ဆေးရုံကိုပို့ခဲ့ပါတယ်။ သူဟာ ဆေးရုံရောက်ပြီးနောက်နေ့မှာ သေဆုံးခဲ့တာ ဖြစ်ပါတယ်။

မလေးရှားနိုင်ငံဟာ စိုက်ပျိုးရေး၊ ဆောက်လုပ်ရေး၊ စက်ရုံနဲ့ အိမ်ဖော်လုပ်ငန်းတွေမှာ အသုံးပြုဖို့ တရားဝင်ရော တရားမဝင်လာရောက်လုပ်ကိုင်သူ အင်ဒိုနီးရှားလုပ်သား ၂ သန်းလောက်ကို အားပြုနေရတာဖြစ်ပါတယ်။

မလေးရှားနိုင်ငံဟာ ရွှေ့ပြောင်းလုပ်သားတွေကို ဆွဲဆောင်တဲ့ တိုင်းပြည်တပြည်ဖြစ်ပေမဲ့ အလုပ်သမားတွေရတဲ့လစာငွေဟာ နည်းပါးလှသလို အလုပ်သမားတွေကို ကာကွယ်ပေးတဲ့ ဥပဒေတွေလည်း မရှိပါဘူး။

၂၀၁၄ ခုနှစ်မှာတော့ အိမ်ဖော်အင်ဒိုနီးရှားအမျိုးသမီးကို အသက်သေဆုံးသည်အထိ အစာအငတ်ခံထားခဲ့တဲ့ မလေးရှားဇနီးမောင်နှံ ၂ ဦးကို သေဒဏ်ပေးခဲ့ပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ