နေပြည်တော်မှာ ၂ဝ၁၆ ခုနှစ်ကကျင်းပတဲ့ တပ်မတော်နေ့ကို တက်ရောက်လာတဲ့ စစ်တပ်အရာရှိတချို့ကို တွေ့ရစဉ်/ Photo: RFA |
ဥရောပသမဂ္ဂ ဝန်ကြီးတွေဟာ မြန်မာစစ်ဗိုလ်ချုပ်တွေကို ကန့်သတ်ပိတ်ဆို့ရေးဆောင်ရွက်ဖို့ ဥရောပသမဂ္ဂရဲ့ နိုင်ငံတကာနဲ့ လုံခြုံရေးဆိုင်ရာ အဆင့်မြင့်ကိုယ်စားလှယ် ဖက်ဒရီကာ- မိုဂေရီနီကို တောင်းဆိုသွားမယ်လို့ ဆိုပါတယ်။ ဥရောပသမဂ္ဂရဲ့ အရေးယူမှုဟာ အမေရိကန်နဲ့ ကနေဒါတို့က မြန်မာစစ်ဗိုလ်ချုပ်တချို့ကို ပိတ်ဆို့ထားသလို ဥရောပခရီးသွားလာခွင့်နဲ့ နိုင်ငံခြားပိုင်ဆိုင်မှုတွေ ရပ်ဆိုင်းပစ်တာမျိုး ဖြစ်လိမ့်မယ်လို့လည်း ဆိုပါတယ်။
ဒီကိစ္စနဲ့ပတ်သက်ပြီး မြန်မာအစိုးရရဲ့ ပြောခွင့်ရသူ ဦးဇော်ဌေးကို ဆက်သွယ်ခဲ့ပေမယ့် ဆက်သွယ်လို့ မရခဲ့ဘူး။ တပ်မတော်ပြောခွင့်ရသူ ဒုတိယဗိုလ်ချုပ်ကြီး ထွန်းထွန်းညီကို ဆက်သွယ်နိုင်ခဲ့ပေမယ့် သူက အဲဒီကိစ္စနဲ့ပတ်သက်ပြီး တစုံတစ်ရာ မှတ်ချက်မပေးခဲ့ဘူးလို့ ရိုက်တာသတင်းဌာနက ဆိုပါတယ်။
အခုချိန်ထိတော့ ပိတ်ဆို့အရေးယူခံရမယ့်စာရင်းထဲမှာ ဘယ်ဗိုလ်ချုပ်ကြီးတွေပါမလဲဆိုတာ မဆွေးနွေးရသေးဘူးလို့ ဆိုပါတယ်။ အမေရိကန်ပြည်ထောင်စုကတော့ မြန်မာနိုင်ငံထဲက ရိုဟင်ဂျာမွတ်စလင်တွေကို နှိမ်နင်းခဲ့တဲ့ ဗိုလ်ချုပ်မောင်မောင်စိုးကို ပိတ်ဆို့အရေးယူမှာဖြစ်တယ်လို့ ပြီးခဲ့တဲ့ ဒီဇင်ဘာလက ပြောခဲ့ပါတယ်။
ဥရောပသမဂ္ဂဟာ ပိတ်ဆို့အရေးယူသူစာရင်းကို အမေရိကန်ပြည်ထောင်စုရဲ့ ပူးပေါင်းသတ်မှတ်လေ့ရှိပါတယ်။
RFA Burmese
https://www.rfa.org/burmese
ဥရောပက ဒဏ်ခတ်အရေးယူမယ့် မြန်မာစစ်ဗိုလ်ချုပ်စာရင်း ရှေ့အပတ်ထွက်ဖွယ်ရှိ
Reviewed by THITHTOOLWIN
on
21:54
Rating: