ကမ္ဘောဒီးယား အတိုက်အခံပါတီရဲ့ ဌာနချုပ် အစိုးရ သိမ်းမည်

Photo: Samdech Hun Sen, Cambodian Prime Minister - facebook
ကမ္ဘောဒီးယား တရားရုံးက ဖျက်သိမ်းခံရတဲ့ အတိုက်အခံပါတီဖြစ်တဲ့ အမျိုးသားလွတ်မြောက်ရေး ပါတီ CNRP ဌာနချုပ် အဆောက်အဦးကို သိမ်းဖို့ အမိန့်ထုတ်လိုက်တယ်လို့ ၀န်ကြီးချုပ် ဟွန်းဆန်းက ဒီကနေ့ပြောပါတယ်။

ပြီးခဲ့တဲ့ နိုဝင်ဘာလက CNRP ပါတီခေါင်းဆောင်တွေကို နိုင်ငံတော် သစ္စာဖေါက်မှုနဲ့ အရေးယူခဲ့ပြီး ပါတီကို ဖျက်သိမ်းခဲ့တာ ဖြစ်ပါတယ်။ အဲ့ဒီပါတီရုံး အဆောက်အဦးဟာ CNRP ခေါင်းဆောင်ဟောင်း Sam Rainsy ပိုင်ဆိုင်တာ ဖြစ်ပြီး သူဟာ လက်ရှိဝန်ကြီးချုပ် ဟွန်ဆန်း ကို အသရေဖျက်မှုနဲ့ တရားစွဲခံရပြီး ဒေါ်လာတစ်သန်း ဒဏ်ကြေးပေးဆောင်ဖို့ ရှိတာကို မပေးဆောင်တာကြောင့် အဆောက်အဦးကို မြူနီစပယ်က သိမ်းယူတာဖြစ်ပါတယ်။

ပြီးခဲ့တဲ့ တနင်္ဂနွေနေ့ကတော့ ကမ္ဘောဒီးယာနိုင်ငံ ဆီးနိတ်အတွင်း အတိုက်အခံပါတီမပါဘဲ မဲရွေးခဲ့တာမှာ အာဏာရပါတီဝင် ကိုယ်စာလှယ် ၅၈ ဦးလုံး အနိုင်ရသွားပါတယ်။ ကမ္ဘောဒီးယားနိုင်ငံမှာ အတိုက်အခံပါတီကို ဖျက်သိမ်းလိုက်သလို သတင်းစာတိုက်တချို့နဲ့ အရပ်ဘက်လူမှုအဖွဲ့အစည်း တချို့ကို အကြောင်းမျိုးစုံပြပြီး ပိတ်ထားတာလည်းဖြစ်ပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ