စာနာကယ်ဆယ်ရေး လုပ်ငန်းတွေအတွက် မြန်မာစစ်တပ်ကို ဂျပန်ထောက်ပံ့မည်

ဂျပန်ဝန်ကြီးချုပ် Shinzo Abe ရဲ့ အထူးအကြံပေး Kentaro Sonoura
လူသားချင်းစာနာမှု အထောက်ကူပေးရေးနဲ့ သဘာဝအန္တရာယ်ကျရောက်မှုဆိုင်ရာ တုန့်ပြန်ဆောင်ရွက်မှုတွေမှာ မြန်မာစစ်တပ်ရဲ့ စွမ်းဆောင်ရည်တိုးမြင့်လာအောင် ဂျပန်စစ်တပ်က ဆက်လက်ကူညီမှာ ဖြစ်ကြောင်း ဂျပန်ဝန်ကြီးချုပ် Shinzo Abe ရဲ့ အထူးအကြံပေး Kentaro Sonoura က ကြာသပတေးနေ့မှာ ပြောကြားလိုက်ပါတယ်။

ဂျပန်ဝန်ကြီးချုပ်ရဲ့ အထူးအကြံပေးဟာ မြန်မာနိုင်ငံ လုံခြုံရေးအကြံပေး ဦးသောင်းထွန်းနဲ့ နေပြည်တော်မှာ တွေ့ဆုံစဉ် ပြောကြားခဲ့တာ ဖြစ်ပြီး နိုင်ငံတကာက စိုးရိမ်နေတဲ့ ရိုဟင်ဂျာအရေးနဲ့ ပတ်သက်ပြီး နိုင်ငံတကာကလက်ခံမယ့် အနေထားမျိုးနဲ့ ဖြေရှင်းနိုင်ရေး အရေးပါကြောင်းလည်း ပြောကြားခဲ့တယ်လို့ Nikke Asia သတင်းမှာ ဖေါ်ပြထားပါတယ်။

ဗြိတိန်အစိုးရက ရိုဟင်ဂျာအရေးနဲ့ ပတ်သက်ပြီး မြန်မာစစ်တပ်အတွက် အကူညီပေးမှုတွေ ရပ်ဆိုင်းခဲ့သလို ထိုင်းနိုင်ငံမှာ လာမယ့် အင်္ဂါနေ့ စတင်မယ့် ရွှေမြွေဟောက် ပူးတွဲစစ်ရေးလေ့ကျင့်မှုမှာ လေ့လာသူအနေနဲ့ တက်ရောက်မယ့် မြန်မာကို စာရင်းထဲကနေ ဖျက်ပေးဖို့ အမေရိကန် လွှတ်တော်အမတ်တွေက တောင်းဆိုခဲ့ကြတာပါ။

ဇန်နဝါရီလထဲမှာ ဘင်္ဂလားဒေ့ရှ် ဝန်ကြီးချုပ် Sheikh Hasina နဲ့ တွေ့ဆုံခဲ့တဲ့ Sonoura က ကြာသပတေးနေ့ မြန်မာလုံခြုံရေးအကြံပေး ဦးသောင်းထွန်းနဲ့ တွေ့ဆုံချိန်မှာ ဘင်္ဂလားဒေ့ရ်ှဘက်က တောင်းဆိုချက်တွေကို တင်ပြခဲ့တယ်လို့ ဆိုပါတယ်။

ရိုဟင်ဂျာဒုက္ခသည်တွေ ပြန်ပို့ရေးအတွက် အချိန်အတိအကျပြောဖို့နဲ့ လုံခြုံစွာ ပြန်ပို့ရေးအတွက် အစီစဉ်တွေ ချပေးဖို့ ဘင်္ဂလားဒေ့ရ်ှက တောင်းဆိုနေပေမယ့် ဒီကိစ္စမျိုးကို အမြန်လုပ်ဆောင်ရင် ပိုဆိုးနိုင်တဲ့အတွက် ၂ နိုင်ငံကြား တဆင့်ပြီးတဆင့် သဘောတူညီချက်တွေ ချပြီး လုပ်ဆောင်ဖို့ တိုက်တွန်းခဲ့တာပါ။ ဒါ့အပြင် မြန်မာနဲ့ ဘင်္ဂလားဒေ့ရှ် အစိုးရတွေနဲ့ ဒုက္ခသည်တွေပါ ပါဝင်ဆွေးနွေးဖို့ လိုအပ်ကြောင်း ပြောကြားခဲ့တာကိုလည်း ဖေါ်ပြထားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ